ياخاطري لاتنكسر دامني حيّ

ان جيتني تنشد عن الحال ياخـيّ
شف وردتي ذبلت على المزهريه
ماتت عطش وايامها ترجي الريّ
يوم انقطع نبـع الميـاه العذيـه
احاول اطوي صفحته داخلي طـيّ
وتطويني الذكرى ثمانيـن طيـه
اذكر ليال الشيطنـه واول الغـيّ
يوم القصايد فـي جنابـه نديـه
يلبس قصيدي بالغلا عقد وحلـيّ
صبح ومسا يلبس قصيدي هديـه
اسريه ليل ٍ يشتعل داخلـي ضـيَّ
محلاك ياليل ٍ شعـى فيـه ضيـه
برق ورعد ورذاذها يسعد الحـيّ
نسناسها غربـي وريحـه نديـه
ريح الغزال اللي سقاني من الميّ
من سلسبيل ٍ مابعـد ذقـت زيـه
واليوم راح ولابقى داخلـي شـيّ
غير السـراب وليلـة ٍ جرهديـه
الحال هذي حالتـي يابعـد حـيّ
من جيت للدنيا وهـي سرمديـه
فيني من الضيقه بحر واكثر شويّ
وفيني طنا من عـزوة ٍ شمريـه
شمس القوايل لو زمت شفتها فيّ
الراس شامـخ والعزايـم قويـه
ياخاطري لاتنكسر دامنـي حـيّ.
من شان لاتِفرح عذولـي عليـه

راقت لي