ديوان الشاعرسالم بن جلعان

يا ليتنا من حجنا سالمينا



الليـل وعيونـك وأنـا والثريـا
يا ما تسامرنا ويـا مـا حكينـا
أحكي لهم بغيابك اشصـار فيـا
ويبكون ويقولـون بـس اكتفينـا
وكلما ذكرتك وانت تنطق بحيـا
قالت ضلوعي راعـي الله فينـا
رحنا ورحتوا وانطوى العمر طيا
والشوق نفس الشوق عيـا يلينـا
شبنا ولا خذنا مـن الحـب شيـا
( يا ليتنا من حجنـا سالمينـا )
او ليت وان بعض الظروف اتهيا
والقاك مـره والعـرب غافلينـا
لقيا لو ان وجه الزمن بـه حميـا
ما كـان خلانـا عليهـا بكينـا
لقيا تخيلها / لـو الوقـت عيـا
تخيل انا / لـو خيـال / التقينـا
وآجي لك اجري وانت تجري اليا
وكنا نطير من الفرح لا جرينـا
يديك مفتوحه وانـا افتـح يديـا
يلين فوق صدور بعض ارتمينـا
ودموع فرحتنـا تساقـط جنيـا
لا اهتزت جذوع الوله في دمينـا
ونعصر من الاشواق كأسا ً هنيا
واروى وتروى من بعد ما ضمينا
في وقتها لا مـا عليـك وعليـا
لو قامت الدنيـا حبيبـي علينـا
لحظات من شمس الفراق انتفيـا
بظلال حلم ٍ مـا تنوشـه يدينـا
حلم ٍ / وفرقانـا تلـوّح ابـهيـا
ويا ليتنا من حلمنا مـا صحينـا
يا ليتنـا نبقـى حبيبـي سويـا
حتى نرجع فرحنا اللـي نسينـا
تبعد واشيلك وسـط تيـا وتيـا
يا مركب ٍ عيني بحر له ومينـا
تبعد وتبقـى يـا حبيبـي هنيـا
دايم معي حتى ولو ما ( التقينـا )