خايف ياقلبي خايف .,

هارب من الأحباب.. هارب من الأصحاب ..
من كل مدينه وحارس وابواب..
هارب انا من بيت .. رائع تشتهيه كل عين..
كنا تحت ظله انا وانتي..طيور اثنين..
الضحكه والدمعه.. نقسمها على قسمين..
ولعبة ظنون السوء .. بالقلب الرحيم..
وانهـــــار سقف البيت والحب العظيم..
غيره .. وبعد الغيره شك..
وبعد الشك عشره من
جحيــــــــــــــــــــم..

....




وصل المطار بعد ساعه خلص اجراءات المطار .. وركب الطياره....
رجع راسه على الكرسي.. ومغمض عيونه بقوه .. خلاص مايبي يفكر في اي شي .. اساسا التفكير ماراح يحل شي.. مايجيب الا الهم ووجع الراس....

يلا ياقلبي تعبنا من الوقوف.. مابقى بالليل نجمه ولاطيوف..
ذبلت انوار الشوراع.. وانطفى ظي الحروف..
يلا ياقلبي سرينا ضاقت الدنيا علينا...

****




ساره بعدقالت لهم كل شي وشافوا المسج..

اخوها عبدالرحمن: كل هذا يطلع منه.. النذل... انا اوريه والله لأجرجره في المحاكم وادفعه ثمن كل دمعه نزلت من عين اختي... اختي الصغيره المدلله اللي عمره محد زعلها يصير فيها كل هذا.... والله ماراح اسكت له..

ام عبدالرحمن : حسبي الله على الظالم...

جا سعد اللي كان مسافر وماعنده خبر بموضوع ساره.. وهو جاي مر على بيت اهل ماهر اللي بالدمام وشافه عند الباب .. وقال بباله يعني ساره هنا بالدمام.. اتصل على جوال ساره....

ساره بعد مارجعت غرفتها.. كانت ساكته وماتاكل .... والكل حاول معاها ,,, لكن مافي فايده.. حتى شيماء جات لها لكن ماتغير شي.... كأنها شبح انسانه...

ساره : بصوت كله تعب والم.. هلا اخوي..

سعد : هلا حبيتي انتي بالدمام؟

ساره : ايه..

سعد : طيب متى بنشوفك؟

ساره : سعد انا ببيتكم وبظل هنا على طول.....

سعد : ساره.. اش صاير...

ساره : اذا جيت تعرف.. يلا باي جوالي بيطفي..
سكرت بدون ماتسمع رده ونزلت دموعها......

سعد:؟؟؟؟؟؟؟

وصل البيت .... وقاله ابوه واماني عن اللي صار.......

سعد : هين... والله لأجيب خبره... راح لغرفته واخذ مسدس طلع.....
زوجته شافته وراحت قالت لأبوعبدالرحمن اللي اتصل لعبد الرحمن عشان يشوف اخوه قبل لايتهور...

سعد : دق على ماهر.. ورد لأنه رقم غريب..

ماهر: هلا.....

سعد : ماهر شلونك..

ماهر: بخير مين معاي؟

سعد: ماعرفتني ها .. انا سعد اخو زوجتك..

ماهر: ....أ أ أ يش... ه هلا سعد

سعد : اسمع انا بجيك الحين بيتكم...

ماهر: لكن انا مو بالدمام....

سعد : هنا ماقدر يمسك اعصابه اكثر... ياحقير يانذل فوق كل اللي سويته في اختي تكذب بعد انا شايفك قبل ربع ساعه عند بيتكم .. وانا جاي لك الحين اتفاهم معاك رجال لرجال.... وسكره بوجهه

ماهر خاف وقام قفل ابواب البيت.. وهدد اهله محد يفتح الباب(جبان)

سعد : وهو عند باب بيتهم.. يدق على جواله مايرد.. قام يصرخ وهو عند الباب والمسدس بجيبه... انزل كلمني ياجبان مافيك مرجله الا على اختي الضعيفه.. والله لأخذ حقها منك الليله .. وماراح اتحرك من هنا لين اشوفك واذبحك بأيديني......

ماهر: كان واقف عند الشباك ويطالع سعد..... صحيح انه جبان...

مرت ساعتين وسعد بعده عند باب بيتهم....

جاه عبدالرحمن : سعد استهدي بالله وامشي البيت.....

سعد : وهو يصرخ عشان يسمعه الجبان اللي واقف عند الشباك.. ماراح امشي من هنا قبل ماخذ حق اختي منه وانا هنا لي بكره وياذابح يامذبوح.. واذا هو رجال ينزل لي الحين......

عبدالرحمن : سعد حرام توصخ ايدينك بدمه الوصخ وتدخل السجن وتضيع عمرك عشان مايشوى تراب ولا تنسى عندك بنات وامك تبيها تموت قهر عليك.. وبعدين هذا مو رجال وحرام تواجه واحد ماعنده اسم المرجله

ماهر لما سمع هالكلام انقهر وكن تحرك فيه عرق (اكيد مو عرق الرجوله ..) هو دايم يتظاهر انه قوي ومايهزه شي لكن عند المواجهه محد يشوفه..

نزل وفتح لهم الباب... سعد اول ماشافه مسكه من ياقة ثوبه وعطاه بوكس على وجهه وقعد يضرب فيه بكل قوته .. ولما شفى غليله منه رماه على الارض .. طبعا سعد كان عريض وطويل وماهر ضعيف ,,,,وماقدر يعطيه حتى كف..

عبدالرحمن لما انتبه للمسدس اللي كان بيطلعه .. مسكه وقال: خلاص يااخوي... يكفي.. الله بياخذ حقنا منه ..

سعد وهو يحاول يفك من عبدالرحمن:اتركني .. لسه ماخذت حقي منه..
ماخلص كلامه الا وهو يركض لبيتهم وقفل وراه الباب

سعد : والله لأوريك يانذل ياجبان .....

عبدالرحمن : ركبه السياره وراحوا البيت.....

ساره : لما عرفت اللي صار .. خافت على اخوها.. وراحت تركض له ..

ساره: سعد صار فيك شي؟

سعد : وهو يتنفس بقوه.. ناظر اخته . كانت ذابله ووجهها اصفر وثيابها مبين انها ضعفت... اتمنى انه يرجع له ويذبحه.. لا حبيتي ماصار فيني شي..

ساره : جلست جنب اخوها وحطت يدها على كتفه: اخوي واللي يخليك عشان خاطري لاتسوي له شي.. هذا واحد مايستاهل تدخل السجن عشانه..

سعد : يخسى هذا يدخلني السجن.. والله لأخليه يدفع ثمن كل دمعه نزلت منك يالغاليه.. وباس جبينها..

ساره : نزلت راسها.. وطاحت دموعها..

وقامت لغرفتها...
جات لها اماني......

اماني: قومي حبيبتي تعشي...

ساره :مالي نفس....

اماني : لازم تاكلي شفتي وجهك بالمرايه.. وبعدين امي تحاتيك .. وهذا خليه يولي..

ساره: وهي تبكي ... وش سووا اخواني...

اماني: كلموه ومارد عليهم لكن امي كلمت امه وهي تقول انه مسحور... تصدقين عاد...

ساره : ضحكت رغم القهر اللي فيها.. مسحور.. هذولا يكذبوا الكذبه ويصدقوها..

اماني: اي واتصلت وامه بعد اللي سواه سعد في ولدها وقالت انه بيروح لشيخ عشان يفك السحر.....

ساره: اي سحر واي هم.....

اماني :انا ادري.... صحيح انخدعنا فيهم...

قاموا يتعشوا.. وساره اول مره تاكل وهي مبسوطه بين اهلها .. صحيح زحمه و ازعاج... لكن الاكل له طعم ثاني مع ناس يحبونك وقلبهم عليك.. هذا يقرصها وهذا يعاندها وهذا يحط لها شطه.. وامها تقرب لها الي تحبه وكل واحد يقولها سالفه.. حست بالامان بعد مافقدته.....




وصل ناصر المطار وكلم امه اللي استغربت من جيته بهالوقت وراحت تستقبله بالمطار...... واول ماشافها حضنها حضن طويــــــــــــــــــــــــــــــــــل وبكى من القهر...

امه قعدت تمسح على ظهره وشعره وتحاول تهديه..

بعد ماوصولوا بيتهم اللي كان على البحر.. وقالها كل اللي صار.....

ماصدقت ان هالشي يحصل وفين في السعوديه...

قالت يمكن قالتك انه مو ولدك عشان تتطلقها....

ناصر: خلاص انا تعبت منها .. وماعاد ابي اسمع اي شي عنها........

ام ناصر : what about your sun?

ناصر : مارد عليها وراح ينام.....

راح لغرفة نومه... وراح للبلكونه..... تنفس نفس طويل,,,,,,, يالله قد ايش اشتقت لهالمكان....... تحس براحه عجيبه......... وقف شوي والهوا يطير خصلات شعره..... امه كانت تتأمله ..... وجهه مبين عليه التعب والهم وذقنه مالحقه من فتره... مو طبعه يهمل شكله ....... لكن.....

طبعا ابوناصر عصب لأن ولده سافر بدون حتى مايشوف ولا يسأل عن زوجته... وحالوا يتصلوا فيه لكن كان مايرد عليهم ... حتى بعد ماطلعت هيفاء من الأربعين ارسلت له نوره ايميل ومارد عليها .. وولده لسه مابلغ عنه او حتى سماه....
حاول يرجع بس ماقدر... جروحه لسه تنزف..... كلهم جرحوني ...... حتى ابوي .. ظلمني.....




مرت ثلاثه شهور......


ساره رجعت الجامعه.. طبعا اهل ماهر كل مايكلموهم يماطلون او يقولوا لسه ماافكوا السحر...... وساره ماتبي تتطلق خايفه من كلام الناس,,,,,,


ابوناصر ارسل لولده وقال له اذا ماجا وبلغ عن ولده راح يتبرى منه قدام الناس وبيغضب عليه طول عمره.. طبعا وهيفاء لاعبه دور المره المظلمومه اللي تخلى عنها زوجها وعن ولدها.... كانت قاعده ببيت امها... وخالد قطع علاقته فيها لأنه قرر يتزوج... وهي ماعندها مشكله تلعب مع غيره......


ناصر بعد ماقرأ الايميل من ابوه حط يده على راسه وطلع صرخة قهر: ليييييييييييييييييييييشششششش؟؟

امه جات بسرعه ... كان جالس على ركبه على الارض وفاتح ازرار قميصه ويضرب الأرض يقبضة يده بقوه.... امه حاولت تهديه وتحضنه لكنه تركها وراح للبحر...... صرخ وصرخ وطلع كل القهر اللي فيه,,,,, بعدين ركض مسافه طويله يمكن النار اللي بقلبه تبرد.....



ساره تحسنت صحتها ونفسيتها شوي... وفي ليله قعدت تفكر في نفسها وفي حالها الحين... وش اسوي .. لو طلب يرجعني .. ارجع له؟؟

اهلي مستحيل يمشوها له.. وهو للحين ماواجه ولا كلم احد من اهلي خايف من اخواني حتى خوالي وعمامي متوعدين فيه.... طيب واذا طلقني بصير مطلقه مرتين.. لكن انا مستحيل ارجع لذاك المكان ... لو رجعت بموت او يمكن اجن...
بصير مطلقه مرتين.... هالكلمه حزت في نفسها... وماقاومت دموعها وبكت بصوت مسموع... كانت تشاهق وهي تبكي...
مر بدر على غرفتها وسمعها... دق الباب..

ساره: عرفت انه هو... ادخل بدر...

بدر : ساروه ليش للحين مانمتي...

ساره :مسحت دموعها.. ماجاني نوم..

بدر : طيب ش رايك نطلع..

ساره : الحين الساعه 12... وين نروح؟؟

بدر : التميمي اكيد فاتح.. نروح نشتري اسكريم وشيبسات .. ونجي ونتابع فلم او مسرحيه.. وغمز لها.. ش رايك.. وعلى حسابي.....

ساره : ابتسمت.. صحيح انك مجنون...

بدر: لا بسم الله عليك... يلا قومي لا يكثر بس.. معزومه وتتشرط..

قامت ولبست .. راحوا التميمي واشتروا لهم كم شغله.. ورجعوا البيت..

بدر : امم .. كل الأفلام رعب او اكشن... وانتي تحبين الرومانسي.. ونعم صوته .. يالناعمه..

ساره: لا تلقدني.. ماعندك مسرحيات..

بدر: ايه عندي (مدرسة المشاغبين)

ساره : حلو اجل نشوفها.. حطوها .. وسهروا وضحكوا للصبح.....




بعد شهر...



ناصر جا السعوديه عشان يسجل ولده طبعا غصب عنه.....

وصل البيت.. طبعا عطاهم خبر انه جاي .. اول مادخل البيت كانت ام فهد وخواته .. وهيفاء وبحظنها ولدها وامها جنبها...

دخل : السلام عليكم..

ردوا: وعليكم السلام...

على طول هيفاء اللي كانت حاطه مكياج ثقيل وكاشخه راحت له.. ولاكأنها مسويه شي(ماعندها احساس بالذنب)

هيفاء: الحمدلله على السلامه حبيبي .. شوف هذا ولدنا... ومدت له الولد..

ناظرها ببرود.. وناظر الولد.. صحيح فيه شبه مني.. لكن احساسي يقولي انه مو ولدي..
سفهها وطلع لغرفته..

ام هيفاء: شفتي ياام فهد شلون ولدكم يعامل بنتي. . بعد كل هالمده اللي تركها لحالها .. وولده حتى ماحمله....

هيفاء: كانت تسمع هالكلام وتبتسم بداخلها.. عجبها دور المظلومه...

ناصر راح للبلكونه ..حط ايدينه على السور ورفع راسه للسما.. يبي يتنفس مو قادر.. فتح ازرار قميصه لكن مازال مخنوق...


جات له بدريه وهي حامله ولده..
بدريه: ناصر الحمدلله على السلامه..

ناصر : بدون مايلتفت لها.. الله يسلمك..

بدريه: ماتبي تشوف عبودي ؟

ناصر : ..........

بدريه: ناصر حرام عليك .. هو ماله ذنب.. لا تخلي قلبك قاسي.. وبعدين تقول مو ولدك.. ليش؟؟ طالع فيه يشبهك نفس الخشم...

ناصر: ................ ماتحرك فيه ساكن....

بدريه: مسكت كتفه ولفته على جهتها ... هزت كتفه... ناصر شفيك .. مو انت اخوي اللي اعرفه...
استغربت من نظراته القاسيه وملامحه البارده.....

ناصر ناظر الولد... كان بريء وحجمه صغير وابتسم في وجهه ... لكنه ماحرك مشاعره...

ناصر : من اللي سماه؟

بدريه: ابوي........

ناصر: ابتسم ابتسامه باهته... ومشى عنها.......

بعد يومين ناصر راح وسجل ولده ... في الأوراق الرسميه...
وطلع على طول للمحكمه وطلق هيفاء...بدون مايخبر احد....



وراح لها بيت امها... هي طبعا طارت من الفرح ظنت انه جاي يراضيها راحت له وهي لابسه بنطلون برمودا وتي شيرت بدون اكمام وباين صدرها ... ناصر لما شافها كذا لف ع الجهه الثانيه ... هي استغربت من حركته وجت بتمسك يده... لكنه قال ببرود.. نزلي يدك ياحرمه..
ومد عليها الأوراق...
هيفاء: شنو هذا....
مارد عليها وطلع......
اخيرا...... حس بالراحه....
راح حجز له على اول طياره لبريطانيا....



في نفس الوقت ,,,, ساره كانت خايفه على اخوها بدر اللي كان تعبان ومنوم في المستشفى...
كانت كل يوم بعد الجامعه تروح تزوره.. كان يضحك ويسولف معاها ......


دخل المستشفى وطلع في شهر واحد ثلاث مرات...

وفي آخر مره تعب مره.. اخذه عبدالرحمن للمستشفى.. ولما طلع ناظرهم قبل مايطلع الباب... وكأنه يودعهم....
بكت ام عبدالرحمن جت ساره بتواسيها بكت معها...

اماني: لا تسوون كذا .... انشاءالله بيقوم بالسلامه .....

تنوم مدة عشرة ايام.... جا من عنده عبدالرحمن...
كانوا مجتمعين بالصاله ساره وامها و اخواتها واخوانها الصغار وزوجة سعد......على اساس انه يرجع معاه

ام عبدالرحمن: شلون اخوك يمه ليش ماجا معاك؟

عبدالرحمن: بخير ونزل راسه......بيطلع قريب ....

لحقته ساره واماني.......
ساره: عبدالرحمن ... شفيه بدر ليش ماجا معاك....

عبدالرحمن:.................

اماني: عبدالرحمن قول لنا شفيه بدر.........

عبدالرحمن : تنهد بتعب... بدر تعبان واحتمال يسوون له عميله ويبدلوا دمه.......

ساره نزلت دموعها.......... عملية ايش؟؟

عبدالرحمن: الطحال عنده تعبان ولازم يستأصلوا جزء منه .........
(عادة المصابين بفقر الدم المنجلي الطحال عندهم يتأثر بشكل كبير)

ساره بكت وجلست على الأرض.........
يارب تقوم اخوي بالسلامه......... يارب مالي معين بعدك غيره.. يارب محد يفرج همي غيره.... يارب.................




رجع ناصر بيتهم... ولقى ابوه بالصاله... دخل : السلام عليكم
ابوه جا لعنده ومارد السلام.........وعطاه..................

كف...... اطلع برا البيت ولا عاد اشوفك............ بعد اللي سويته منت ولدي ولا اعرفك..........

ناصر : ماقال ولا كلمه............
اخذ شنطته وطلع..... وخواته يطالعونه وهو طالع وهم يبكون.... من لنا غيرك بعد الله وابوي.......... فهد اللي ماهمه الا نفسه............ والا نواف وريان اللي ماكملوا خمس سنوات..........


ناصر............. حس قلبه بينفجر.......... خلاص ماعاد ارجع هنا..........


راح للمطار وقعد يستنى الطياره حتى لو باقي عليها خمس ساعات عادي ماتفرق... ماعاد في شي يسوى........ خلاص كل شي انتهى هنا...........



ساره ... ماقدرت تنام.. صلت ركعتين ودعت ان رب العالمين يقوم اخوها بالسلامه طلعت من غرفتها الساعه 1 قامت تروح وتجي في الممر اللي بين الغرف.. سمعت بنت اخوها سعد تبكي.. وقالت اطلع اقعد مع زوجته هو بالرياض واكيد زوجته لحالها......
راحت وقعدت معاها...


رنا: ش رايك تنامي معنا الليله....

ساره: اصلا مو جايني نوم قبل مااروح المستشفى اتطمن على بدر..

رنا: حتى ام عبدالرحمن مانامت شفتها من شوي على سجادة الصلاة....

ضلت قاعده للساعه 3 وبعدين غفت على الكنب قدام التلفزيون.......

رجع بريطانيا .... وهو بالطريق لبيتهم لقى سيارات اسعاف وشرطه..
ناصر بنفسه .. خير اللهم اجعله خير.. طلع جواله ودق على امه... ماردت.. دق على البيت محد يرد...
لما وصل لعند المكان اللي فيه الأسعاف.........
ناصر: ................لالالالالالالالالالالالالالالالالا لالا................




الساعه 3:30 الفجر صحت ساره على صوت احد يبكي وينوح...
ساره: رنا سمعتي؟
رنا: ايه الصوت جاي من تحت........


نزلوا ... لقت امها جالسه بأحرام الصلاة على الأرض وتبكي وابوها ماسك سماعة التلفون....
ساره : يبا اش صاير؟؟؟؟؟؟؟؟؟؟؟؟؟.......


ابوعبدالرحمن:.............................


ساره: يبا لاتقولها ............ واللي يخليك لا تقولها......لالالالالالالالالالالالالالالالالالالا لالالالا