ديوان ضيدان المريخي

يوم الرجاء في عيوني لاح لي برقـه
على حدود الرياض أغراني البـارق
سريت يوم انها جازت لـي الطرقـه
يوم ان نومي غدى غفوات ومسـارق
جيت الرياض ولقيت الطرق مفترقـه
وأخذت دربٍ لغرب العاصمه فـارق
ونصيت قصرٍ تقول طويق في (عرقه)
على الطريق العمومي ما هو متدارق
بعيـون كـل الاوادم بـيـن فـرقـه
حيثه يغيث الضعيف وينجي الغـارق
بالصيف ظله براد وبالشتـاء شرقـه
والباب مفتوح ما قالوا مـن الطـارق
ما قدمك الا الدرج بالواجهه وارقـه
وابشر بقولة هلا زافـات ومـزارق
كله دواوين مـن غربـه ليـا شرقـه
وسعود موجود في ديوانـه الشـارق
شيخ يند الكرم والجـود مـن عرقـه
سلايل الشجره اللـي غصنهـا وارق
الطيـب ماجـاه عاريـه ولا سرقـه
ورثه ويستاهله مـن مجـده الخـارق