 |
 |
 |
 |
|
 |
||||||||
 |
 |
| …»●[الرويات والقصص المنقوله]●«… { .. حكاية تخطها أناملنا وتشويق مستمر .. } |
|
|
أدوات الموضوع | انواع عرض الموضوع |
|
|
|
|
|
|
|
|
|
||||||||
|
|
|
| …»●[الرويات والقصص المنقوله]●«… { .. حكاية تخطها أناملنا وتشويق مستمر .. } |
|
|
أدوات الموضوع | انواع عرض الموضوع |
07-25-2011
|
#11 | |||||||||||||||||||||||||||||||||||||||||||||||||||||||||||||||||||||||||||
 
|
___________________(11)
بعد الحفله قبل الفجر: ابوعبدالله وفواز وعبدالله كانوا قاعدين بالصاله الداخليه دخلت عليهم ام عبدالله :السلام عليكم الكل:وعليكم السلام ورحمه الله وبركاته ام عبدالله:ابوعبدالله خذيت الدواء ابوعبدالله:أي الحمد لله عبدالله ضرب فواز كوع:اكشخ يانجلاء ولابنت 14 بالهفستان شكل ابوي بيصير له شي اليوم ويمكن نرجعه لندن يسوي عمليه ثانيه لقلبه ام عبدالله بعصبيه:بسم الله عليه حسبي الله على عدوك من ولد الكل كان يضحك على ام عبدالله ابوعبدالله:وش هالكشخه ؟ ام عبدالله استحت واكتفت بابتسامه عبدالله:فوازوه يالله بكرامتنا نروح قبل لايطردونا فواز باستهبال:لا انا بقعد ومنكم نستفيد ابوعبدالله كان فواز جنبه وضربه على كتفه:استح ياولد فواز:عبود ابو الشباب غار عبدالله وفواز :هههههههههههههههههههههههههههههههه ام عبدالله:مادري متى بتعقلون عن قله الحياء عبدالله:وين عمتي ابي اعلق عليها ام عبدالله:طلعوا ينامون تعبت هي ورؤى بالتحضير الله يجزاهم الجنه حلفوا علي ماسوي ولاشي فواز من سمع طاري رؤى قط اذنه عند امه وابوه ابوعبدالله:والله اني ارتحت لهالرؤى ام عبدالله:والله اني ماقد شفت مثلها بين البنات بحياها وذوقها وابتسامتها طالعه ورده اليوم والكل يسال عنها عبدالله وفواز كانوا مبينين انهم مو مع امهم وابوهم وام عبدالله مكمله اللي صار لابوعبدالله عبدالله يهمس لفواز:خخخخخ امك استخفت على البنت فواز بينه وبين قلبه(وحد يلومها):عيب ياولد استح هاذي محارمنا عبدالله وهو يضحك:محارمنا هاه وكمل ضحكته ام عبدالله تسولف لابوعبدالله:ولا قومتها دلال الله يهداها ترقص لو شفت البنت بغت تموت من الحياء مانكر ان الفكره فكرتي بس ماتوقعت البنات يحرجونها لهالدرجه ويقعدون ويخلون المسرح لها ابوعبدالله:حرام عليكم ام عبدالله وهي تضحك:بس ماشاء الله عليها خلت الكل غصب عنها يطالع فيها الله يحفظها والله خفت عليها فواز كان كل كلمه تدخل في باله وعبدالله اللي كان يسولف له لاحظ عليه انه قاط اذنه ومو معه وفصارخ فوااااااااااز فواز بخوف:هاه ام عبدالله:قوموا ناموا انت وياه تقومون لصلاه الفجر لو صحيتكم فواز ونظراته تهديد لعبدالله وعبدالله يضحك ويطلع لسانه لفواز وركض مع الدرج :ان شاء الله تصبحون على خير ام عبدالله+ابوعبدالله:وانت من اهله (عبدالله ماتكلمت عنه كثير عبدالله انسان مرح مررره مستحيل يبين ضيقته مهما كانت متفائل على قولته من عرف عمره واحلى كلمه على لسانه(مي) بنت عمه اللي يعشقها من الطفوله دبدوب شوي يعني مليان بس موب دب طويل ابيض مسوي ديرتي فيس له غمازه نفس غمازه فواز بخده اليسار وهاذي وراثه من امهم خطب مي من خلصت الثانوي وقريب بيملك عليها ومن تخلص الجامعه بيتزوجها نرجع لمحور حديثنا) فواز كانت رؤى مستحله تفكيره وكلام امه عنها خلاها تملك كل تفكيره في غرفه ساره كانت تفكر هل تقول لنور عن اللي سمعته بين رؤى وفواز بالحديقه او تسكت وتفكر هي من نفسها ساره:نور نور وهي تشيل المناكير :هاه ساره بتردد:بتنامين الحين؟ نور:اكيد بنام ولاتبيني اطالع بوجهك تصدقين قهرتني الحيوانه بحركتها طلع رقصها حلو ساره:احنا اللي خلينها بروحها الغلط غلطنا لمن خلينها بروحها نور:وش دراني على بالي ماعندها سالفه بس والله لاردها لها ساره وفي داخلها صراع بانها تقول السر اللي ورى رؤى او تسكت بعد لحظات صمت من ساره:نور نور:وجعاه ساره ترددت تتكلم فقالت :انا بروح للمطبخ اشرب و بجي نور:طسي انا بنام طلعت ساره بعد ماقررت انها تفكر وتقرر من دون مساعده نور اللي واضح انها تكره رؤى وبتقلب كل شي عليها وهي للحين مافهمت كل شي مرت ساره من غرفه رؤى وشافت اللمبات شغاله وطرى على بالها انها تدخل وتشوفها اندق الباب رؤى وهي ماسكه المصحف طالعت الباب بخوف و ببراءه تلمع بعيونها>)يعشق فواز هالنظره منها) (من بيدق الحين اكيد فيه شي صاير ابو عبدالله) رؤى بصوت خايف:مين؟ ساره:انا ساره فتحت رؤى الباب وكلها استغراب من وجود ساره ساره وهي تشوف رؤى بحجاب الصلاه والمصحف على الطاوله يقلبه الهواء من الشباك ساره بعد لحظه صمت :ممكن ادخل ؟ رؤى بكل ترحيب:اكيد تفضلي الغرفه غرفتك ساره :يوه مره برد الغرفه ليه ماتشغلين الدفايه رؤى بابتسامه صادقه من وجهها اللي كله نوروفرحه بوجود ساره بغرفتها : احب البرد ومد يدها لساره بشال صوف اخذت ساره الشال :رؤى خطيره ريحه العطر وشو عطرك؟ رؤى :عطري خليط عطور فرنسيه من وحده تبيعيهم ساره:من هاذي؟ رؤى وهي تتذكر الموقف للعطر(انها شافت حرمه كبيره بالسن تبيع تحت شمس الصيف والرطوبه اللي تتميز فيها الدمام بالصيف في المحطه اللي باخر الطريق المؤدي للحاره اللي تعيش فيها كانت توها مستلمه فلوس اللي جمعتهم من شغلها بتدريس طالبات من المتوسط دروس خصوصيه اشترت منها كل العطور اللي معها وقامت الحرمه تدعي لها مع انها عارفه ان معاذ ماراح يرحمها لانها ماجابت الفلوس وبالفعل ضربها ذاك اليوم لدرجه ماتعودت عليها بالقسوه بس تحملت ضربه وهي فرحانه انها ساعدت الحرمه وواجهته بانها شرت العطور ) كانت محتفظه فيه بشنطتها الورديه بدمعه نزلت من عيونها لمن تذكرت بس مالحظتها ساره لانها مسحت دموعها بسرعه و ابتسمت :مدري وينها الحين كان عندي رقمها بس العطر مايغلى عليك ساره باحراج من تصرفات رؤى معها:تسلمين بس رؤى بابتسامه جلست بالقنفه اللي جنب ساره:بس وشو ساره:اسفه عالموقف اللي حطيناك فيه انا ونور اليوم رؤى حست باحراج الموقف بداخلها ورغمها ابتسمت لها:عادي بس خفت اطيح واصير نكته وضحكت رؤى بكل براءه تبي تغير الجو وتحاول تنسي ساره إحراجها ساره وهي منزعجه من نفسها عاللي سوته مع رؤى :اكيد ؟ رؤى :اكيد ساره:طيب اسفه جيت بالهوقت وانتي بتنامين؟ رؤى:لا اصلا باقي ربع ساعه عالاذان بصلي وبعدها بنام ساره جلست تسولف مع رؤى ومع كل كلمه تلوم نفسها كيف قست على انسانه زي رؤى بطيبتها وبراءتها وعفويتها وكان ندمها اكثر على تفكيرها اللي مخططه عليه بس الشي الوحيد اللي ريحها انها ماقالت لنور عن سر رؤى كانت تحمد ربها من داخلها رؤى وساره سولفوا شوي عن الحفله وعن الترتيبات وعن المعازيم اذن الفجر معلن للقلوب عن راحتها ووقت رجوعها الى ربها بعد نومها أوسهرها رؤى سمعت الاذان وصارت تكرر معه وعلامات الدهشه على ساره اللي ماتعرف عن رؤى شي ساره صارت تردد الاذان مع رؤى ولمن خلص ساره وقفت :يالله رؤى اسفه عالازعاج وبكره اول ماصحى بجي عندك عادي؟ رؤى براحبه صدر:في أي وقت تبين لو تبين نسهر لبكره ساره طلعت من غرفه رؤى وتانيب ضميرها خلاها تصحى على اشياء كثير غفلت عنها وصارت تعيد حسابتها من جديد توضت وصلت ودعت ان الله يغفر لها ويسامحها على كل شي سوته برؤى حطت راسها عالمخده براحه ونامت فتحت عينها على صلاة الظهر صلت وقامت بنشاط غير معروف عنها دلال:ياصباح الورد شعندها صاحيه الحين غريبه؟ ساره وهي تبوس راس امها:صباح اللوز والورد وكل شي وصارت تضحك دلال تمسك راسها:ليكون مصخنه قايمه بدري وتبوسين راسي اخلصي وش تبين روحه للسوق مافيه ام عبدالله:ياويلي منك يادلال خلي البنت وهي رايقه ساره:والله ماني مصخنه ولاشي بس اكتشفت اني احبك وضمت امها دلال:ياقلبي على بنيتي استخفت ساره وهي تضحك:الشرهه مو عليك الشرهه علي اعبر لك عن مشاعري الجياشه دلال وام عبدالله ضحكوا على ساره اللي راحت للمطبخ ساره:صباح الخير تيكا تيكا وهي فاتحه عينها:صباح النور ساره:وين رؤى؟ تيكا:في الحديقه راحت ساره لرؤى اللي كانت حاطه راسها عالكرسي والملفات مسكره قدامها حبت ساره تخوفها وراحت ورى الكرسي وبصراخ:رؤؤؤؤؤؤؤؤؤؤى فزت رؤى خايفه وساره ميته من الضحك عليها رؤى:خوفتيني والله ساره:وش تسوين؟ رؤى :شويه شغل وداخله وانتي غريبه صاحيه؟ ساره وهي تقعد عالكرسي وتشرب كوفي:وش فيكم علي شعندك صاحيه ياناس شبعت نوم رؤى بضحكه:طيب ولاتعصبين صح النوم ساره وهي تضحك:صح بدنك بعد لحظات من الصمت ساره:رؤى رؤى :لبيه ساره:ممكن اسال سوال؟ رؤى تركت الملف وحطته على جنب :تفضلي ساره باحراج:وش يعني لك فواز؟ رؤى تغير لونها وحست بحراره جسمها ترتفع من انطرى اسمه:هاه ساره:وش فيك سوال عادي فواز ولد خالي المصون عرفتيه؟ رؤى باحراج:فواز انسان طيب وخلوق والله يرزقه على قد نيته ساره وهي تضحك:تراني قلت اسم ماهو هنا وكملت تضحك رؤى:لاعادي ساره بضحك:بالله شوفي وجهك شلون احمر جت فيء وهي تركض وراحت لرؤى وباستها:صباح الخير رؤى وهي تجلسها على الكرسي:ياهلا وغلا ياصباح الفل ساره:هيه ام عنقوص انا هنا فيء بعصبيه :من ام عنقوص انا؟ ساره:رؤى ولابسه حجاب وانا لامه شعري ومافيه الاانتي بعنقوص فيء:مابي اقولك شي كيفي رؤى وهي حابسه ضحكتها من تصرف فيء:فيونه قولي صباح الخير لسارونه فيء:بس هي تقولي ام عنقوص؟ رؤى وهي تبتسم:طيب وش فيه عنقوصك يجنن فيء:صدق؟ رؤى :ايه اصلا انتي غلطتي المفروض لمن تجين لاحد تقولين للكل صباح الخير فيء وهي تبوس رؤى:اسفه رؤى ماأعيدها(ومن دون نفس) صباح الخير ساره رؤى وهي حاسه باحراج من فيء وفيها الضحكه على نبره صوتها وهي تسلم على ساره :ايه شاطره كذا ساره مستغربه من تصرف فيء وشلون سمعت كلام رؤى على طول وهي عنيده وماتسمع لاحد:صباح النور فيء:امي تقول ادخلوا داخل بالصاله رؤى:يالله نروح ساره؟ ساره:يالله انا بصعد اصحي نور لانهم بيروحون بعد الغداء لعمتهم نوره بالخبر.(الخبر تبعد عن الدمام ربع ساعه وبالزحمه نص ساعه>>خخخخ مداخله ) راحت ساره ومشت رؤى وفيء كانوا بيدخلون من الباب الرئيسي بس انتبهت لفواز وهو يوقف سيارته لفت رؤى تبي تروح من الباب الثاني وقفها صوت فواز:رؤى رؤى :هلا فواز:ليه هربتي؟ رؤى وودها ان الارض تنشق وتبلعها:هاه لا كنت ابي... فواز وهو يضحك:طيب خلاص تبين تهربين بس تجهزوا انتي والبنات بمشيكم لمن تدوخون رؤى:بس فواز يقاطعها:لا بس ولاشي الوالد معطيني اوف من دوام العصر خصيصا امشيك من قدك والله لو اموت مايعطيني اجازه واليوم علشان تتمشين اجازه والبطاقه الذهبيه رؤى حست بشي في داخلها لمن قال اموت هو خوف انها تفقد الانسان الوحيد اللي حسسها بالامان اوحب وهذا اللي ماكانت تبيه مشاعرها مختلطه ماهي قادره تحددها :ان شاء الله فواز:فيونه بنروح الالعاب في:ورؤى ؟ فواز:مدري هالبنت دلخه على مين وانا من اليوم وش اقول؟ فيء:خلاص دام رؤى بتروح انا بروح فواز وهو حاب يحرج رؤى:علشان رؤى بس؟ فيء ببراءه:ايه رؤى حست بانها خلاص ماهي قادره تتحمل احراج استذئنت وراحت من الباب الخلفي فواز(اه بس ليتني اقدر اوديك القمر بعد والله وديتك ) جاء الغداء وتغدوا وراحت صباح ونور للخبر العصرالساعه 4م كانت رؤى قاعده بغرفتها ترسم دخلت عليها ساره ساره:رؤى فواز ينتظرنا تحت ؟ رؤى:جد للحين مالبست اوك دقايق وجايه ساره:طيب بروح اجيب فيء وضيء من غرفه الالعاب ونطلع للسياره بدلت رؤى ملابيسها ولبست جنز سكني وعليه تيشرت طويل اسود حتى يكون مريح لها ولبست عبايتها ونزلت مستعجله وهي تقول في بالها(ياويلي فشله اكيد تاخرت )ولمن اركبت السياره لقت ان ساره والبنات ماجاو للحين حست باحراج من فواز ونزلت على انها نست شي ودخلت الفله وراحت لدلال وام عبدالله بالصاله وشافت لو يبغون شي وطلعت لقت البنات ركبوا طول الطريق كانوا هادين معدا في وضي يتهاوشون على من اللي يجلس جنب رؤى ساره:وجع انتي وياها وانا بنت الغسال يعني رؤى ضحكت من قلب وفواز يسمع ضحكتها (جعلها دوم هالضحكه و ماتفارق مبسمك) رؤى:فيونه حبيبتي اقعدي قدام مع فواز وضيء خليها جنبي وش رايك؟ فواز:ايه ورى ماتقعدين جنبي وانا كني سواقكم الكل ضحك على فواز بعدها راحت فيء قدام وضيء ضلت جنب رؤى وصلوا للحكير وكان ابو الوناسه والهبال لعبوا في البدايه ساره لعبت لحالها ورؤى لعبت فيء وضيء في العاب الاطفال فواز:رؤى رؤى:هلا فواز:ليه ماتلعبين ؟ليكون خايفه؟ رؤى:لا بس اول بلعب البنات فواز: خلاص ساره تكمل عنك سارونه تعالي جت ساره :هاه فواز امسكي فيء وضيء شوي ساره انقهرت من حركه فواز اللي ترك فيء وضيء معها واخذ رؤى لعبة المقص فواز:انا بركب بجهة الرجال وانتي بجهة البنات اوكيه رؤى وهي ميته من الخوف:بس فواز:يابتلعبينها يابتعلبين قطار الموت اختاري رؤى وهي تشوف قطار الموت يتقلب ويلف:لا خلاص هاذي ركبوا في نفس المستوى رؤى بجهة الحريم وفواز بجهة الرجال وبدت اللعبه في البدايه خافت رؤى بعدين كملتها صراخ وضحك ولمن نزلوا من اللعبه كان فواز ميت من الضحك على رؤى اللي تمشي وهي تترنح جت ساره:والله لو تشوفون اشكالكم نكت رؤى وهي تضحك:اه والله تقلب الواحد كملوا لمن العشاء ولعبوا رؤى وساره وفواز اخذ البنات كانوا مره مستانسين بعدين اخذهم فواز على محل ايس كريم وتمشوا شوي عالبحر بعدين راحوا مطعم فخم وتعشوا هناك رؤى ماكلت شي خجل من فواز اللي معهم عالطاوله وفواز انتبه لصحنها انها ماحركت فيه شي فواز:فيونه البنت اللي ماتاكل كيف تصير؟( وهو يقصد رؤى) فيء بحماس :تصير نحيفه وماهي قويه وتمرض فواز وهو ياكلها:شاطره فيونه وصلت رؤى رساله فواز وابتسمت واخذت فطيره حتى تبعد الاحراج طلعوا من المطعم وكانوا رؤى وساره يسولفون ورجعوا عالبيت بعد يوم متعب وممتع اللي كان من احلى ايام حياة رؤى فتحت عيونها وفرحتها مرسومه على وجهها طالعت الساعه لقتها 9ونص استغربت من نفسها ولاول مره من كم شهر تنام نوم متواصل ومريح تذكرت خالد وفجر وطاحت دمعه واختفت ابتسامتها اخذت شور سريع ولبست تنوره طويله رمادي فاتح فيها تعرقه سوداء ماسكه من الخصر وفضفاضه من تحت ولبست قميص اسود لون رقبتها رصاصي فيه نفس التعريقه اللي بالتنوره لفت حجابها بشكل حلو على رسمه وجهها المورد اكتفت باللوشن وماحطت مكياج او عطر لانها تعرف ان الكل الشباب وابوعبدالله مجتمعين تحت نزلت وقعدت بصاله التلفزيون والكل كان قاعد بالصاله المفتوحه مرت دلال وشافت رؤى حاطه برنامج الصباح وتقرا الجرايد دلال:صباح الخير رؤى:اهلين صباح النور دلال:ليه ماجيتي تقعدين معنا بالصاله رؤى:لا مرتاحه هنا مانتظرت دلال رفضها وامسكتها من يدها وسحبتها معها الكل التفت للصوت اللي جاي كان صوت رؤى تترجى دلال تتركها ابوعبدالله:رؤى يبه تعالي وش فيك؟ حست رؤى بالدم يوقف في عروقها واستسلمت ليد دلال جلست على اول كنبه ووجهها بالارض وبهمس:صباح الخير الكل:صباح النور دلال:تخيلوا قاعده بروحها بصاله التلفزيون وتقول مرتاحه ام عبدالله:ليه رؤى ليكون عبدالله وفواز مضايقينك بخليهم يروحون المجلس؟ رؤى بربكه:لا لا ورجعت نزلت راسها فواز كان يحب يسمع صوتها فكان مبتسم بعكس عبدالله اللي عصب من كلام امه ويمثل الزعل: الله يالدنيا صارت رؤى الحبيبه واحنا عيال الطباخ الكل ضحك ماعدا رؤى اللي نزلت راسها زياده من الاحراج فواز بيلطف الجو عليها لانه حس باحراجها:بالعكس احس رؤى ترتاح معنا ولا لا يارؤى؟ رؤى حمرت خدودها وردت :ايه ابو عبدالله:هاه يبه رؤى انبسطوا امس ولا بخل عليكم فواز بشي؟ رؤى:لا عمي كثر الله خيرك وماتقصر. فواز: الحين انا اللي افتر راسي وانا امشيكم وتكسرت رجولي وعشيتكم وفي النهايه الجميل والشكر والعرفان كله لابوي احتج (ورفع يده كنه بمظاهره) الكل صار يضحك لان عبدالله قال بدون نفس لان طبعه لو صحى من النوم مايحب احد يكلمه الا بعد ساعه:نزل ايدك واشرب قهوتك واسكت ام عبدالله تكلم فواز :يمه كليت البنت بقشورها تعالي يمه معليك منه اقعدي جنبي. رؤى بغت تموت من الحياء:هاه لا خالتي مرتاحه هنا لانها كانت بطرف الصاله وبعيده عنهم شوي ام عبدالله:افا ماتبين تقعدين جنبي؟ رؤى:لا مو كذا بس. ام عبدالله:لا خلاص زعلت قامت رؤى وهي تجر رجولها لعند ام عبدالله من الحياء وباست فوق راسها:اسفه خالتي ان زعلتك. ام عبدالله وهي تقعدها:وين ازعل ومنك ؟ طبعا صباح خاله فواز موب عاجبها الوضع ابدا بس بما انها كانت متغطيه علشان زوج اختها فمحد انتبه لها فواز:عندي لكم مفاجاه! عبدالله:وشي؟ فواز:يالقافتك ياخي قبل شوي ماتبي تسمع صوتي وبعدين انا اقول مفاجاه تقول وشي؟ ام عبدالله:الله يستر من مفاجئتك. فواز وهو يمثل الزعل:افا يالغاليه قد فجائتكم بش شين؟ ابوعبدالله وهو يتذكر المزرعه:لا ياولدي والله لو توديني القبر بنبسط نقز فواز عند ابوه وباس راسه:سلامة عمرك يالغالي جعل يومي قبل يومك كانت رؤى تغبط فواز ان عنده اهل وتتمنى ان الله يخليه لهم ويخليهم له نزلت نور وساره ولقت رؤى من نور نظره ماقدرت تفسرها حست بالخوف من نور بسبب نظرتها الغريبه نور+ساره:صباح الخير الكل:ياصباح النور رؤى قامت بتروح غرفتها ترتب الملفات وتعطيهم فواز ام عبدالله:وين يمه؟ رؤى:بطلع غرفتي بعد اذنكم. ام عبدالله:براحتك يمه. نور:ماما بنروح الصاله انا وساره ناخذ راحتنا اكثر صباح:روحوا يمه براحتكم رؤى كانت طالعه من الصاله ونور وراها على طول نور بهمس تسمعه رؤى:أولها طالعه من البيت وعايشه عند ناس مو محارمك وبدون محرم ابي افهم امك وابوك قبل لايموتون ماعرفوا يربونك ولاشكلك تعودتي مع كل رجال تقعدين ومشيه الوضع حست نور بكف على وجهها وكان من رؤى قالت بحده والدموع تنذر بوصلها وبشفايف مرتجفه :أهلي لهنا وماأسمح لك طلعت رؤى فوق وهي تبكي بقوه الكل انتبه لهم لانهم كانوا قريب من الصاله صباح:خير و ش صاير نور وهي تتحسس وجهها وتمثل البكي:يمه ضربتني صباح وهي تحضن بنتها وتوجه كلامها وصراخها لفواز :ماسمح لبنت من الشارع تجي وتضرب بنتي قدام الكل بدون ماتحترم وجودي فواز:وانا ماسمح تسبينها وبدون ماتحترمين وجودي (وجه كلامه لنور) انتي وش قلتي لها؟ نور وهي معصبه من فواز:وتدافع عنها بعد اعرف المحترمه اللي تتكلم عنها من تكلم وتسهر معه نصايف الليل وبعدين اعرف تكلم؟ ام عبدالله بصراخ:فــــواز. فواز كان وده يعطي نور كف ثاني يربيها فيه وهو فاهم قصدها انها تبي تشككه في اخلاق رؤى صباح:مالي قعده ثانيه وحده بهالبيت ام عبدالله قامت تهدي اختها بس ركبت صباح راسها وراحت تجههز اغراضها رجعت ام عبدالله لفواز:فواز ممكن افهم ليه رؤى عطت نور كف وباي حق خلها تجي تتاسف من اختي وبنتها فواز كان متاكد ان لتصرف رؤى مبرر قوي:يمه انا بفهم منها ليه بعدين احكمي طلع فواز غرفه رؤى وطق الباب مع ان باب الغرفه كان مفتوح شوي محد رد عليه نادى فيء وقالها تشوف رؤى وتقولها انه يبيها طلعت فيء:مافيه احد؟ طلع الحديقه للمكان اللي دايم تروح له وهو متاكد انها هناك كانت قاعده ورى الفله بزاويه بعيده تبكي بشكل هستيري وضامه رجولها لها وتمتم بينها وبين نفسها :ليه يالغاليه تركتيني يمه والله حرام عليكم ليه مادورتوا عني ليه ماتطمنوني عنكم ابيكم ابي اعرف انتو وين كملت وهي تشاهق:ليه ..ليه؟ فواز كانت يسمع وش تقول وده يضمها ويهديها ويمسح دمعتها وده يشيل عنها همها ويعطيها كل فرحه وابتسامه بعمره كان وده يقولها انها صح من غير مايعرف شي وان اكيد نور غلطت عليها :رؤى. رؤى من دون ماتلف وهي على وضعها وتشاهق :خلااص اسفه وانا غلطانه ماقدرت تكمل كلامها من رجفتها فواز بكل حنان:رؤى انا اللي اسف اني شي من طرفي زعلك اكيد نور قالت لك شي كبير كبير يارؤى وخلاك تسوين كذا من دون شعور رؤى انصدمت كيف فاهمها وزادت بكى لان بتفكيرها اللي ببالها راح يزعل ويتضايق استغرب فواز انها انهارت زياده وحب يخليها تهدى شوي بعد لحظات قالت رؤى :فواز فواز :هلا رؤى:الله يخليك لاتزعل مني ابد والله ماسويت لها شي اسفه سببت لك مشكله مع اهلك وخالتك هي شككت بتربيه اهلي اللي ماعرف عنهم شي هي طعنت بشرفي وكرامتي بكلامها وصارت تشاهق وكملت:ابوي وامي اللي تخلوا عني وماسالوا ابوي وامي اللي مدري حيين ولاميتين موجودين بالاساس ولا لا فواز انا مابي شي انا ماوراي الا الهم فواز انا معد ابي انكد حياتك انت الوحيد اللي حسسني بوجودي في هالدنيا وبالامان خوفك حرصك اهتمامك فيني هو احلى شي مر علي بحياتي كلها يمكن ودي اعطيك كل فرحه عمري ولاتزعل مني فواز انا لازم اطلع من حياتك يكفيك الهم اللي جاك مني فواز بحزن من كلامها اللي جرحه:وانا؟ رؤى صدمها السؤال:انت الشي الوحيد اللي ماني حابه اخسره وهو الشي الوحيد الحلو اللي انوجد بحياتي ومابي افقد هالشي من حياتي واكون سبب ضيقته .. ساره تحبك يافواز ما.. فواز بحده قاطعها:رؤى ليييه؟ليه يارؤى انتي بكلامك تجرحيني كثير اذا بتتركيني بلحظه اوعدك اترك حياتي وعمري علشانك رؤى تكفين حسي فيني وقف رؤى بصدمه وفواز واقف وراها ويبعد عنها كم خطوه بكل ألم :فواز تكفى افهمني وجودي بيخرب عليك حياتك ومشت بس فيه يد مسكتها ولفتها ناحيتها رفعت عيونها الرماديه وطالعت في عيونه كانت تحكي لها الكثير أغناها عن كل الكلام اللي ينقال كانت بعيونها دمعه نزلت مسح فواز دمعتها وظل يتامل عيونها كانت لغه عيونهم تحكي اللي بخواطرهم وتوصله للثاني نفس ماهو بقلوبهم تاهت بعيوونه في الحنان والحب اللي فيهم فواز بهدوء:رؤى دمعتك معد ابي اشوفها ابد انتي ارتاحي والكلام اللي قلتيه انسيه يارؤى انسيه . رؤى نزلت عينها ومشت من عنده بسرعه وقف مكانه يتابعها بعيونه لمن اختفت من قدامه تنهد :رؤى الى متى ؟ رجع للبيت واعتذر من خالته حتى يداري خاطر امه ونفس الشي رؤى اعتذرت من صباح لخاطر ام عبدالله اللي ماشافت منها غير الحنان اللي فقدته من وفاة أم خالد صباح بغرور:هالمره يانجلاء بسامحها بس والله ان شفت شي ثاني ماني براحمتها نور بخبث وبدلع مصطنع:علشانك ياخالتي سامحتها ولا وجه الفقر ماتستاهل الا الطق جعل يدها الكسر عورتني وفي خاطره(والله يارؤى ان مادفعتك ثمن هالكف غالي )وارتسمت على وجهها ابتسامه تخفي وراها من الشر الكثير ـــــــــــــــــــــــ(12) بعد يومين هدت اوضاع البيت ورجعت صباح للرياض ورؤى ندرت نزلتها لتحت دلال :نجلاء ام عبدالله:هلا دلال:والله حال رؤى لايسر عدو ولاصديق ؟ ام عبدالله بأسى:دلال انا عارفه بنت اختي زين اكيد قالت شي كبير لرؤى خلاها تتصرف كذا بس مقدر اوقف معها ضد اختي دلال:اه بس عمري مارتحت لذا البنت ابد(تقصد نور)...اطلعي طيبي خاطرها وخليها تنزل تتغدا معنا ام عبدالله:بروح اشوفها واصلي الظهر وبجي راحت ام عبدالله لغرفه رؤى ولقت الباب مفتوح بشكل بسيط فتحت الباب بهدوء لقت رؤى على سجادتها تناجي ربها وتمسح دمعتها طلعت صوت باالباب حتى تحس رؤى بوجودها رؤى بحركه سريعه امسحت دموعها ولفت عالباب وابتسمت:هلا خالتي تفضلي. دخلت ام عبدالله وهي تناظر بالغرفه :والله ان الغرفه تغيرت كثير احسها محلوه عن ايام فواز فيها ماشاء الله يارؤى حتى لغرفه حطيتيها احساس فواز لمن كان فيها من كثر مايحبها ماكان يدخلها الا وقت النوم يحافظ عليها وضحكت رؤى بابتسامه وهي باقي بحجاب الصلاه:استغليتها في وجوده مسكين. ام عبدالله:اقعدي يمه ليه واقفه ابي اتكلم معك؟ رؤى فكت حجابها ورجعته مكانه وقعدت على القنفه مقابل ام عبدالله ام عبدالله تنهدت:رؤى والله يابنتي اللي صار مع صباح ماني براضيه عنه وانا متاكده انك سويتي كذا لان الموقف يستاهل لااا ويستاهل اكثر من كذا بس ماقدرت اقولك شي او اوقف معك ضد اختي اللي مالي غيرها وزعلها ماأتحمله رؤى قامت وقعدت جنبها ومسكت يدها وباستها:للحين تفكرين باللي صار انا نسيته ويشهد ربي ان مافي خاطري على احد شي ابدا حتى نور ام عبدالله ضمت رؤى :الله يكملك بعقلك ويسعدك قلبك ويرجع لك اخوك بالسلامه دمعت عينها على رؤى وكيف هالقلوب البيضاء نادر وجودها بهالزمن رفعت راسها وهي تداري غصتها من حضن نجلاء تكلمت نجلاء وهي تقوم :يالله يمه ننزل عند دلال عمك والعيال على وصول ونبي نتغدا جميع ابتسمت رؤى :من عيوني بس دقايق ابدل لبسي كانت لابسه بنطلون بني شامواه وبلوزه ثقيله ورديه غيرت البلوزه ولبست بلوزه بيج صوف هاينك طويله لعند الركبه وباكمام طويله بعد الغداء كان الكل بالصاله ام عبدالله وابو عبدالله يسولفون وساره ورؤى مع بعض ودلال وعبدالله مع بعض وفي وضي يلعبون عندهم فواز :احم .احم. الكل انتبه له:اليوم ياجماعه عندي مفاجاه لكم المفروض من زمان بس تاجلت كم يوم لظروف ساره:وشي؟ عبدالله:ياخي ازعجتنا كل يوم عندي لكم مفاجاءه عندي لكم مفاجاءه فواز وهو يعطي عبدالله نظره بمعناة اسكت :اتمنى من الكل يقوم يبدل ملابسه ويلبس شي ثقيل وينزل بسرعه كلن يلتفت للثاني وفواز وده يضحك على اشكالهم:شكلكم ماتبون يالله بسرعه ماراح اخطفكم؟ ابوعبدالله:يبه وين بتودينا؟ فواز وهو يساعد ابوه يقوم :مفاجاه بتعجبكم كلكم الكل قام يستعد ووده يعرف وش هالمفاجاه بعد ربع ساعه كلهم نزلوا وهم مستعدين طلعوا من البيت وانقسموا بسيارتين فواز وابوه وامه ورؤى بسيارة فواز وعبدالله اخذ الباقيين بعد ثلث ساعه وصلوا للمزرعه وانفتحت البوابه ودخلت السياره نزل فواز وفتح الباب لابوه ونفس الشي رؤى فتحت الباب لام عبدالله كانوا بنفس الجهه ابتسم فواز لرؤى وهي ردت له الابتسامه وبعدهم بدقيقتين وصل عبدالله والباقين فواز :امشوا معي مشوا وهم مستغربين من فواز ويبون يعرفون سر حماسه راحوا لغرب المزرعه مكان واسع وبعيد عن البيت والصاله والمسبح فواز :وش رايكم؟ كان مجهز لهم اسطبل فيه خيل وغنم وابل ودجاج وارانب وعندها جلسه شعبيه بالسدو الاحمر الكل انبهر بالمكان بجد كانت مفاجاه حلوه للكل خاصه ابوعبدالله لانه يحب هالاجواء ورؤى تعشق الخيل بجنون ابوعبدالله وهو مبتسم:الله لايحرمك سعادتك يبه وراح صوب القعده وفواز مبتسم ويمشي مع ابوه دلال وهي تطالع بالمكان :والله يانجلاء ولدك مو بهين ام عبدالله :الله لايحرمني منه دايم يسعدنا الله يسعده ويطول بعمره واشوفه معرس رؤى كان ودها تركض للخيل وتلمسهم وتركب عليها ساره:واو بجد فواز ذويق رؤى:تصدقين ودي اطير من الفرح واخيرا بركب خيل حلمي من زمان عبدالله كان وراهم وهو يضحك:من جدكم مستانسين بالزريبه (الزريبه =المكان اللي تعيش فيه الغنم وموب حلوه ريحته خخخخخخخ ) ساره لفت عليه بعصبيه:مالت عليك انت سو زيه بعدين تكلم ولفت وهي تتحلطم :قال زريبه قال. عبدالله:يمه منك اكلتيني بقشوري امزح اصلا اعجبتني مالت عليك والله اني خايف وهو يمسك قلبه:بسم الله عليك حبيبي رؤى انفجرت من الضحك على هبالهم قعدوا بالجلسه وفواز ورؤى وساره وعبدالله راحوا صوب الخيل مسك فواز خيل كانت احلى وحده فيهم بيضاء ومن الخيول الاصيله النادره فواز:هاذي الخيل لرؤى رؤى انصدمت ووقفت مكانها:لي فواز:ايه لك ساره:واو رؤى رووووووعه الهديه من قدك فواز من متى يوزع هدايا * وهي تغمز لرؤى رؤى قلب وجهها الوان وفواز صار يضحك خجل من كلام ساره عبدالله:انا بركب ذي لمن حاول يركبها بغى يطيح والكل ضحكوا عليه فواز:رؤى ماودك تمسكينها رؤى خذت لجام الخيل(اللجام الحبل المربوط بالخيل) وهي خايفه مسحت عليها لمن شافتها هاديه انبسطت وقربت منها اكثر فواز:تبين تركبينها رؤى وهي تفكر شلون وقدامهم :هاه .لا فواز:ادري مستحيه منهم بس ماعليك باخذك للجهه الثانيه رؤى:اوكيه راحوا للجهه الثانيه مع نور وانبسطوا مع خيل رؤى الجديد وبعد يوم متعب من اللعب والهبال رجعوا صارت رؤى تروح تقريبا كل يوم مع دلال والبنات للمزرعه تشوف خيلها لانها تعلقت فيها كثير اما ساره انشغلت بالاختبارات وكانت رؤى دايم تساعدها بعد اسبوعين اختبارات لنهايه الفصل الدراسي الاول كانت جايه ام عبدالله صديقه قديمه لها ورؤى بتروح مع ساره للمزرعه لان ساره عازمه صديقاتها هناك بمناسبه انتهاء الاختبارات ســـاره لبست فستان رمادي لفوق الركبه بشوي كان ماسك وروعه عليها معطيها انوثه زايده ولبست معه بوت اسود طويل رولت شعرها القصير وحطت قلوس احمر وكحل اسود واصرت على رؤى تروح معها لبست رؤى تنوره لنص الساق زيتيه وفوقها بلوزه هاينك ابيض جبانيز ومعها جكيت زيتي نفس قماش التنوره وهذا الطقم كان ذووق ام عبدالله لها لمن راحت معها السوق تختار معها هديه لوحده من قرايبها لبست باليه زيتي نفس القماش ساده كان مبين بياض رجولها وطالعه مره كيوت سرحت شعرها كلاسيك بسيط و ماتكلفت فيه واكتفت بالمسكر الزيتي والكحل الاسود من داخل العين وقولس لحمي وبلاش مشمشي كانت نازله بسرعه من الدرج لانها تاخرت على ساره اللي احرقت جوالها لفت للصاله لقت ام عبدالله معها حرمه ام عبدالله:رؤى يمه هاذي خالتك ام عمر(عمر صديق فواز تذكرونه) راحت رؤى لها تسلم بس من شافتها تضاربت داخلها اشياء كثير خوف دهشه ويغلبهم الالم اللي في راسها حاولت تتوزان وتسلم على ام عمر دقات قلبها سريعه وماهي قادره تحس بشي حولها غير صرير قوي باذنها سلمت عليها وضمتها ام عمر بقوه وكان ودها تطلع من المكان قبل لاتطيح حست بان قواها خارت رؤى بابتسامه باهته:عن اذنكم تاخرت عن ساره راحت رؤى وحاولت تتسند على الطاوله اللي بالمدخل لمن حست انها شوي احسن وصارت تمشي بثقل للسياره تبي توصل تسند راسها على شي لانه بينفجر من الالم كانت ساره تصارخ على رؤى:رؤى وينك تاخرتي؟ رؤى ماردت وسندت راسها على مقعد السياره بهدوء وهي ماتتكلم مكان فيها طاقه حتى تتكلم ساره استغربت من رؤى انها ماقالت شي وتكلمت بخوف:رؤى فيك شي؟ رؤى مدت يدها ليد ساره واحطت راسها بحضنها ساره وهي بتبكي :رؤى وش فيك؟ فواز لف عليهم وبصوت كله خوف:رؤى وش فيك؟ رؤى كانت تسمع اصواتهم وكانهم بعيد مررررره و ماهي قادره تركز وش يقولون تحس انها تحلم غمضت عينها وهي تضغط على يد ساره ساره بصرخه :رؤى ..وبدت تضرب وجهها رؤى فواز نزل وراح جهة رؤى وفتح الباب قعدها وساره ساندتها وكانت مهي حاسه فيه كان بيقفل الباب ويحرك للمستشفى بس رؤى مسكت طرف كمه :فواز انا بخير ودنا المزرعه فواز:رؤى طلبتك خلني اخذك المستشفى رؤى بتعب :فواز الله يخليك ودنا المزرعه فواز قفل الباب ورجع ركب قدام فواز:رؤى متاكده صرتي احسن؟ رؤى بهمس :ايه رؤى همست لساره :ابي انام لمن نوصل ساره وهي مستغربه من رؤى كيف انقلب حالها وهي كانت في قمه نشاطها قبل تنزل يعني في 5دقايق انقلب حالها مشى فواز وهو باله عندها وكل شوي يطالعها في المرايه ساره:فواز؟ فواز:نعم ساره بهمس:توها كانت بخير فواز:والله ماني متطمن ساره تكفين انبهي عليها ولو تعبت مر ثانيه دقي علي بدون ماتسالينها اخذها المستشفى ساره:ان شاء الله وصلوا المزرعه وصحت ساره رؤى وقامت فواز بلهفه:ها رؤى الحين احسن؟ رؤى ببحه :الحمد لله بس لاتخافون صداع بسيط وخلاص خف كثير ساره:رؤى اكيد رؤى:أي والله هذا حلفت خفيت نزلوا البنات ونزل معهم فواز لمن يجي المغرب يروح لانه مايصير يقعدون بروحهم وخاصه ان دلال ماراح تجي الا وقت العشاء علشان البوفيه اللي سوته ساره للبارتي نزلوا وراح لمكان البارتي اللي هي الصاله الزجاجيه كانت ابدااااااع مو طبيعي من الالوان للديكور للاضاءه لكل شي (كانت الالوان الاحمر الخمري مع الليموني والنيلي والابيض تقريبا اغلب الوان الطاووس و بمكان الديجيه والرقص زوليه(فرشه) خاصه للرقص كانت بالوان الطاوس وغالب عليها الاحمر الخمري والطاولات بيضاء مع الاكسسوار النيلي والورد الاحمر الجوري مع الاكواب الكبيره المتوسطه الطاولات وفيها كور مائيه بالليموني والنيلي والابيض والاضاءه اللي معطيه المكان شي ثاني وطبعا مع طاوس كبير عند المدخل من ورى علاقه عبايات والتمثال نفسه معلق عليه كور صغار مزينه بلمعه ذهبيه تخلي الواحد يوقف وهو يتامل روعتها وهي كانت عباره عن هدايا للمعازيم طبعا ) دخلوا بعده ساره ورؤى بخمس دقايق لانهم راحوا للمطبخ يحطون صحون الشوكولاته اللي كانت معهم فواز:بجد يابنات مبدع اللي سوا هالقاعه رووووعه ساره:هاذي رؤى وانا ساعدتها شوي وساعدتنا صديقه ماما في التركيب فواز:بجد رؤى انتي ؟ رؤى بخجل :ايه بس افكار من مجلات يعني انا بس جمعتها ماسويت شي الا كم فكره بسيطه والكل ساعدني كثير فواز : بجد ايداع ساره:انت ماشفت قاعه الاكل احلى بواجد لانها ناعمه مره لان هاذي شوي اوفر فواز :وين قررتوها ساره:بالمجلس الكبير اللي بالبيت راح فواز وتفاجاء انها احلى واحلى كانت كلاسك ورايقه مره اللون السماوي الفاتح كان غالب كانت طاولات الاكل منظمه ومرتبه والاكسسوار وطريقه التزيين في المجلس روعه فواز:لا بجد رؤى مبدعه من وين تعلمتي هالاشياء؟ رؤى:مدرسه الفنيه حقتنا مره مبدعه ونمت عندي حب الزينه والاكسسوار للحفلات فواز: شي حلو والله طيب الحين اذن المغرب اخاف يجي احد وانتو ماستعديتوا ولي يارؤى تحقيق عن هالموهبه لانك تقدرين تنمينها وتسوين مشروع ناجح باذن الله رؤى:اوكيه فواز:عن اذنكم ساره +رؤى:اذنك معك راحوا البنات صلوا بالغرف اللي فوق وعدلوا مكياجهم وشعرهم ساره:رؤى ترى حط فواز حارسين عند الباب رؤى:ايه زين والله كنت خايفه؟ ساره لفت على رؤى وسكتت رؤى:ساره وشفيك ؟ ساره :رؤى طالعه تخبلين ؟ رؤى انقلبت حمرا:على بالي عندك سالفه وين حلوه والله بيجون البنات وتعرفين الحلا صح؟ ساره:لا وربي طالعه خوقاق رؤى:وانتي احلى قلبو يالله ننزل نشيك عالصاله وعالدجيه نشوف وصلت ساره:يالله بدو المعازيم يجون وكانت ساره تستقبلهم بصراخ وهبال ووناسه مدى تطالع في ساره ونوره صديقتها وهم يضمون بعض:الحمد لله والشكر الي يشوفكم يقول ماكنتوا بالمدرسه مع بعض اليوم ساره :غيرانه ؟ مدى:لا وليه اغار الا احمد ربي عالعقل ضحكوا كلهم ساره:نسيت اعرفكم على رؤى صديقتي بنتكون معها بالجامعه السنه الجايه نوره وهي تسلم عليها:سوسو من جد ذي رؤى ساره:ايه سلمت نوره على رؤى ورؤى تحس انها مره منحرجه لانها ماهي متعوده على صديقات ساره مدى:من الحين اضمن طابور معجبات وراك وانا اولهم ومدت يدها تسلم على رؤى رؤى ضحكت:تسلمين نوره وهي تهمس لساره:سارونه وربي انها خقاق ذا الرؤى اش نعومه احس اني رجال جنبها ساره ضحكت ومسكت يد رؤى :يالله ماودكم ندخل دخلوا البنات وجوا الباقين وبدت الحفله والوناسه واشتغل الدجيه كانت رؤى تطالع البنات وهم يضحكون وهم يرقصون كانت تفكر ياترى هل هم مبسوطين من قلب ولاعندهم هموم ( اللي مبسوطه يارب ماشي يغير عليها) قطع حبل افكارها :رؤى رؤى لفت:اهلين مدى مدى:ليه ماتقومين ترقصين ؟ رؤى:هاه لا ماعرف مدى :علي هالكلام؟ رؤى بربكه:لاجد ماعرف مدى :بتقنعيني ان هالجسم المنحوت مايعرف يهز رؤى خافت من اسلوبها ونبره صوتها:لو اعرف كان قمت ارقص صدقيني مدى راحت وسحبت ساره:سارونه رؤى تعرف ترقص ساره وهي تغمز لرؤى:قولي وش ماتعرف ترقص عليها رقص بيخلي البنات يقعدون رؤى:لا معليك تمزح معك ساره وهي تضحك:ترى قالت كذا بحفل استقبال خالي وسحبناها انا ونور وش رايك نسحبها الحين؟ مدى :يالله رؤى وهي تضحك ومن داخل خايفه ماتدري ليش:بنات اعقلوا مانتظروا ردها وقامت ترقص معهم وهي تجامل ساره راحت لصاحبه الدجيه ورجعت لهم وقفت الاغنيه وراحت رؤى تبي تقعد مسكت يدها مدى مدى وهي تطالعها :ووين ؟الحين الرقص بيبدا تشغلت اغنيه بلغ للجسمي البنات الموجودات صاروا يفرون ويصفقون وقاموا مجموعه بنات يرقصون مدى :هاه رؤى بتكسرين بخاطري؟ ساره:يالله رؤى كلنا بنات يعني عادي رقصت رؤى مع البنات اللي يرقصون بس كانت بينهم غير رقصها احلى بكثير منهم قعدوا وبقى معها ثنتين لمن خلصت الاغنيه سلموا عليها اللي رقصوا معها ورجعت تبي تقعد بس انصدمت من مدى وهي تبوسها على خدها وتقول:فديت اللي يستحون رؤى بعدت عنها بقرف:تسلمين وراحت تقعد وهي معصبه من حركه مدى لان مالها داعي جت ساره ومعها بنت ساره:رؤى هاذي منال صديقتي رؤى وهي تصافحها بابتسامه:اهلين كيفك؟ منال بدلع:تمامو رقصك جنان رؤى بخجل:تسلمين من ذووقك وتشغلت اغنيه وراحت ساره مع منال يرقصون جت مدى قعدت جنبها:والله يارؤى عليك رقص جناااان رؤى:شكرا من ذووقك مدى:ليه متضايقه رؤى في بالها(سبحان الله مارتحت لها ):لا ولاشي عادي مدى:بس هالوجه مايصير يزعل ابد رؤى اكتفت بابتسامه جت دلال حست رؤى براحه من شافتها سلمت على البنات وجت عند رؤى دلال:ماشاء الله يارؤى وش هالزين في تزايد مستمر رؤى:وين زين وانتي الحلا كله؟ دلال:تراك تنفخين ريشي واصير الطاؤوس بدل ذا التمثال اللي عند الباب رؤى ضحكت على دلال:هاه بتروحين تشوفين البوفيه دلال:ايه رؤى:اجي معك دلال:براحتك بس اخاف تبين تقعدين مع البنات رؤى:لا بالعكس انبسطت من شفتك لاني ماعرفهم راحت رؤى مع دلال يشوفون البوفيه ويتاكدون من كل شي دق جوال رؤى ودلال دخلت للمجلس ردت رؤى:الو فواز (لبى الالو):الو مساء الخير رؤى:مساء النور فواز:شخبارك؟ رؤى :الحمد لله بخير فواز:اكيد؟تبين اجي اوديك للمستشفى؟ رؤى:لا مايحتاج بس صداع خفيف وراح فواز:مشغوله؟ رؤى:امم يعني عادي فواز:والله اني مدري وشلون افكر في حفله اكيد مشغوله؟ رؤى بضحكه:عادي فواز(ياويل قلبي ):اوك انتبهوا على انفسكم واذا رجع الصداع دقي علي لاتستحين رؤى بخجل :اوك قفل فواز وراحت رؤى لدلال تشوف اذا فيه شي تساعدها فيه في بيت ام عبدالله بعد ماطلعت رؤى ام عمر:من ذي ؟ ام عبدالله:هاذي رؤى ام عمر بلهفه:رؤى من بنته؟ ام عبدالله:بنت واحد من اصدقاء فواز مسكينه ابوها وامها ميتين واخوها سوى حادث وجت تقعد عندنا لمن يرجع اخوها من السفر باذن الله ام عمر بعد ماقلت لهفتها:الله يرجعه لها سالم بس لاقوه الا بالله تدخل القلب بسرعه ام عبدالله:ايه ماشاء الله عليها ام عمر سرحت (ليه قلبي عورني من شفتها ياربي تساعدني بس تشبهها تنهدت وهي تحاول تبعد الافكار من راسها) >>ابطال جدد بالروايه تعمدت اتاخر احطهم حتى تكونون ركزتوا وعرفتوا اللي قبل في جنوب المملكه مكان مايسكن عم فواز- ابو نايف-(عبدالعزيز) (اذكركم فيهم عبدالعزيز انسان صريح وطيب ويحب الشغل وخاصه العقار له هيبه معروفه عنه بكل مكان عنده نايف 27و حصه 25 و فهد 23و مي 20 وصالح وتركي توام بالمتوسط 15ونور13 مرجوجه البيت وهي مره ميانه مع التوام زوجه عبدالعزيز انسانه الطيبه بحقها شوي همها بحياتها زوجها وعيالها وعمتها ام زوجها اللي تعتبرها امها نايف موظف متزوج وربي ارزقه بولد اسمه ضاري حصه معلمه حبوبه مره وسمرا وسمارها مره محليها متزوجه وحامل ب4شهور فهد يدرس بالجامعه باخر سنه مره طيبوب وحنون ومعروف عنه عشقه لساره من وهي صغيره مي خطيبه عبدالله اخو فواز انسانه حياويه مره تستحي من ظلها تدرس سنه ثاني جامعه حالمه ورومنسيه التوام تركي وصالح عشق امهم تحبهم ويسمونهم فرحه البيت نكته تمشي حبوبين ودمهم مره خفيف ودايم يعلقون علي مي لانها تقلب حمرا اذا استحت نور رفيقه التوام مرجوجه مره وتحب الفله والوناسه والضحك ومملوحه مره بشرتها برونز و مره محليها الجده وهي ام عبدالعزيز انسانه ملقوفه ولكن يغفر لها طيبه قلبها وحبها لايام الخوالي والشباب وهي موضع من مواضع تعليقات التوام ) ابو نايف:يالغاليه ورى ماخذتي ابره السكر اليوم؟ الجده:والله ياولدي انها غثتني كل يوم وانا بخير الحمد لله مافيني شي؟ ابو نايف:ولو يمه لازم تاخذينها ولانسيتي اخر مره وش صار؟ الجده:لا يمه بس ربك الحامي والاعمار بيد الله ابو نايف بضيق لانه مل يقنع امه باهميه انتظامها على ابر السكر:الله يطول بعمرك دخل فهد وهو متضايق من شاف ساره وحاله منقلب فهد:السلام عليكم الجده+ابو نايف:وعليكم السلام فهد:وين امي؟ ابو نايف:بالمطبخ نادها يبه خلها تجي تقعد تريح من الصباح وهي متعبه نفسها الجده:الله يرزقها ويفرحها بعيالها زي ما هي مريحتني ابونايف بابتسامه رضى من كلام امه :انتي الخير والبركه جت ام نايف:اسمع سيرتي خير ان شاء الله؟ فهد:الحقي يمه سبوا لمن شبعوا ابو نايف:شف الولد ماعليك منه مدري وش يهرج ؟ ام نايف تقعد جنب الجده وتناولها كوب الحليب:اصلا انا واثقه من زوجي انه مستحيل يسبني لا وبوجود خالتي مستحيل انسى اصدق فهد:الله الحين طلعت انا الشين وابوي الزين الجده:قوم بلا هذره وحكي فاضي ازهم اخوانك للعشاء(ازهم يعني ناده قله يجي اللي تبون) فهد:من عيوني طلع فهد لغرفته ومر حصه اللي قاعده عندهم لان زوجها عنده دوره بجده 3شهور فهد دق الباب:هاي صبايا حصه:اهلن اهلن باخو اخته ضحك فهد:والله جديده وينها مي ؟ حصه وهي ماسكه بطنها وتضحك:تبكي فهد باستغراب :تبكي؟. حصه:قالوابنروح لعمك ابو عبدالله بالاجازه صارت تبكي وكملت ضحك فهد ابتسم على حياء اخته من طاري عبدالله وراح يطق عليها باب الحمام:مي ؟ مي بصوت مبحوح:دقيقه طلعت وهي حمراء من الحياء ضحك في نفسه على اخته:مي وشفيك ؟ مي وهي منزله راسها:ولاشي ضحك فهد وهي رفعت راسها تطالعه مستغربه فهد وهو يمسح دموعه من الضحك:لحظه بالله وطلع جواله وحطه مايك وبدء يدق على شخص طالعوا فيه مي وحصه بكل استغراب فهد جاه صوت عبدالله:مساء الخير يالنسيب عبدالله انبسط من كلمه النسيب:ياهلا والله مساء النور والسرور باخو الغوالي هنا مي بغت تموت بغت تطلع بس مسكها فهد :اقول عبود عبدالله:هلا فهد بضحكه:انت تاكل لحوم بشر؟ عبدالله:يمه بسم الله علي على بالك زيك اللي اكل الذبيحه قاعده هنا انفجرت حصه من الضحك وفهد سكر المايك وحطه باذنه:وجع ان شاء الله قول بسم الله عليك عبدالله:على وشو ياحسره اخاف بس تاكل اكل البيت والاقي مي ميته من الجوع وتطلع ماكل اكلها فهد:اه ياعبدالله حالتها لاتسر صديق ولاعدو عبدالله وهو بيبكي من خوفه عليها :بسم الله عليها فهود قولي وش فيها؟ فهد هنا ماقدر يتحمل ومات من الضحك وعبدالله عصب عبدالله بعصبيه:ضحكت بلاضروس تفاول عليها هاه ليتك عندي؟ قهد وهو يحاول يتكلم:مدري عنك وعنها من قلنا لها اننا بنجيكم بالعطله وهي قالبه فرواله ومعد تقعد معنا عبدالله براحه وبخاطره (ماذبحني الا حياها):فهود بعد قلبي فهد بخبث:خير وش تبي هالدلع وراه شي عبدالله:فهود خلني اكلمها امانه بس شوي هي خطيبتي وخلها تتكلم قدامك اذا مرره الوضع متازم عندك يعني؟ فهد طالع في اخته اللي حرارتها ارتفعت من الحياء وقال بخبث:خذها معك عالخط وحط الجوال باذنها مي ماتت من الحياء خلاص وبدت دموعها تنزل عبدالله بنبره مايتكلم فيها الا مع مي : مساء الخير مي:................ عبدالله:مي افا ماتردين علي؟ مي:.................. عبدالله:مي اذا ماتكلمتي بسوي حادث واموت؟ مي بهمس:بسم الله عليك عبدالله طار من الفرحه :واخيرا سمعت حسك يالله لاتحرمني منه مي بقت بالغرفه بروحها لان حصه وفهد طلعوا من عندها وحست بان خجلها خف شوي مي بهمس:تسلم عبدالله اللي ذاب بحياءها حتى على السماعه:مي وربي ماني مصدق ادري انك منحرجه مني بس ابشري اول ماتجين ببوس راس عمي املك عليك واكلمك براحتي. مي ذابت بملابسها دوروها ماتلاقونها:............ عبدالله وهو حاس فيها انها خلاص بتموت من كلامه :انا بقفل يكفي علي سمعت حسك وعرفت ردك مع السلامه مي:ربي حافظك وقفلت عبدالله انبسط اكثير ماتوقع هالمكالمه اللي خففت عنه هم الشغل وبدء بالملف اللي بيده بكل جديه وابتسامته على وجهه مي نزلت للعشاء وبيدها جوال فهد مدت له الجوال وهي متنرفزه من حركته بس ماتنكر في قراره نفسها انها انبسطت اكثر من عبدالله بهالمكالمه:شكرا فهد بخبث وهو يرفع صوته:ان بغيتي مره ثانيه تكلمينه لاتستحين عادي ! لف ابوها وابتسم عرف انها كلمت عبدالله من احراجها ولونها القالب على احمر قال :وشخبارهم يمه ؟ مي :الحمد لله بخير عن اذنكم وطلعت غرفتها ركض ام نايف:فهد حرام عليك احرجتها فهد:اخاف اذا قلت مي تستحي والله دلع وش فيها لو كلمته قبل لايكون خطيبها فهو ولد عمها جدته وهي تقرص اذنه:الحياء يزين البنت فهد وهو يبعد يد جدته وهو يضحك:حاضر حاضر في المزرعه بالشرقيه الحفله مستمره ومن اروع مايكون صارت الساعه11 وصار وقت العشاء طبعا فضت الصاله الزجاجيه بقوا المستخدمات يرتبون الحوسه بعد البنات حتى يكملون سهرتهم كانت رؤى طالعه من المطبخ بالبيت ورايحه صوب المجلس حست باليد اللي تسحبها على ورى وتحطها بزاويه ظلام من الصاله الداخليه بالبيت بحيث محد يشوفها هناك :والله وطلعتي احلى مما توقعت بووووووواجد صدم رؤى الصوت وتكلمت بقوه:مــــــــدى مدى بابتسامه:عيون مدى رؤى وهي تفك يدها:وش تبين مني مدى:اوه اوه ليه العصبيه بس بغيت نكون فرند رؤى بدت ترجف وهذا حالها من تخاف:شكرا مابي فكيني وبغت تمشي بس انصدمت من اليد اللي تنحط على خصرها بعدهتم رؤى بقوه وتكلمت بتهديد:واقسم بالله ان مابعدتي عنــ.. قطعت مدى كلامها:مو قلنا مانبي عصبيه ولا انتي متعوده تعصبين على خالد وفجر رؤى من سمعت الاسماء وعيونها تعلقت بمدى اللي راسمه على وجهها ابتسامه خبث :من وين تعرفينهم ؟ مدى:اعرفهم وتوي مسلمه عليهم وصورتهم بالجوال يحليهم حبابين مره رؤى برجفه:وش عرفك فيهم؟
|
|
«
الموضوع السابق
|
الموضوع التالي
»
Loading...
| |||||||||||||||||||||||||||||||||||||||||||||||||||||||||||||||||||||||||
العرض الشجري
