مخ عربجي ., كامله

تاره بعدم إهتمام : دام زياد ما قال شي محمد ما راح يتكلم
كلهم طالعوا تاره بحده
البندري : أصلاً كل اللي صار بسبتك
تاره ضحكت : امووت و أعرف ليش انتوا دايم ضدي في كل شي
غزل بصدق : لان أفكارك دايم فاشله
تاره تنرفزت : زين إنطموا خلونا نتفرج على الريم


بدءت المباراه الشوط الثاني
طبعاً اول شي سوته الريم طردت سليمان
اللي كان متنرفز حده منها و وده يصفقها
بدء الشوط
والكوره كانت مع بندر
مررها لتركي اللي إنطلق وعدا بدراللي كان يحاول يآخذ منه الكوره
ثواني قليله
وتركي مسجل
قووووووووووووووووووووووووووووووووووووووول
تعالت صرخات البنات الحماسيه
والريم طايره من الفرحه انها الحكم
ومن الحماس اللي فيها مسيت شغلتها اللي هي التحكيم على المباراه
وجالسه تسولف و تستهبل مع البنات
الريم بهبال : تاره ماودك تكونين المعلق على المباراه
تاره بحماااس : الا ودي الصراحه
الريم بهبال : بما اني الحكم أعينك المعلق الرسمي على المباراه
تاره ابتسمت بحمااس وراحت عند الريم
والبنات يطالعونهم و ودهم يكفخون المهبل
اللي ماخذين هالشي اللي يسونه عاادي جداً

رجع محمد اللي إستغرب تحكيم الريم وتعليق تاره على المباراه
بس راحله زياد وشرحله الوضع
وانه خايف يتهاوش معهم لاتقوم الريم وتكفخه من الحمااس اللي فيها
ضحك محمد ورجع للمباراه
بعد نص ساعه من تحكيم الريم و تعليق تاره على الشوط الثاني
إنتهت المباراه
بفوز فريق تركي
بعد المباراه
الريم وتاره راحوا عند فهد
الريم بحماس طفولي : ها وش رايك نعرف للكوره ولا لا
فهد ابتسم : يجي منكم
تاره : ايه عاد إذا بس سمعتك مرره ثانيه تقول ان انتم أحسن منا في شي والله لا أجيب أجلك < يقالها الحين تهدده
ابتسم فهد : لا خلاص توبه < يستخف دمه
راحوا الشباب للخيمه حقتهم
طبعا كان في بعض المعارضين لتحكيم الريم

ويقولون انها هي السبب في خسارتهم

سفانه : أشهد انهم موب صاحين
الهنوف بضحكه : وانا أشهد معك
البندري : بنات شرايكم نفلها
ونسووووق السياره
غزل بحمااس : ايه ولله
دلال تحمست : ايه قولوا لتاره تجيب المفتاح ونروح الحين
الريم جات وضحكت : هي انتي ممنوع المتزوجااات
دلال تخصرت : لا ياآآآشيخه أقول طسييي بس
تاره جات : وش عندكم
تولين : بلييييييييييييييز روحي وخذي الـ Key حق السياره
تاره تذكرت : ايه صح نسيت " طالعت الريم " ريموه تعالي معي نآآخذ المفتاح من أخوك العنصري
الريم ضحكت : يلا
وراحوا
الهنوف : مين بيسوق
غزل : تكفى خلوا الريم تسوق وربي إذا هي فله الصراحه
دلال : ليش يعني فله
سفانه تشرح لها : لان الريم الوحيده مننا اللي تعرف تفحط ومن ذي الحركات يعني
تولين بخوف : لا ما نبغا تفحيط
سلافه بخوف : ايه تبونا نموت ترا إذا الريم هي اللي بتسوق بتجيب أجلنا
لورا : وانا صراحه موب مستغنيه عن حيااتي
البندري طالعتها بكره وتأفئفت من قلب
رجعوا البنات
والريم فاااقعه ضحك وتاروه معصبه
سفانه بضحكه على شكل تاره : وش صار
الريم : هههههههههههههههاي فهيد جالس يتريق على تاره وعمه بهيمه وقسم عليه تعليقات ههههههههههههههه تموت ضحك وتاروه عصبت ولعنت جد جده وهو تفشل وسكت هههههههههههههههههههههههههاي وربي فله
تاره بعصبيه : ياذي عمه بهيمه قرفوني فيها ماخذينها نكته عمى بوجيههم
سلافه : أهم شي أعطاك المفتاح
تاره أخذت نفس : ايه
سفانه بحماس : أجل خلونا الحين نروح
بعد نقاش دام 4 دقائق إتفقوا البنات ان الريم هي اللي تسوق
ركبوا سيارة فهد لانها هي الوحيده اللي تكفيهم كلهم
ورا آآآخر شي
لورا و تولين وسلافه
وقدامهم
دلال و غزل و سفانه و الهنوف
وقدام
الريم هي اللي تسوق
و تاره جنبها
والبندري حاشره نفسها جنب تاره الا و الا تركب قدام
إنطلقت الريم بسسسسسسسسسسسرعه جنونيه
والبنات أنواع الصرااخ
تاره بهبال : عآآآآشو ريموه إسرعي
دلال بخوف وعفويه : وش تسرع أقول يابنت الحلال هدي السرعه شوي ترا انا وراي زوج ما ابغاه يصير أرمل وهو في عز شبابه
غزل ضحكت : حلوه أرمل ههههههههههههههههههههههههههههههههههه
سفانه بحمااس وهي تصفق بهبل : ريمووه فحطي
الريم وهي تلف عشان تفحط قالت بحمااس : أبشري
تعالت صرخات البنات لمن جلست الريم تفحط
وتاره والبندري متحمساات و جالسين يترجونها تخمس ومدري وشوا مصطلحات غريبه
والهنوف بغت تجيها جلطه من الخوف
وبس جالسه تسب في الريم
ولورا و تولين وسلافه جالسين يدعون عليها
اما غزل و سفانه متحمسين
والريم مشغله المسجل و أنواع الرقص
ودلال خايفه وجالسه تتشهد
تاره : ريمووه وقفي شوي
الريم وقفت : ليش
تاره : ننزل نشم هوآ شوي وبعدها نرجع
البندري نزلت و بعدها نزلوا البنات
وفرشوا في الارض وجلسوا يسولفون
غزل بهبال : نلعب بالطين
كلهم بقرف وصوت واحد : لآآآآآآآآ
تاره بدلاخه : قسم بالله حمااس
سفانه بضحكه : عاد طين وسيارت فهد مايجي
الهنوف : والله ان يذبحكم إذا وصختوا سيارته
الريم بضحكه : الا إذا قلنا له تاروه بيقول عادي
تولين : وليش يعني تاروه عادي
الريم ضحكت : مرفوع عنها القلم
ضحكوا البنات
وغزل وتاره بحماس طفولي قاموا يتحاذفون بالطين < مدري وش ذي اللعبه
سلافه وهي تطالعهم : صدق مهبل
لورا : قرف الله يقرفهم
تولين بأبتسامه : ايه والله انه قـرفـ "شهقت شهقه طوويله لمن حذفتها غزل بالطين وجا على يدها "
تولين بصوت بااااااكي : why did you do that you #####
غزل ضحكت : يالوصخه وبعدين جاتك بدون قصد
ومن هنا بدءت معركة الطين