 |
 |
 |
 |
|
 |
||||||||
 |
 |
| …»●[الرويات والقصص المنقوله]●«… { .. حكاية تخطها أناملنا وتشويق مستمر .. } |
|
|
أدوات الموضوع | انواع عرض الموضوع |
|
|
|
|
|
|
|
|
|
||||||||
|
|
|
| …»●[الرويات والقصص المنقوله]●«… { .. حكاية تخطها أناملنا وتشويق مستمر .. } |
|
|
أدوات الموضوع | انواع عرض الموضوع |
06-11-2011
|
#11 | ||||||||||||||||||||||||||||||||||||||||
 
|
( 5 )
في ايطاليا زينة ترسم بدفتر صغير .... و تشق الورقة ... نواف توه صاحي يتسحب : لحول ولا قوة إلا بالله وانتِ على حالتك ذي من البارح زينة : هههه وش اسوي عجزت اضبط الرسمة اللي ببالي نواف يرشف قطرات من الكافي الإيطالي الساخن : مشكلتك عاد شكل عندك نقص إحساس بالطفولة و تعوضينه الحين بذالخرابيط ههههه زينة : نواف بلاش تريقة نواف : فاضي لك اتريق عليك انا ماعندي غيرك هاه ناظري كل ذالاوراق اللي كبر راسك مابعد قريتها ولا ادري وش فيها من مافيها وابوك ذا بس يجيب من ذالأوراق ويا نواف شف شغلك زينة بحماس : تبي اساعدكـ انا اقرأ لك وانت تكتب باللاب نواف : احلفي بس ليش عشان يمسكني عمي الباب باقرب وقت زينة : هههههههه لا من جد احكي تراني اعرف كنت اساعد ابوي انا و بدر الله يرحمه نواف يحرك الكافي : الله يرحمه .....و مع ذا ارفض خدمتك الكريمة الممنونة و اقول لو ترزي زولك و تشغلين التي في بكون لك ممنون بحياتي زينة : هههههههه بالطاري ترا سجلت في دورة ميك آب نواف يهز راسه : لحول ولا قوة إلا بالله من جدك انتِ لا بكرة ما ناقص غير تقولين لنا سجلت بدورة فروسية زينة : هي الوحيدة اللي مابعد فكرت فيها هههههههه بس ولا يهمك نواف : ميك آب ايه بكرة يجينا واحد لبناني بعد يجي يرتز يسلم ذا اللي ناقصنا زينة : ههههههههه ياحرام كلكم منقهرين من " ادمث " احمد التركي وش حلاته يجنن نواف : الله من شين النفس يختي نفسه " هنا" بطرف خشمه ما تقولين له ازحف وراك زينة : بالعكس شخص متحضر و راقي جداً نواف : والله انا شخصيا ما ارتحت لعويناته ابد زينة : نواف بالله عليك من ترتاح له انت ههههه نواف يبتسم : ذكرتيني بامي الله يخليها لي ههههههه دايم تقول لي بتتعبنا اذا بندور لك على زوجة مايعجبك شيء زينة بحماس : ههههههه لا زوجتك انا بختارها انا بطلعها لك اعرف ذوقك وش رايك بهويدا العراقية اللي معي بدورة الكورس الإيطالي نواف يرفع الكافي : اانا ما الخمك بذا الكأس لين تعرفين ان الله حق زينة : خخخخ ليش وش حلاتها تجنن نواف : مايهمني الشكل << احلف بس ..... قد ما يهمني الاسلوب زينة : كل الشباب يقولون كذا احس انهم نصابين خصوصا عيال ديرتنا نواف : يالله بدأ الهياط وو وين سامعه ذالحكي ياحلوة صار اللي يسوى و لا يسوى يجيب سيرة شباب ديرة ابو متعب الظاهر انها موضه بينكم السعودي ماعاد يملي عيونكم زينة : انا بالعكس صحيح كنت افكر هيك بس تغير تفكيري تماما لاني نضجت و كبرت نواف : أي كبرتِ و أي نضجتِ وانتِ تغردين كانك ديك مزنوط زينة بعصبية : نواااااااااااااااااااااف نواف : اشششش جوالي يدق .....خالد هههههههههه اوووص : سم خالد : حيا الله القاطع اللي ما يعرف يقول بغلط لو مرة وادق على اخوي الكبير نواف : ههههههه وش دعوة ياخوي وربي بالقلب بس تعرف الشغل و الغربة مشاغل ياخوك خالد : الله لا يشغلنا إلا بطاعته انا منيب بقولك كلمنا بالساعات كلها دقيقة طمنا عن احوالك وبس نواف : ادري اني مقصر ياخوي والله يعين بس انتم شلونكم كيف امي بشرني عنها خالد : ياربي لك الحمد و الشكر ابشرك انها بخير نواف : و سعود و بدر و عيالهم شلونهم خالد : كلنا بخير ياعساك بخير ..هاه وصلكم بندر !! نواف بدلاخه نزل الكافي : أي بندر ؟ ( انجذبت زينة ) خالد : بندر ولد عمي فهد و صديقه طلعوا ايطاليا اعتقد نواف عقد حواجبه : يعني جايب روز بنت بدر (( زينة ابتسمت بإنتصار و تذكرت جيته و خافت شوي ))) خالد : مدري اعتقد لا نواف : ابك تسيف هههه خالد : حتى بروما ابك تسيف مشكلة اللي ما يتطور و لايتحضر نواف : هههههههه ياحبي لك خالد : يالله توصي على شيء نوا ف : ابد سلامتك سلمني على امي و اخواني ولا عليك امر خالد : ابشر يوصل بإذن الله قفل نواف و سحب جواله بدهشه و نزله بإهمال نواف : بندر بيجي هنا زينة قلبها يضرب : واذا جاء << يابطله خخ نواف يناظرها بهدوء : واذا جاء هاه ......! اسألي نفسك زينة تبتسم : هههههههه من جدك انت واذا جا من جد احكي ماعاد يهمني ترا مثله مثلك مثل سعود مثل حجرف كلكم عيال عم نواف : لا ياقليلة الخاتمة لا ياللي ما تستحين كذا نهايتها صفيتني مع ذالدشير هاه زينة : هههههههههه لا انت مثل بدر اكيد نواف : لا لا خلاص لا بدر و لا غيره انا منيب شيء يالحولا انا اوريك يصير خير خلي العيال يجون والله لا اجحدك و اخليك مثل البريعصي اللي مصفوق بشبشب ابو صالح ( شايب ساكن بحيهم ) زينة : هههههههههههههه خير نواف وش فيك نواف يقلد صوتها : وش فيك هاه الشرهه ميب عليك يالخبله زينة : هههههههههههه وش فيك تكرنت طيب عادي نواف : آخ بس وش اقول مشكلتك غاليه يالبطة زينة شهقت : انا بطة ياحول نواف : انا حول يا العصلى ابو بدر طلع من الغرفة يتسحب زينة تناظر نواف و تبتسم نواف بصوت خافت : رحنا ملح جاك الموت يا تارك الصلاة ابو بدر : لحول ولا قوة إلا بالله العلي العظيم لحول ولا قوة إلا بالله نواف : خخخخ زينة استحت : سوري بابا بس والله ينرفزني بحوارته ابو بدر : بس انتِ واياه ولا كلمة ! نواف يناظرها و كاتم الضحكة .... و زينة كتمت من ضحك نواف لإن ابوها طيح وجهها ابو بدر : نواف نواف انلخم و سد ضحكته المكتومة : سم ابو بدر : ترا العيال بيجون هنا تروح تستقبلهم " زينة تناظر نواف بحيرة " نواف << مسوي ما دريت : أي عيال ؟ ابو بدر : بندر و معه سلطان نواف : سلطان وش جايبه وش حاشره مع بندر ابو بدر : والله عاد اذا شفته انشده يالله الحين رح على بال ما توصل إلا هم واصلين نواف : اعصابك عمي طيب خخ ترا الدنيا موليه وانا ولد اخوك ابو بدر : نواف بسرعه قبل .... نواف قاطعه : سم و ابشر و على ذالخشم و على نخرتي على قولة اخواننا الجنوبية زينة تبتسم ..... نواف : البارح مدري قبله محاكي بندر ولا اطرى لي انو بيجي هنا ابو بدر : ولا انا ما قال لي بس بحشرهم زينة حست برجفة داخليا وقالت بصوت متقطع : بابا بيجلسون هنا ابو بدر : لا هناك اجل وين نواف لاحظ رجفة زينة و شكلها المضطرب : لا وين ياعمي صعبة ابو بدر : نواف توكل رجاء زينة نزلت راسها و حست برجفة شديدة " من جد تذكرت كل شيء مر عليها ، يالله انا بحاجة أي ام لو انها مضاوي الحين ابيها ابيها تضمني بعيد عن بندر " نواف لاحظ توتر زينة .... بعد ما تشيك و طلع بيروح المطار ابو بدر في المكتب يخلص اوراق مهمه نواف يضبط " اسكارف " على رقبته و يناظر زينة بالمراية نواف : ولا يهمك ماراح يجلس هنا زينة رفعت راسها و حست بوجود نواف و عيونها دمعت .... نواف وقف عندها : صدقيني ماراح يجلس معكم هنا انا واثق بس ارتاحي انتِ و خليك قوية فديتك عشان خاطري اذا لي خاطر عندك ابيه حتى اذا شافك يشوفك قوية ما يشوفك بحال مكسورة زينة دمعت بقوة : نواف انا غلطت او لا قلي تكفى نواف ( بعد ما حكت له زينة معظم اللي صار لها خصوصا مع بندر ) نواف : لا تقولين كذا خلاص الماضي راح ولو بنحاسب نفسنا على وش سوينا ووش ماسوينا بنتعب و صدقيني يالغلاا لو اقدر احاسب نفسي اول شيء بحاسبها لانها عشقت هالعيون زينة بخجل و دمعته تلطف عيونها ...لازمت صمتها نواف : و آكد لك ماراح يجلس معكم هنا زينة رفعت عيونها بأسف : معكم نواف يناظر اسفها و حزنها : ليش يعني حاطة في بالك اني بجلس هنا و العيال بشقة ثانية ، انتِ تدرين لو على كيفي كان ماجلست هنا و رحت عند محمد ولد خالتي زينة دمعتها تبرق بعينه : نواف تكفى طلبتك لا تروح نواف نزل راسه يبي يهرب من عيونها : مالها سنع لازم اروح عندهم عيب عشانك انت وش بيقولون انتِ يمكن نسيتِ انك غالية علي ولا ابي يقول شيء زينة تبكي : نواف تكفى اترك الناس يقولون اللي يبون نبي نرفع نفسنا عن الناس و حكيهم وش الناس ليش سكتوا يوم اني بالمصحة النفسية ليش محد حاول يواسيني لو بكلمة وينهم يوم ويوم ... نواف يهديها : هدي حالك هدي نفسك خلاص يازينة ارتاحي و اضبطي نفسك فديتك عشانك مو عشاني زينة تجفف دموعها : والله و قسما بالله بزعل عليك اذا رحت و تركتنا نواف : لا يالغلا لا تقولين كذا انتِ ماتدرين اخوي خالد عتبان و زعلان اني ساكن معكم يقول المفروض احترم إستقلاليتكم و خصوصا اني قادر اجيب سكن بالراحة زينة : لا نواف تكفى لا الله يوفقك و يسعدك لا تروح نواف يناظرها بحنية : ليش انتِ خايفة من شيء ؟؟ خلاص ترا انتِ صارحتيني بكل شيء امانة اذا يضايقك أي شيء او تحتاجين أي شيء قولي لا تستحين تراك عاهدتيني اني " تنهد" اخوك .. نزل راسه بحزن شوي زينة حست بحاله : نواف انا الدنيا ذي كلها ما رست بي على خير إلا بوجهك نواف ابتسم : طولي بالك يالغلاا توك صغيره و حياتك حلوة بإذن الله بس شدي حيلك و اتركي الدلع و حركات الصبايا ذي الدموع و مدري ايش ههههه زينة : نواف انا الحين محتاجتك اكثر من أي وقت قبل نواف : وانا ققلت لك لا تترددين باي شيء انا اخوك و سندك و عضيدك << ألتقت عيونهم بصمت >>> زينة : من جد بقربك احس اني بكسب التحدي و برجع مثل قبل نواف تنهد .... زينة باأسف : وش فيك نواف ضايقتك نواف : لا ابد تنهد مره ثانية زينة : نواف ادري ضايقتك صح نواف : لا بس انا قلت لك اذا لي خاطر و معزة على الاقل كأخ مثل ما حبيتِ لا تحيطيني وسيلة انك تكسبين تحديك مع أي شخص آخر زينة دمعتها تتلألأ : قصدك بندر صح نواف سحب نفس : حلو انك فهمتِ علي زينة : نواف أنا ابو بدر طلع : نوووووووووووووووووواف نواف ابتسم وهو لا يزال ينتظر زينة تكمل : ياليل العبيد والله اللي رحنا فيها ههههههه سم و حاضر بس ان ابو بدر يلبس جاكيته : خلاص اجلس انا اللي بروح نواف : والله ما تروح ولا تعتب المكان هههه وينى فيه تعوذ من الشيطان و هد اعصابك زينة تمشي بخطوات مرتجفة : واحلى كاس شاهي لاحلى اب بالعالم نواف غمز لها و ضحكوا ......... و طلع نواف سحب باب الشقه وهو يتذكر عيونها وهي حزينة و تشكي ليه " ليش بس حظي كذا ! ..ليش انحرم منها وهي قريبة ...! رضينا بالهم و الهم مارضى فينا " نزل يسحب خطواته لحد ما ركب السيارة و راح المطار نواف : ياليل وقسم اني دلخ الحين وش عرفني اذا الرحلة طلعت او لا بدق علي بندر نواف يق على بندر ... من الطرف الأخر بندر و سلطان واصلين لهم 4 ساعات تقريبا و يسكنون في اوتيل بعيد عن منطقة ابو بدر بندر مع الشرفة الكبيرة يسولف هو و سلطان وش بيسوون !! سلطان : جوالك يا كوتش بندر : اكيد اميمتي ياحبني لها هههههههههههه " ابتسم بندر بدهشه " نواف تتوقع داري انا هنا سلطان : مايبي لها حلو اختصر علينا مئات المسافات رد شف وش عنده بندر : سم نواف : السلام عليكم بندر : وعليكم السلاااام و رحمة الله و بركاته نواف : نورت الديرة خخخخ بندر : منوره بوجوك يالملحوس وشلونك ووشعلومك نواف : بخير بس وش عندكم جايين كانكم مهربين لكم بلا مسكتين بندر : هههههه ولا شيء بس نغير جو و حلت لنا ذالديرة نواف " قل لانها هنا و ارحم حالك " : الله يحييكم وينكم فيه بندر : احنا في اوتيل " ريفيير كارفييه " نواف : ابوك يالولد واصلين و ساكنين بعد وانا منرزع بالمطار من تو بندر : ههههههه محد طلب منك تستقبل او تنتظر او تنرزع حتى نواف : لا ياشيخ وقسم ان عم لاطعني بسببكم من صباح رب العالمين بندر : وش دراه اننا هنا ! نواف : ماعرفش خخ المهم يلا اقلطوا تغدوا معنا بندر : يامال العافية دايخيين نبي ننوم والله يانا علمنا بالنوم قبل يومين نواف : والله عاد اذا قدرت تقنع عمك و خلاك تنوم قبل ما تشوفه قاطعه بندر : انت تعال نبي نشوفك الحين نواف : انتم بـ " ريفيير كارفيييه " يالله جايكم بس زهبوا القهوه خخخ بندر : هههههههه لا ياشيخ نواف : طيب يالله بجيكم إن شاءالله قفل بندر و ناظر سلطان بندر : عمي موصيه يجيبنا هههههه وش رايك سلطان بحماس تذكر اخته : حلو يالله اجل عشان نتجهز بندر بحزن يبتسم : وين من جدكـ تبين نروح انثبر بس سلطان : لا ياشيخ اذا انت فيك صبر انا شوقي لاختي كبر السماء و شكلي بمسكها و انحاش الديرة هههه بندر تنهد : الله يسهلها يارب والله احس ان همها كبير بحجم الجبال سلطان ناظره : مقدر وضعك يابندر بندر : انا منيب خايف إلا ان السالفه تكبر و ترفض تسمع مني و تكبر السالفه و توصل لعمي وتصير مشاكل عاد خبرك النفس خلقه علي طيبة من عمي هههههه سلطان : ماعليك منهم يابندرو قسما بالله بس لو اضمن اني ارجع باختي اخ بس بندر بحسرة : الله يعديها على خير .... صدع راسه لانو تضايق ..... وطلع باكيت الزقاير سلطان سحبه : ارحم حالك ذا وانت معك صداع يخمك من وقت للثاني بندر اخذه : هو لاني مصدع بحاول اطلع ذالضيقه شوي سلطان : وش مضايقك بندر بعد ما سحب له كم نفس ابتسم : تذكرت آخر مره كنت في روما ....! كانت معي .... وقف امام الشرفة الكبيرة ..... : شايف ذاك الساحة كنا فيها و دار عيونه للكافى شوب اللي يعني له كثير كثير ... بندر : وعلى انغام ابو نورة اختلفنا من يحب الثاني اكثر ترنمنا بذالكوفي ... سلطان يسمع بإصغاء : و عشان كذا لزمت إلا و نسكن بذالمنطقة مع انه تكسر الظهر بندر يبتسم بحسرة : لعيون الذكرى استبيح كل شيء سلطان : يابو الرومانسيات شكل نواف وصل يالله امش بندر يسحب نفس بحسرة : انا ماراح اروح بفلل نوم و بكرة يصير خير سلطان بنظرة جدية : اقول يالله بس انا مقدر انوم مشتاق لاختي وانت تأجل على كيفكـ ، بندر غمض عيونه وهو يسمع " والحياة ايش الحياة إلا مشاهد ناظريك " نواف اللي وصل و سلم عليهم ..... نواف : عمي الحين الحين قبل اعتب شقتكم ذي بحي البطارى ههههه ملزم تروحون معي لبيته بندر يحتسي أهاته .... سلطان انقذ الموقف : الله يكثر خيره إن شاءالله بندر ناظر سلطان بتوتر و كتمه ضيقته .... وهم في السيارة نواف : عاد لعبتي ذي ادخلكم مع شوارع و طرق ماقد عرفتوها لو تجيبون ايطالي مولد ومتلد هنا مابخصها بندر : ايه من دجتك بشوارعها ههههه نواف : ياخي مليت وقسم بخصتها شبر شبر حتى ضاحياتها طلعنا لها بندر : ايه ما تنلام لك شهور فيها نواف : أي شهور نام بس قل سنه وكم شهور خخخ بندر ابتسم سلطان : و شكلك بتجلس فيها خلاص نواف : الله يعين بس و يصبرنا و بإذن الله بنحاول ننقل لو للقاهرة سلطان : فله القاهره وناسه يعني ماراح تحس ببرودة المشاعر المصريين يمكن اقرب شعب يتأقلم مع السعوديين بسرعه بندر : المصري ماشاءلله تبارك الله يتاقلم مع أي شعب ماعنده مشكلة نواف : ياحبي لهم هههههههه يالله وصلنا توتر بندر و يحاول يضبط كنترول مشاعرهـ سلطان متحمس بقوة يتخطون السلم لحد ما وصلوا الباب .. نواف : ياليل وين مفتاحي هههههههههه والله عمي بيخليكم تتعشون علي سلطان " مشتاق لها " : ليش مافيه احد جوا نواف : إلا بس ينقالي بشخص وبعلمكم ان معي مفتاح و بالإماره ما طلعته إلا قبل شهر خخخخ بندر : الله يخلف على امك نواف : يالبيه وحشتني وقسم .... ابو بدر : هلاااا وسهلااا حياهم الله دخلوا و سلموا على ابو بدر زينة قابعه في غرفتها منطوية تبكي بألم بحسرة ........ زينة قامت و وقفت امام المرايه : لازم لازم يشوفني قوية لازم لازم مسكت " الفاونديشين " وغطت معالم البكاء طلعت حجابها الأسود ... ولفته بترتيب .... و هي تصرع خفايا مشاعرها ..." بتحداك يا بندر و بتشوف " نواف يسولف معهم بحماس وسلطان عيونه تراقب تتنتظر دخول انثى تكتسي بالحزن ..... كل وقته ينتظر و ينتظر و ينتظر إلى ان تلاشى امله سلطان بصوت خافت : اقول بندر وين اختي بندر بصوت خافت : قايل لك اختك ميب سهله مستحيل تطلع و تجلس ومتوقع ذالشيء اصلا انفتح باب الغرفة نواف ابتسم " والله لا ارفع راسك يالغلا " : اهلين بدري ياختي ههههههههه هالكلمة وقعت بنفس بندر اللي ناظر نواف و قلبه تتزايد ألهبته و سلطان غلت مشاعره " كان المفروض انا اللي اقولها مو ذالبزر نواف اللي ما طلع إلا امس " زينة بخطوات واثقه ... ومشاعر مكبوته بقوة زينة تمشي و رافعه راسها فوق ............ تناظر تلمح شخصين جالسين و معطينها ظهورهم .... بندر يحتسي كميات قلق و كذا سلطان الذي يضيف الشوق لجانب القلق بفنجان مشاعره زينة بشموخ لا يضاهى و الاسود منحها ثقلاً اخذا زينة قطعت توتر ظلال القابعين في بحار القلق زينة بصوت شامخ : السلاااااااااااااام عليكم بندر " يالبيه ذا الصوت " سلطان " الله يجمعني معك ياختي على خير " الجميع : و عليكم السلام و رحمة الله و بركاته ابو بدر يبتسم لها : اجلسي حياك زينة بشموخ تلقي نظرة جارحة ليست واثقة تكتسيها القسوة ... لبندر و بندر التقى نظرتها القاسية و احتساها بكل مافيه من حنين و أنين و شوق لها بندر عشان ينقذ الموقف : كيفك زينة بدون ما تناظره و جلست عند نواف : بخير والحمدلله زينة تناظر بندر بقسوة : وين روز ؟ ابو بدر : وين روز يا بندر منيب قايل ترسلها ! بندر تجاهل سؤال زينة و ناظر عمه : تعرف سفريتنا ميب طويلة وجايين شغل ابو بدر : ياليتك جايبها بس زينة تناظر نواف اللي يتأمل فقط سلطان يتأملها و تحركت مشاعره " الخالق الناطق امي " ........ ابو بدر : كيفك يا سلطان بشرني عنك ما تقول عندي عم بسلم عليه افا عليك بس سلطان : والله انا مقصرين يا عمي بس الله يعين و إلا المفروض نسأل بس دايما انشد الشباب عنك زينة " دمعت عيونها بقوة " ناظرها نواف بحيرة ..... زينة تناظر نواف و بالعيون يفهمون بعض بندر ما فوت النظرات .... استشعر كميات قهر لا بأس بها زينة بصوت لم يعد شامخاً : بالاذن و راحت لغرفتها قفلت باب الغرفة وبكت بحسرة فظيعة .... " تذكرت اخوها بدر يوم شافت بندر مباشرة تذكرت بدر و بكت بحسرة " نواف : عن اذنكم شوي و راح يتبعها نواف طق الباب زينة عدلت جلستها و رتبت حجابها نواف : عسى ماشر وش فيك زينة تبكي : نواف تذكرت بدر نواف : الله يهديك بس و الله يرحمه ادعي له بس لا تضيقين ابوك زينة تبكي : غصب عني يوم شفته تذكرت بدر مدري ليش ذكرني فيه نواف : ياشيخه طبيعي أي شخص بتشوفينه سعودي بتتذكرين بدر هالفترة طولي بالك شوي و خلي إيمانك قوي و يالله تعالي اجلسي شوي زينة : سوري سوري وبعدين مين ذا اللي معه ليش يجي خير وينى فيه أي سعودي تلاقونه تجيبونه هنا نواف : زينة وش فيك ذا سلطان رفيقنا " نواف ماقال لها انو ولد زوجة ابوها ليلى ، وهي ما ركزت يوم ابوها قال لسلطان لك عم على بالها من عيال عم ابوهم او هيك شيء " زينة : مدري بس مارتحت لنظراته طول وقته يخز فيني نواف عصب و انشدت اعصابه : وشلون يخز زينة تبكي : مدري بس منيب طالعه مارتحت وبس نواف اعصابه انشدت : ولا يهمك اهم شيء راحتك ... يالله بروح لهم شوي زينة : نواف طلبتك لا تروح معهم الله يوفقك نواف منقهر من سلطان : يصير خير - -
|
|
«
الموضوع السابق
|
الموضوع التالي
»
Loading...
| ||||||||||||||||||||||||||||||||||||||
العرض الشجري
