تنظيف الفراشي المكياج

تنظيف فرش الميك اب


السلام عليكم و رحمة الله و بركاتهـ

كيفكم ياجميلات ..؟

اليومـ جايبة لكم طريقة فعاله لتنظيف فرشاتك الخاصه بالميك آب و انا شخصياً جربت هالطريقه ونفعت رجعتها كأنها جديدهـ
وطبعاً تنظيف الفُرَش بعد كل استخدام مهم جداً جداً عشان لا تتجمع فيها البكتيريا و الاوساخ
لأنك لما ترجعي تستخدميها راح ترجع البكتيريا لـ فيسك وتسبب لك بثور و تخرب بشرتك

تحتاجي لـ /

صابون سائل للأواني + زيت زيتون + صحن

تحطي في الصحن قليل من الصابون و جنبه شوية زيت زيتون ( الكميه على حسب عدد الفرش اللي راح تنظفيها ) وتاخذي الفُرشه وتغمسيها في الصابون و زيت الزيتون وبعدين تفركيها بـ خفه على راحة يدك لين ماتشوفي لونها الاصلي رجع .
وكرري هالخطوه على باقي الفُرش , و بعدين غسليهم في ماء فاتر ( مهم يكون فاتر لأن الدافي او الحار يخرب الشعرات اللي بالفُرش ) .
وبعدين جفيفهم بشويش بالمنديل وعلقيهم بالمقلوب عشان باقي الرطوبة تطلع برى وماتدخل للفرشاه وتخرب تماسكها .

وبـ كذا تكوني نظفتي فُرَشك بالطريقه الصحيحه

وهذا الفديو عشان يوضح لك الخطوات كويس ..

.
ان عجبتكم الطريقة لاتنسون الردود