لوخيروني بين مليـون رجـال

~لوخيروني بين مليـون رجـال ~


لوخيروني بين مليـون رجـال
والكل منهم عاشقـن مشترينـي

بقول كلمه دايـم الـدوم تنقـال
دوم إتردد بيـن قلبـي وبينـي

" إن ماخذيت اللي له القلب ميّال
عقبه فلا آخذ كل رجلن يبيني "

يمكن بعيدن بالمسافه والأميـال
لكن قريبن بين قلبـي وعينـي

أشوف به شيخن على كل الازوال
إليا لفـى فزولـه الحاضرينـي

متسيّدن في وسط قلبي ويختـال
يملك حياتي بس وينه ووينـي؟؟

اللي رفض كل العذارى ولاطال
إلا خفوقـي بالغـلا والحنينـي

وشلون ابقنع خافقي لاالزمن مال
إن الظروف القاسيـه ماتلينـي

وشلون ابرضى عقبها بأي رجال
وشلون ابدّل نور عيني بيدينـي

دامه حفظني في عيونـه ولازال
طيفه على طول الليالي يجينـي

ابيه يذكـر كلمتـن دوم تنقـال
دوم إتردد بيـن قلبـي وبينـي

إن ماخذيت اللي له القلب ميّال
عقبه فلا أخذ كل رجلن يبينـي
تحيتى تسبق مودتى