بســـكات يغــليني وانا حــيل مغــليــه

[ALIGN=CENTER][TABLE1="width:95%;background-color:black;"][CELL="filter:;"][ALIGN=center]





ما كنّـي اعرفـه ولا كنّـي ابغيـه
وانا عليه من امّـه احـبّ واجـرى
ياكثرهـا تسليمـة(ن) يـوم الاقيـه
لي عين تكتب له وله عيـن تقـرى
وإن حلّ طاريّـه تجاهلـت طاريـه
ماكنّي ادري عنـه وانـا بـه ادرى
بسكات يغليني وانـا حيـل مغليـه
لا تيلفـون ولا مواعيـد غــدرى
يصون ودّي عن عذولـه واحاميـه
وانا عليه احجا مـن القلـب واذرى
حبّ(ن) عفيف(ن) والصراحه سواقيه
فـي وقتنـا ماظنتـي زاد يطـرى
لا اسولـف بحبّـه ولانـي بكانيـه
وغيري لو انّه يوالفه كـان هـذرى
احشم قريبه حشمة(ن) لـه واداريـه
واخشا يجي في خاطره شـي وادرى
لايحسب انّـي يـوم قفّيـت ناسيـه
لعيونـه انّـي ماتحاليـت عـذرى
ليت الزمن يرجع وانا اعلمـه ليـه
ولا الحظوظ مـن المقابيـل تشـرى
كل العذارى فـي الوفـا ماتساويـه
كنّه يميـن وباقـي الغيـد يسـرى
قولوا له اني مارتضي بالبـدل فيـه
لا مال قارون(ن) ولاعرش كسـرى
يرتاح ماغيره مـلا عيـن هاويـه
غلاه نهـر النيـل والقلـب مجـرى
واكبر دليل اني الى غـاب احاتيـه
كم ليلة(ن) ماتت على كف مسـرى
وان قالوا انه شرق وازريت لا اجيه
وجهت وجهي كل ما نمـت حـدرى

أبن فطيس

[/ALIGN]

[/CELL][/TABLE1][/ALIGN]