لايشغلك دمعٍ على الخد يجري

لايـشغـلك دمعٍ عـلى الخـد يجــري
ولايزعـجـك نوحي وكثر الـتـنهات
كـتـمـتـهـا مـاودي الـنـاس تـــدري
كـتـمتها عـن اقـرب الناس بالـذات
تركـتـها وسط الـمـعـالـيـق تـفــري
تـفـتـت مـنها الـظـلـوع الـمـحـنـات
مثـل الـحـمـم حـره مع الـدم يسري
يـفـوح دمـي بالـعـروق الـمـثـنــات
تـشـتـت مـنها مـجـامـيـع فـكـــــري
دنياي صارت في عـيوني متاهـات
وافـنيت في درب المتاهات عـمري
ابـنـي الامـاني والامـاني مـغــــرات
ضيعت وقتي واحسب الوقت بدري
اخطيت بحساب الزمن والمسافـات
كان الامل يدعـم مع الوقـت صبري
مات الامل قـبـل يتحـقـق بســاعـات
وباح الصبر واليوم الا ليـت شعـري
تـعـود ايـام الـزمـن للـبـدايـــــات
مالي عـذر غـير الذي قـلت عــذري
مكـتوب والمكـتوب مامنه منجـــات
والـيـوم انا فـوضـت لله امـــــــــري
فـوضت انا رب الـفـلك والـمـجـرات
عـسى يعـظـم والي العـرش اجـري
ويحـسن لنابالخـاتـمه والـنهـايــات

مما رآآق لي ......