مايفترش جم البحر كود سباح ..

مايفترش جـم البحـر كـود سبـاح
واللي ماهو سباح مـا يقـرب الجـم



روح(ن) تعارض روح من طبع الارواح
وروح(ن) توافقها على الكيـف والكـم

زرع الخطاء ماله نتايج بالإصـلاح
وزرع الوفاء يقضي على ناتـج الـذم

والوقت يطوي با الخساير والاربـاح
ياكثر مـا فـرّق ويـا كثـر مـا لـم

وانا ويـا الهاجـس يقـرّب وينـزاح
ما قلت لـه لا لا,ولا قلـت لـه تـم

من يمنع الضيقه على قلـب مرتـاح
ومن يحتوي ضخ الغـلا داخـل الـدم

هذي هي الدنيـا بهـا هـم وافـراح
ليت الفرح يقضي علـى زايـد الهـم

الا بـدا يرقـا الشراييـن واجـتـاح
كن الشقا نادا وانا ابديـت لـه سـم

اكبرمصيبـه يـا تــورّض ولا راح
وخلاّ اللسـان عـن الكـلام يتلعثـم

طرف الخجل باعلا المراتب ولا طـاح
وكل الولع عن سيرته حافظـه صـم

لاغاب عن بالي توارت بـا الاشبـاح
لوكان في ما يحـرق النفـس ملهـم

الله عطاه مـن الغـلا قـدر وسـلاح
يبحـث خفـا لامـن تبسـم وسلهـم


مرزوق الرمالي