الفكره

أنا شقول وصف لك ..وش احكيلك..
عن إلي صار
أنا للحين ما أدري ولا مستوعب .. الفكره
كثير أشياء في بالي وتاخذني كثير .. أفكار
وأنا من طبعي استلهم شعوري وأخذ العبره

لمحتك وابتدى قلبي أدور له سبب وأعذار
وأنا قلبي أعرفه زين ما قد فز من صغره
أنا قلبي أعرف أنه قوي ثابت ولا ينهار
يا أول واحدٍ شفته وهز القلب من نظره

خذاني درب فعيونك بعيد وغربه وأسفار
ومشيت الدرب باحساسي ومعاي الليل والقمره
نسولف عن مشاعرنا ولا ندري عن المشوار
بعيد الدرب لكن معاك أقول يا قصره

بعيني شفتك الغيمة وشربتك بالخيال أنهار
وخيالي لا سرح وأبعد بعينك قلت يا عذره
أنا اتبع احاسيسي وكل ليلٍ وراه انهار
وأنا أترجمت احاسيسي وقلبك عطني وش خبره

أحمد المري