عـنـق الـغـزال ..

*










لو يسرقون الإسم عادي ذا الحلال
تتشابه الأسماء في مقياسها


لكن والله بالصفه أو بالكمال
مافيهم اللي تقترب من ماسها


الفاتن اللي حازت لكل الخصال
في زينها في طبعها و إحساسها


جات للدنيا وتعطينا مثال
إن العطور تفوح من نسناسها


خلت بنات الكون صفر على الشمال
كم ترفةٍ ناحت بعد إفلاسها


لو هو بيدها كان تعطيهم مجال
لكن ما هو علم في كراسها


واللي زعلت واللي تغار من الجمال
تضرب على أقرب جدار براسها


هي موطني والفرح وأمان الليال
وأنا قيسها في الشعر مع نواسها


قالت : أحب أسماء تنسب للغزال
قلت : المها والريم انتي أساسها


كنها خذت منك العيون مع الدلال
والعنق لو هو مال مع مياسها


قالت : وحب من الشعر كل الجزال
وأنا جمعت الشعر بين أقواسها


يا جعلني فدوة لها في كل حال
واشوفها دايم بـ استأناسها





الوله .

احدهم معجب بهذا