(🌹🌸 قصيدة الحب 🌷💐)

. (🌹🌸 قصيدة الحب 🌷💐)
يا هيه من نظرات عيونك حس القلب ذاب
لا لا تمد كفك أخاف كفك من حره يذوب

ترى الحب الصافي راعيه ماهوب لعاب
وصافي النية هيهات يكون عليك كذوب

توك صغير وأناالرأس مني يالغرو شاب
لا تغرك المفاتن وتقول هذا غاية المطلوب

نعم أهوى لكن أخشى عليك من المطاب
معي ثلاث جنب طريقي يا أحلى رعبوب

وفارق السن اجعله من دواعي الأسباب
لاتضيع وقتي وقتك ترى الوقت محسوب

أناشدك الله لاتكشف عن وجهك الحجاب
صادق في احاسيسك تعداك كل عذروب

الحب لمن سطى يجعل من الشيبة شباب*
أماتخشى على نفسك من الانذال عيوب

ادري تحب وماهمك الانذال ومنه لك عاب
وأنا اقدر أجيبك لي بطيب وإلا بحروب

ما دمت صافي فانا صافي والشر غاب
والوعد معك وأهلك بيكون بعد الغروب

قصة أولها خطوبه ونهايتها كتب لكتاب
ما دام الحب على شرع الله يا قلب ذوب

ذوب في هوى من ذوبك وعدوكم للذهاب
يطول عمره مايلقاله في المخاليق محبوب

يا حياة الروح كل ماذكرتك أفتر الدولاب
وأظهرت من قديمه ما يقال عنه يا دوب

وتذكرت الشعر الأسود وذيك الأهداب
والرمش على عيونن خرس عليها متعوب

تجلت قدرة الخالق مصور طب الأطباب
والخشم سيف بينهن استقام بأسلوب

والخد منور كما قمر ليل تعداه السحاب
أو كما تريك في ليلة فرح تلقاه مشبوب

آه من جمرتينن تسلب لب العاقل سلاب
ما لوم الجاهل لصاح منها عقله مسلوب

عنق الغزال تحته بستان للعين جذاب
به لوميتينن تجعل القلب صوبها مجذوب

دعكم عن الباقي سحر الهوى به عذاب
غصن البان وشعاد لتهيأ يسحر القلوب

هذا الهوى اليا كسر باب فتح له أبواب
باب يفتح النفس وباب يشق الجيوب

وأختامها صلوا على نبي رب الأرباب
نبينا محمد اللي كلامه دوم مرغوب*
الشاعر/ حمد بن فهد المخالدة السبيعي

لا أشبه احد ّ! معجب بهذا