أسألة حارت

راح من عمري كثير وراحت احلامي معاه
والاماني واليالي والسوالف والمزوح
**
مابقا غير الحقيقة واتضح درب مشاه
هي صحيح اقسى ومره بس مو مثل الجروح
**
يازماني وش بقا لي انت تدري وش وراه
المشيب وراس خالي من تفاكير صروح!
**
بَيِّتْ العمر برحاله واكتسى الوقت الشقاه
وارتجف قلب حزين من هموم ماتروح
**
وين صوتك وين همسك وينه اعطف من غشاه
الدفى واحساس صادق لجله حروفي تبوح
**
كان عندي كان يمي كان حولي من خذاه
طار مني راح عني اصبح اوهام وشبوح
**
ليش ياصدق المشاعر زايد في القلب اه
كلما قلنا اهتنينا جد في قلبي قروح
**
اسئلة حارت في راس شاب من ظلم لفاه
واجوبة يجهل مداها فوق بركان يفوح
**
انتظاري لك تجين احرق الصبر بلظاه
طال صبري وطال بعدك وانت ياقلبي تنوح!
**
فوق رمل من لهيب تمشي الرجل وتطاه
الحقيقة هي سراب وانتهى حلم جموح

ضامية الشوق ,نجم الجدي ,جنــــون و 1 آخرون معجبون بهذا

إرتواء نبض