أهـ يادنيا عيال عم ولا يتعارفون..كامله

الجزء ال 42
من ظهرو قوم حمد عنهم وهن زعلاااااانات ...خلاص البيت مب حلو بلاهم ..عمهم منصور وعلي ..السوالف الغياض ويا أم سالم أمهم..

الساعة 4:30..............
موزه على اللاب توب..وكانت فغرفتها..كانت تكتب وبصيح..سلامي ومى ونورة كل وحدة تلم أغراضها..وحتى الحريم .......والشباب .......كل واحد ماله بارض يكلم الثاني ولا يضحك ولا يسولف ..
مى:نورة ........ليش قلتي أنج تبين تعيشين ويا أمايا شيخة ؟؟
نورة:بس لأن بعدها الجامعة وبيلس عندها أنا وسلامي.
مى:وبتخليني بروحي؟؟؟؟
نورة:عندج سارة وامايا وبويا ...
مى:حرام بيلس بروحي.......
نورة:لا تخافين بس بيلس يومين ولا ثلاثة ورادة ........
دخلت سلامي ........
سلامي:أقول حد عنده شنطة زيادة ؟؟؟؟
مى:أنا بس كبيرة .....
سلامي:أنا أريدها ..وينها؟؟؟؟
مى:تحت شبريتية ....
سلامي....تبا تظهر:مغسي .....
نورة:تعالي.....
سلامي:شو ؟؟؟؟؟؟؟؟
نورة:سلامي خلاص عزمتى منيلس عند أمايا شيخة ؟؟؟؟
سلامي:هيه إلا يومين ولا ثلاثة ......
مى:وبتخلني بروحي؟؟؟؟
سلامي:إنتى في بوظبي ونحن في العين يعني اوردي ما بتشوفيني ..وأمايا شيخة في بوظبي يعني يمكن تشوفيني وبعدين بس يومين تبين تعالي ويانا..
مى:لا ماريد.....
سلامي:صدق والله تعالي جان تيبن ......
مى:لو بسير موزه بسير أنا.
سلامي:هاي من سارو قوم عمي ما شفتها شبلاها؟؟؟
مى:مادري أصلا العايلة كلها مادري شياها بسم الله تقول حد بموت ..
نورة:هبي فال الله ولا فالج....
مى:صدق شوفيهم كلهم حزينين.....
سلامي:عشان ما بردون ويانا بس ....الله يعينهم هالشغل إلى ما يخلص.....تعالن نسير عند موزوه غريبة هادية .....
سارن غرفتها ولقنا تكتب وصيح ........
سلامي:الللللللللللله ينطبج .....أقولج بسج ...لا تكتبينها شو تبينها؟؟؟؟
مى:حبيبتي ليش تصيحين ؟؟؟؟؟؟...حشة هب راوية هاي ....طبيها...
سلامي:صدق والله كل ما تكتبين تصيحين ؟؟؟؟؟؟؟
موزه:لا بس هذا المقطع يصيح ...
نورة:أي مقطع؟؟؟؟
موزه:يوم عرفنا أن حمد مريض ..ياااااارب تبعد هالمرض عنا وعن عايلتنا وعن إلى نعرفهم ..
سلامي:اللللللللللله يعين ....
موزه:خلصتن ؟؟؟؟؟
سلامي:أنا بقالي شى بسيط ....
موزه:أنا مخلصة .....
نورة:نشوف قوم أمايا جان يبن شىء ولا يبن حد يساعدهن ؟؟؟؟؟
موزه:سيرن أنتن أنا بكمل الرواية ....
نورة:متفيجة .......
سارن عند أمهاتهن ...ولقنهن مشاءالله ما مخليات شىء ما شالاتنه ..
سلامي:مشاااااءالله كل هذا بتشلنة ؟؟؟؟
أم نورة:هيه ...
سلامي:حشة ما خليتن شىء في لندن ما يبتنه ....
أم موزه:هذا كلة بشحنونة .......
أم سالم:أقول أم لسانين كم الساعة ؟؟؟؟؟
سلامي:الحين خمس ......
أم سالم:يالله يا الوقت كيف ما يخطف بسرعة ..متى منسير؟؟؟؟
سلامي:مابقى شىء ...بعد شو منظهر هبابنا نوصل ...
حمدان ظاهر من قسمهم ..وهو محمد ...........
حمدان:ها خلصتو؟؟؟؟؟؟؟؟
أم سالم :هيه يالله ويهنا ؟؟؟؟؟؟
حمدان :يالله .......حملو سامان ؟؟؟؟؟؟؟؟؟؟
أم نورة:هيه خلصو .........
حمدان:عيل توكلنا ......حد بسير ويا محمد وحد و يا سلطان ..............لف بوية ما شاف موزه ..
شمة بصيح:حمداااااااااااااااااااان..
حمدان :شو حبيبتي.........؟؟
شمة:أريد أشل أرنبي..
حمدان:أوكية منشلة .......سيري وهاتيه ..
شمة:صدق والله!
حمدان هيه ......
شمة :وسارة بعد.......وكانت سارة مندسة عند أمها وطالع حمدان بنظرات توسل..
حمدان:أوكية وسارة بعد .....
شمة:شكراااااااااا.....
حمدان:سلامي وين موزه؟؟
سلامي:داخل .......
حمدان:يالله قوليلها هي بسير وياي.........
سلامي:إن شاءالله .........سارت سلامي عندها ......ولقتها تصييييييييييييييح ........
سلامي:شفييييييييييييييج؟؟؟؟؟؟لا إله إلا الله ......
موزه:سلامي مستحيل أنسى هالبيت ومتحيل أنسى كل إلى صار فيه ...
سلامي دمعن عيونها :هيه والله .....كل شىء وكل حركة حافظتها ...والله مستحيل أنساها .
موزه:منسير؟؟؟؟؟؟
سلامي:هيه ..........
موزه:مااااابااااااااااااااااا ...ويلست تصيح وهي حاضنتنها ......مااااااباااااااااااااا ....
سلامي:إن شاءالله في الصيف منرد ......
موزه:بس أخاف ما حد يسسير....غير هالرحلة كانت ..........
سلامي:يالله كلهم ركبو السيايير....يالله سكري الباب وراج....
كلهم ركبو السيايير وكل واحد زعلان وحزييييين خلاص منرد البلاد ..إنتهت الرحلة ....بس كانت أحلى رحلة في حياتهم ..أحلى ذكريات..أحلى مواقف.....معقولة بردون مرة ثانية وبتكون مثل هالرحلة ؟؟؟؟؟؟؟؟....آآآآآآآآآآآآه لو يرد الزمن ..آآآآآآه لو ترد الأيام ..
حمدان يقطع أفكارها:موزه....
موزه:لبيه.........
حمدان:شفيج سرحانة وصيحين؟؟؟؟؟؟؟
موزه..:ماشىء بس أذكر يوم أول ماوصلنا المزرعة أول ما دخلنا البيت ..سوالف ..
حمدان:إنزين إن شاءالله ما تكون الأخير لا تصيحين .......إن شاءالله في الصيف منرد ..
موزه:بس هاي غير هاي الرحلة محفووووورة في قلبي ...غير هالرحلة .
سكت حمدان ..صح صدقها هالرحلة غير ..كل شىء فيها حلو ..ضرابتهم غياضهم زعلهم يضحكتهم ........كانو ساكتين طووول الدرب ..وكل واحد وويهه في الدريشة ...يشوف آآآآخر شىء من لندن ..يستجمع ذكرياته ..وصلو على الساعة12:20..بسرعة بسرعة لين ما خلصو كل إجراءت المطار ..دخلو الطيارة ..حد منهم من التعب رقد ..وحد يسولف..موزه عدال الدريشة ..وعدالها سلامي..
موزه ..طالع من الدريشة :مع السلاااااااااااااااامة .......مع السلامة حمد ..الله يحفظكم ......آآآآآآآآآآآآآه والله بشتاقلكم ..
سلامي:صدقين والله خطف الوقت بسرعة .....أذكر يوم كنا فيالطيارة والحين ردينا .!!!! مسرع الوقت سبحان الله .
موزه..دموعها فعيونها:ههههههههههههههه تذكرين يوم كانت شمة تسير عند الريال ولا عرفنا أنة حمد إلا آخر شىء؟؟؟؟..تذكرين ؟؟؟
سلامي:ههههههههههه وبعد الشعر تذكرينة ؟؟؟
موزه:هههههههههههههه...أذكرة ......كنت أدعي علية ..عنبوه ما صدق كل هذا إستوا ولا عرفت أنة ولد عمي ...كيف الدنيا .....
سلامي:ههههههههههههه .....سبحان الله ............
وكانت شمة وسارة يترابعن في الطيارة ومسويات حشرة لين بعدين رقدن الله هداهن وبندو ليتات وإلى رقد وإلى يشوف التلفزيون.. بس موزه ما حبت ترقد .....فجت الاب توب وكملت القصة وسلامي راقدة ومى ونورة..كلهن ورقدن ..يلست تكتب لين ما رقدت .

وفي لندن ...
يوم وصلو قوم منصور لندن من التعب رقدو ....وسعيد من التعب ما رام يسير غرفتة رقد فالصالة ..لأن باجر الصبح وراهم مستشفى بتكون عملية حمد الساعة6 المغرب بتوقيت الإمارات ...

يوم السبت ..
وصلو أخيررررررررررررا المطار دبي .....يا فرحت أم سالم ..أخيرا وصلت الإمارات..من قالو الحين بهبطون ..وربطو الأحزمة ...أم سالم شاقة الحلج من الفرحة..هبطت الطيارة ..يوم نزلو من الطيارة ....شما وسارة جدام يترابعن وأم سالم ثالث وحدة والشباب وراها وحريم آخر شىء..يوم وصلت سوق الحرة ....لقت عيال صغار ..قامت وعطت كل واحد 100 ومن شافوها العيال توزع فلوس يترابعون عندها ..ههههه الشونة ....حمدان سار عندها
حمدان:أمايا يالله .
أم سالم:خلني اوزع للفروخ ..على سلامتنا وردت البلاد ...
حمدان:هههههههههه ..بسج خلاص وزعتي..يالله الدريولية تتريانا ..أنا تعبان ..
موزه وسلامي ومى ونورة..أونهن يبن يشوفن ما سدهن سوق لندن بعدهن يتشرن حشة يالحريم ما عندهن كاني ماني أي مكان فيه سوق لازم يشترن ..هن قبضن مكان وأمهاتن مكان وعاد حليلهم الشباب سارو عندهن..
محمد:أمايا يالله نسير..بس والله مليت منكن ومن مشاريكن ......
أم محمد:يالله بستر خلنا شو بشتري هذا والحين يايتنك سير انت جدام ..
محمد:هيه عشان ما شوفج طول.......
أم محمد:يااااالله كلت فوادي يالله سايرة ....
وأخيرا ركبو السيايير..سلامي ونورة وأم سالم بسيرن بوظبي بيت أم سالم..موزه وحمدان وسلطان وأمهم وشمة بسيرون العين ...ومى وأمها بسيرن بوظبي ...محمد وأمهم وسارة بسيرون بعد العين ..

فسيارة أم سالم..
أم سالم:ياللللللله محلات هالنخيل وهالبقعة طالعن ؟؟؟؟؟؟...شوفن مغواها يعلني فداها دار بو خليفة .....أيييه فج الدريشة خل المهب تهبط السيارة سكرتنا بريحتك يعلك لنفاد....
الدريول:ماماه واجد برد...
أم سالم:عيل لو سرت دار الكفرة شو بتقول ...فج الدريشة لا خبرك عليك منصور وخلية يكنسل ويزتك..
سلامي:أمااااااااااااياااااااااااااا طارت شيلتية سكرها ..
أم سالم:أصصصصصصصصص وقطعي ..
سلامي:أمااااااااياااااااااااااا ...حرام عليج إنتى لا بسة برقع أنا شيلتي بطير..
أم سالم:لا تاكلين فوادي تراج أذيتيني......
نورة:أمايا صدق .....
أم سالم:ييييييييييييييييهااااااااااااااااا....ماحد ضربكن وقالكن هظل وياي شيايبنكن ؟؟؟؟؟؟؟
سلامي.......يالمذلة:نحبج أمايا ......
أم سالم:عيل سكتن وقطعن يالله ........
نورة تظرب سلامي بكوعها:جب ..تراها بتعصب .......
أم سالم:إييييييييييه ...
الدريول :ماماه اسم مال انا حنيفة مش إيه......
أم سالم:وعثرة تشلك .......
الدريول بصوت واطي:الحين في إجي قرقر ...أول مافي ....
أم سالم:إييييييه...سرت العزبة؟؟؟؟؟؟
الدريول:ماماه أنا مافي معلوم عن عزبا مال إنتي...
أم سالم:عيل بشوف فالح تتغزل بخديجة؟ (خديجة بشكارتها)..حرام إن شفتك بس تكلمها لقصة لسانك ...وخليك أبلم ..

يوم وصلو قوم مى سيدة تسبحت ورقدت ..وأمها بعد نفس الشىء...
وأم سلامي ..يوم وصلت سارت تشوف شيبتها ..علومة ..
أم سلامي:ولا هاي علومك يا بو محمد؟
بو محمد:هاي علومي والله أني البيت ما يلس فيه إلا فليل أرقد وغبش وظهر..ما دانيت البيت بلاج.
أم سلامي:يعلني ماخله منك .......
بو محمد:عاد هاي المرة سويتيها وسرتي عني إلا المرة الياية ماشىء سيرة ..
أم سلامي: من يقول بعد شىء ثاني مرة ....ريلي على ريلك ........
بو محمد:وشعنة خليتي سلامي تسير عند أمي؟؟؟؟؟
أم سلامي:شو اسوي بغتها تيلس وياها عاد ما رمت أمنعها إلا بيت يدتها....
بو محمد:عاد متوله عليها ما شفتها .....
أم سلامي:إن شاءالله باجر منسير عندهم ..........

يالس في الصالة ...يشرب قهوة ويقرا الجريدة ..دشت الصالة ولقت أبوها ...سارت عنده وحضنته
موزه:باااااااباااااااااااااتي إشتقتلك واااااااااااااااااااااااااااااايد..
بو حمدان: من متى أترياكم ؟؟
موزه:آآآآآآآآآآآآآآآه باباتي ووالله إشتقتلك ثاني مرة مابسير بلاك ..
بو حمدان:وأنا بوج البيت كرهته من سرتو عني مادانيته ..
دخل حمدان وسلطان وأم حمدان..ويلسو يسولفون ويخبرونة عن الرحلة وعن مواقف يدتهم ..وسوالف وبعدين سارو يسبحون ويرقدون ..
الكل كانو رقود لين تقريبا الساعة .....5العصر .....من التعب ......
فجت عيونها ...خلاص هي صدق في البلاد ...قامت وتحس بعمرها تعبااااااااااااانة ...وعظامها تعورها..سحبت عمرها وسارت الحمام وسبحت وصلت ونزلت تحت ...ولقت أبوها وأمها وحمدان وسلطان بعده راقد ..
موزه:هلااااا..
بو حمدان:صح النوم .....الحين شو برقدج الليل ؟؟
موزه:باباتي والله تعباااااااااااانة ..
أم حمدان:أصبلج جاي؟؟؟
موزه:لا يوعانة ......
أم حمدان:قولي حق ميري تقول لطباخ يسويلج شىء..
موزه:الحين بسير حد يبا شىء؟؟؟؟؟؟؟؟حمدان تبا شىء؟؟؟؟
حمدان معصب ومتوتر العملية بعد ساعة ...حمد في غرفت العمليت: لا ماريد....
بو حمدان:حمدان شبلاك؟؟؟؟؟جنك سارق وخايف من شىء؟؟؟؟؟
حمدان:مافيني شىء...
ظهر حمدان خلاص أعصابة متوترة ....ظهر يمشي في الحديقة ... وكل شوي يدق لقوم سعيد..
حمدان:سعيد بشر؟؟؟؟
سعيد:بعده حمدان ...
حمدان:سعيد دق يوم يوصلك الخبر ..
سعيد:والله بخبركم بس لا دقون والله يوم أسمع التيلفون يدق قلبي يعورني ......
حمدان:أنا شو أقول .......
سعيد:سلم على الأأهل...........

إدش الغرفة ..وتسحب اللحاف: إيييييييييييييييييه بنيات أنا ما يايبتنكن ترقد...الرقاد بس للجلاب قومن يالله ......
سلامي:أمااااااااايااااااااااااااا خلينا نرقد شوي........
أم سالم:شو رقاده؟؟؟؟؟..الحين المغرب يالله قومن ....لا الحين أييبلكن زورة وبطكن فيها يالله .....
نورة:هاااااااااااااا ..أنا قمت........
أم سالم:وإنتى أم لسانين ..يالله ...........
سلامي:يالله قمت.....شحالج أمايا شخبارج؟؟؟؟؟؟؟
أم سالم:يالله .....أريد وحدة سوي دله جاي والثانية دله قهوة وفوالة .......الحين بيني حرمات ...
سلامي فاجة عيونها:شوووووووووووووووووووو!!!!!!!!!!!!! حرام عليج أمايا وين طباخج؟؟؟؟؟
أم سالم:حليلة مريضة ورخصتة ...يالله إن مالقيتكن مسويات شىء ياويلكن .....وظهرت عنهن .....
نورة:اللللللللللللللللله ينطب سلامي إلى خلتني إيي عند أمايا شيخة ...
سلامي:لا ناوية نية .......تبا تشغلنا ......ماعلية أمايا
نورة:قومي عن تفضحنا قومي .................
سارن تسبحن وخصبن عليهن سون الفواله وجهزن كل شىء ....عاد أم سالم يت طالع ...
أم سالم:يحاااااااااااافظ ...هيه الحين حريم .......عاد الحين بين حرمات وتعالن .....
سلامي:إن شااءالله ........