03-26-2022
|
|
|
نورالصباح
نور الصباح العذب لاقال السلام
العذر منكم لايجالسني جليس
مشاعري مابين راحه وانسجام
مثل انسجام الناس مع صوت السديس
مشاعر اللي لاضروف ولادوام
يوم الاحد عنده مثل يوم الخميس
العب طرب واضحك على نوح الحمام
الاليا خيم على العين الظلام
وين الجليس اللي يسمونه ونيس
تاخذني الذكرى ويلحقني هيام
اسرع من الفزاع لاحمي الوطيس
على هنوفً حبها فوق الكلام
ايام حبل الوصل في يدها مسيس
اغلى من اللي من غلاته مايسام
اللولو المكنون والدر النفيس
عزاه يوم اذكر مراسيم الختام
القلب يطلب دم مايكفيه كيس
من كبر همي وين عيني والمنام
يهون هم العرس في عين العريس
راحت وراحت راحتي والنوم شام
من دونها حظي مثل حالي تعيس
قلت اسمعي حذراك تنسين الغرام
ابيك ليلى يوم ساطي صار قيس
قالت نحت اسمك على صدري وسام
ساطي بن محمد بن هلال الرويس
ساطي الرويس
|
|
|
|
العرض الشجري