رواية صغيرات على الحياه البارت الحادي عشر

‏)‏)الباااارت الحاااادي عشر((





•
•




‏> *العزيمة والاستراحه. <




وسن : استأجر وافي استراحه بوادي لبن ..
.. عشان جماعتنا لأن استراحه عمي مو كبيره مرره ..
.. وعمي عازم كل جماعتنا وجيرانا وأصدقائه ..
.. وذابح ست ذبايح أربع لعيال وافي وثنتين لجوادوه ..



.. صفرنا باعجاب أنا والهبلا وداد ..
.. والباقين اللي يصايح واللي يصفق .. وسوينا ضجه كبيره ..
.. الظاهر وصل صوتنا للعيال ..


.. واحمر وجه حنين من الحيا ..




حنين : خلاص عاد بلا مصاخه فشلتوني ..

سلطانه : أووهووه وينك ياالوافي !
وسن بلقافه : أناديه .. بس قطعت كلمتي لماشفت عيون حنين بتطلع من مكانها ..


بس كانت كيوووت .. لابسه فستان وردي طويل وفتحت صدره واسعه وتحت الصدر قصه فيها كلفه مخمل أسود لافه على أسفل الصدر وتنتهي بربطه من ورا والأكمام طويله ونهايتها مزموم ..
.. وحواليه كلفه مخمل أسود ..
.. وعقد ألماس ناعم لاف على رقبتها مع حلق فخم يوصل لنهاية الكتف ..

.. وشدو سموكي مع وردي وبلاشر وقلوز وردي فعلا طالعه بنوته نعومه وماحد يصدق أنها متزوجه وأم عيال !




وافي : كنت بالمطبخ باخذالعود من عنود ..
.. قبل مايجون الرجال بس سمعت صراخ البنات وعصبت ..
.. خير ان شاءالله وش عندهم قاعدين بحراج ..
.. فضحونا في الرجال روحي قولي لهم ينطمون قبل مايتعرضهم هالعقال ..



عنود بعد مارجعت من البنات : هههههه تدري يا بو جسار ليش يصارخون البنات ؟
وافي : على إيش !
عنود : على أم جسار ..




وافي وقلبه يخفق ويحاول يتصنع اللا مبالاه : شفيها ؟
عنود : منبهرين بشكلها ماحد يصدق أنها متزوجه وأم عيال بعد!

وافي : تبخر كل الغضب وحل مكانه ابتسامه متمرده على شفايفي ماقدرت أمنعها ..
.. وبتوتر وب رجاء وأنا أحك دقني عنووده أبي أشوفها!


عنودبخبث : آآهااا وين الزعل اللي من شوي !
.. بس حقك ياخوي ..
.. أنتظر هنا وبجيبها لك ..



وافي : بس لاتدري
عنود: أوكيـ..ك ..


عنود وهي تصب القهوه :
.. حنووو لاهنتي جيبي ترمس قهوه من المطبخ هذا فضا ..
.. قلتها بصوت واطي أخاف سلوطه وإلا وسن يتلقفن ويجيبنه..



وافي : سمعت طقطقة كعب عرفت أنها جت ..
.. *رتبكت تلخبطت ووقفت ورا الباب عشان أسكره لادخلت ..



حنين : ماالتفت للباب اللي صفق ..
.. ووقفت قبال الدولاب أدور ترامس القهوه ..

.. بس حسيت حد حضني من ورا ويدين على خصري ..
.. وبعصبيه التفت أسوف من هالسخيفه اللي سوت بي هالحركه البايخه ..


.. ماحب هالحركات حتى لو كانت مزح ..
حنين : يااااسخيفه أنقلـ...
وافي : دفنت وجهي بشعرها ..
.. من زمان ماشفته ولالعبت فيه من كانت بالشهر الرابع أشتقت له طال مررره ..




أفاا ياأم جسار أنا سخيف ..
.. قلتها وأنا ألف بها تواجهني ..
.. وقطعت باقي كلامي لماشفتها آه ياقلبي ماأستحمل ثواني تأملتها وحظنتها بقوووه ..
.. وأنامسكرعيوني وأتنهد ..




حنين : ياااه سبحان الله لماكنت عند الكوافيره وشفت نفسي بالمرايه تمنيت أن وافي يشوف شياكتي ..
.. هو أولى من أي أحد بشوفتي وربي حقق لي هالأمنيه ..
.. أستوعبت إني بحضنه ومستسلمه له كني راضيه باللي يصير ..
.. وناسيه اللي جاني منه بعدت عنه بسرعه ومسكني بيدي قبل لاأروح ..




وافي : لي متى يعني على هالوضع ..
.. انا صبري نفذ لاتحديني أسوي شي أندم عليه ..


يرضيك حال عيالنا كنهم أيتام وأبوهم موجود ..
.. كملت وأنا أحط يدي بشعرها وماقدرت أقاوم ..
.. خلينا نربي عيالنا بينا بعض النظر عن خلافاتنا وش ذنبهم ؟



حنين : باااس هذا اللي همه عياله وبس يبيني مربيه لهم ..
.. حتى ماأعتذرلي ولاكنه سوا شي !
.. بعدت يده وطلعت قبل لايشوف دموعي ..
.. ما أحب يشوف ضعفي أبيه يشوفني قويه وماراح اعديها بالساهل حتى مايتمادى مره ثانيه ..



عنود : شفت حنين تركض بسرعه للمغاسل وبسرعه رحت لوافي ..
.. شفته وهو يضرب الدولاب بيده وخذ فنجال ع الطاوله ورماه بقهر ع الأرض ..
.. عرفت أنهم ماأتفقو ..



عنود : هد أعصابك أبوجسار ..
.. كل عقده ولها حلال ..
.. بس أنتبه لصحتك شف شلون صرت راس مال الأنسان صحته وكل شي بعده يهون ..



وافي بقهر : مو راضيه تعطيني فرصه نتفاهم ..
.. حتى لو غلطت لازم تسمع وجهة نظري ..


عنود : ماعليك أن شاء الله تنحل لاتشيل هم ..



وافي : متى بس متى ؟
وطلع للرجال ..




عنود : أحس قلبي مليان على حنين بعد ماشفت وافي وطول الوقت وأنا أفكر بحل !


وسن : ناداني سعوودي ولد تركي لأمي ..
.. تبيني عند جدتي ..
.. >جدتي مره كبيره بالسن ومضيعه وجدي عميان <
.. دخلت لقيتها جالسه ع الأرض وماسكه راسها وتسترجع وتحوقل طار قلبي شفيها أمي لايكون صار لأبوي شي ؟




بس لماشفت وليدوه عندها ويطالعني ببتسامه وهو يرقص حواجبه عرفت أنه مسوي مصيبه وملزقها فيني ..


يمه شفيك ليش تبكين ماسويت شي !



جواد : دخلت بسلم على جدتي مع أنها ماتدري من راح ومن جا بس تكسر خاطري وأحيانا غصب عني تضحكني !

.. تنحنحت يااااولد ..


سمعت وليدوه يقول أنتظر شوي بعدها بشوي قالي أدخل ..


جواد : دخلت وسلمت على خالتي أم تركي وحبيت راسها ..
.. وسلمت على جدتي ..
.. وشفت وحده متغطيه بالجلال وخالتي *شكلها تبكي أرتعت عسى ماشر ياخاله ؟




.. أم تركي زاد بكاها وماردت ورد وليد وهو يأشر على أم شرشف !



وليد : هالفاشله ..
.. راسبه بست مواد ويمكن تعيد السنه مالها دور ثاني ..




جواد : حاولت أكتم ضحكت الشماته وأواسي خالتي ..
.. ماعليه ياخاله هي بليده ..
.. وماينفع معها البكا لأن ماعندها إحساس ..
.. وإلاكان ماجابت العيد أفصليها بس وأرتاحي ..
.. لاهي بداخله الجامعه ..
.. حدها الثانوي ويكح بعد تجلس بالبيت تربي عيالها هذا أن فلحت ..


وسن : يامال الوجع ياحبه للشر ..
.. سكت دهرا ونطق كفرا ..
.. رفعت جلالي شوي عشان أطلع عيوني أرد علي ..
.. بس بهت وماقدرت أرد ..
.. طارت عيوني فيه هذا الاطخم جوادوه !



انتبهت أنه يقز فيني بس ماعلي أنا متغطيه ..



وسن : مالك دخل أنت ..


جواد بغيت أقهرها :ب
.. بعدي موبليده وبس ..
.. ولسانك طويل بعد هذا بدل السلام على رجلك؟*




وسن : جيت برد بس حلفت أمي ماأتكلم ..
.. وخبطت برجلي بقهرع الأرض ..
.. يماااااااه ..




*
أم وسن : وصمه ولاكلمه ..





جواد ووليد : ههههههههههه
وسن: *تركتهم وطلعت ..




عنود : جبنا الاستريو بعد ماراحو الضيوف ..
.. وطبعا فتح الرقص حنين ..
.. وكانت فنانه بالرقص هي ووسن ..
.. أما وداد ونوره وجواهر حدهم الخليجي ..



رقصت حنو على ..




دلوعتي كل الحلا فيها *.. احترت أنا مدري شسميها



وكانت حركاتها الدلوعه ماشيه مع الأغنيه ..
.. وبصراحه تحمسنا وصفقنا لها ..
.. بعدها رقصت وسن سامررري روعه روعه ..




ياهل السامري لاتوجعوني *.. شيلكم ياالعرب ياأثر عليا





وسن : طلبوني البنات أرقص سامري ..
.. وأنا أحب لما أرقصه أرقص بالشماغ ..
.. شفت سعد ولد تركي ..
وقلت له يسرق لي شماغ أحد من العيال ./
.. وهو يخاف مني مايقدر يقولي لا ..






بعدها بشوي جاني يلهث ومعه غتره بيضا ..



سعد :عمه *وسن خوذي أماااانه لاتعلمين علي ..

وسن : مشكور سعوودي من غترته ؟
سعد : غتره خالي جواد ..
.. قسم بالله أن درا أن يجلدني تكفين خل أرجعها ..
.. وألا لاحد يدري إني جبتها ..






.. وسن ببتسامه تحولت لضحكه هههههااااي عز الطلب سعوودي ..



رحت للمرايا وزدت روجي ..
.. ودخلت ع البنات ..
.. وسألووني البنات من غترته ؟
.. ياويلك ؟
.. رجعيها ؟
.. كنها غترت فلان لا فلان ..
.. سفهتهم ورقصت بذمه ..
.. ووناسه وتحمسو العجايز معي لأنهم يحبون السامررري ..




جواد : كنت سرحان طول الوقت أفكر بعيون وسن ..
.. وأقارنها بالصوره اللي فبالي ..
.. معقوله هذي وسن ..
.. صح شلون غابت عن بالي دايم أحنا نعلق عليها أنا ووليد بكبر عيووونها ..

.. بس تذكرت الصوره وكشرت الصوره عيونها صغار ..
.. على ماأظن لاني فاتحت أمي برغبتي إني أطلق وسن وأخطب أريج بنت عمتي ..


.. واستغربت أنها وافقت بس الظاهر أنها متأثره من سالفت وافي وحنين ..




لازم أتأكد ..







دورت غترتي مالقيتها شفت سعدبن تركي ..
.. وتركي بن حمد ..
.. وسألتهم أرتبك سعد وقال أنا أدورها شايفها مع البزارين دقايق وجابها ..




فتحتها عشان البسها شفت فيها شي برتقالي وجع وش ذا؟



.. طالعته شفته روج ..
.. مسكت سعد وحشرته بزاويه وطيرت عيوني عليه من اللي لابس غترتي من البنات ؟




سعد بخوف : محد محد ..

جواد .. رفعت عقالي ..
.. وشهق سعد ..
.. بقول بقول بس لاتطق ..





جواد : طيب قول من ولا أطقك ..

سعد : عمتي وسن ..
جواد : ليش لبستها ؟



سعد : راقصه بها ..
.. حطتها على راسها بعدين على تحت ..



جواد بقهر : الله يلعن .. استغفر الله .. أوريها ..


جواد : شف سعد كان تبيني أسامحك ..
.. رح قل لعمتك وسن أبوي تركي يبيك في صاله الطعام وفي أذنها لاحد يسمعك !



سعد : طيب ..
جواد : وقفت بالصاله وعطيتها ظهري ..
.. *خلت برجتها وخبطتني من ورا على بالها تركي .. وإني سرحان ..


وسن : بااااااااااو هههههه هبلتك ..

جواد : ألتفت لها أشدعوه ..
وطارت عيوني فيها ..
.. وطالعتها من فوق لتحت ..
.. لعنبو بليسها كل ذا الزين لي ..






وسن : انصدمت لما شفته جوادوه وااااي من قريب أحلى بكثير *..
.. توني أدري أن عيونه ناعسه وعسلي فاتح ..



انتبهت لنفسي ولفيت بنحاش مسكني ولفني له ..



جواد : شكلي أنا اللي هبلتك ..
وسن : هي أستح على وجهك ..
.. لايجي أحد يشوفنا كذا ..




جواد :عاااادي اعتبريها شوفه شرعيه ..
.. *لفيت يديني على خصرها وبسرعه بوستها ..




وسن : حيوان قليل أدب بعد عني والله لعلم تركي عليك ..

جواد : هههههه بصراحه لما شفت طبعة شفايفك بغترتي أشتهيتها ..
،. قلت يمكن هذي رساله منك عشان أفهم شتبين ..
.. عاد أنا لبيب ألقطها وهي طايره مو مثلك عقلي تنكه ..





وسن : خبطته بجزمتي الشوكه في رجله فكني .،
.. وهو يسبني وحطيت رجلي أنحشت ..



جواد : ههههههه ياحلوها وياشين لسانها ..
.. بس أن ماخليت هاللسان ينقط عسل ماكون جواد ..


‏

ضامية الشوق ,إرتواء نبض معجبون بهذا