روايـــــــــــــــــــة القرار الصعــب كامله مميزه روووعــه وحقيقه

الجــــزء[18[
.........................................
أما في بيت بو خالد
سلطان و شمه و خوله و عبيد قاعدين في الصالة يطالعون تلفزيون..
سلطان: شمو شموه خلي الأغنيه..
شمه: ويييييع ما حلوووه..
عبيد: إنتي خلي الأغنيه بنسمع.. منو يغني؟؟..
شمه: راكان..
عبيد و رفع ريله ع الغنفه: اوووه هذا بعد صار يغني خلك بالشلات يا ريال.. " و شوي يطالعون الفيديو كليب يوم إنه البنت رمت الأغراض إلي يابها لها الريال "..
عبيد ينتبه: أووووووووب يا الخايسه حماره سويدت الويييه.. و الله انا لو سوت وحده ليه جذا بصفعها..
خوله محطيه ريل على ريل: تمثيل هذا تمثيل.. " و تأشر ع التلفزيون "
عبيد: و الله لو تمثيــل عقب التصوير لا أسير لها و أدعمها إلين تموت شو تسويبي جيه..
شمه بتموووت من الضحك: زين و الله ما يابوك تمثل لهم..
عبيد: بروغها رواغه إلين أبرد فواديه.. " و سلطان فعالم ثاني جنه الاغنيه له و يسمع كلماتها كل كلمه يقولها راكان "
عبيد يأشر بعينه: طاعو الحبيبي ماشي مروس في الحب..
سلطان ينتبه على المقطع إلي يقول " دبله وسط يمناه و ورده على ثوبه مجبور برضى بالذي صار و استسلم"
" و حسبي عليه صاره احلامي مسلوبه لي حلي باي يا ناس ما حل بمسلم أبكي و دمعاتي ع الخد مسكوبه تتسابق الدمعات ع الخد تتقسم " عيبته هذه المقاطع من الأغنيه ..
عبيد: حووووووووه بلاك حبابي بلاك مستصيب هاه..
سلطان اطالعه بضيج: سيــر لاه.. وشوي رن تلفون و قام عنهم و سار يرمس برع..
عبيد وهو يزقر مهره: مهروووووووه تعالي زين تعالي..
مهره سمعته وهي يايه تنزل: هلا شبغيت قاعد تزاقر..
عبيد وهو يطريقه قصيد: الله يمهره إلي حظرت غطت ع شموه و خولووه " و يأشر عليهن ".. الله الله الله يزيـــن إلي حظرت.. " و ابتسم لـــــــــــهن "
مهره مستحيه عبيد يدلعها و يحطيها في عينه بس يخطر على بالها شي على طول عبيد وهو مغمض ايبه لها وهي بعد هب مقصره فيه و لا مقصره بهله و رمسته تسمعها من الألف إلين الياء ما تبا تخسره و لا هو يبا يخسرها صارت كل شي في حياته و هو صار كل شي بحياتها و الله يهنيهم..
شمه: غطت على منو شوف عاده أنا بالجمال محد شرواتي حتى مهرو حرمتك ما توصلني بالجمال..
مهره: الجمال جمال الروح يا روحي.. " و تقعد صوب ريلها "
شمه: عاشت جمال الروح محد يطالعه هذا..
عبيد: تبين الصج مهره أحلا عنج و كيفي حرمتي و بدلعها أنا عكيفي.. " خوله تطالهم .. معقوله بحصل ريل جيه يدلعني شروات ما عبيد يدلع مهره "
عبيد وهو يحر شمه: المهر روحي لبسي عباتج بسرعة بنسير نتعشى برع..
شمه: الله خذوني وياكم..
خوله: توج تسبين حرمته.. مهره تطالع شمه..
عبيد: يلا يلا يلا يلا.. أنا و حرمتي بنسرح نتعشى شو يرزبج من بينا.. يا الله المهر سيري هاتي عباتج دهديه..
مهره وهي تقوم: إن شاء الله..
عبيد: يا الله خيوووووووووول.. " و ابتسم " سارت مهره بدلت ملابسها و عقبها نزلت لهم و كانت لابسه عباتها و شيله ملونه أزرق و يا أخضر و يا أصفر و رافعه شعرها و فن هذه البنت و شمه ظاربنها حفوز تبا تسير وياهم بس من كلام عبيد شكلها ما بتزر هذه المره و روح عبيد و يا مهره بسيارته البورش كايـين و سرحو يتعشون..
في بيت ام عمر
أم عمر: هيه بنتي.. و حطيتي العشا حق الرياييل..
هند: هيه أمايه عمـر شاله صوبهم و الطباخ..
أم عمـر: سلمتي على عمــج..
هند: هيه سلمت.. و يات من وراها سلامه..
سلامه: عموه ما تبين تعشيني و لا العشا بس حق الرياييل..
أم عمر تبتسم: أفا يا سلامه ما يطيع زيـنج أمره فالج طيب احينه نحطه لــج..
هند: تعالي إنتي العشا محطوط و عن البزه الزايده..
سلامه: أيـه أنا يايتنكم من الهيـر و جيه تعاملوني ما عليه الساع أخبر عليكم بويه..
أم عمر: ويه ويه ويه إلا بوج الساع ما خبرتيه احينه بغير علينا الصالة بنعشيج..
سلامه تضحك: عموه حي.. تخافين من بويه عرفت لـــج.. و ما تخافين من يديه..
أم عمر: كلــي خرااااج سويد الويهه.. " و تطالع هند" هند أماه ودي بنت عمج تتعشى قامت تخرف.. ضحكت هند و سلامه و سارن يتعشن و عقب يات خت هند ليلى و عايشه أم شيخه..
هند: شوااااخ حبيبي..
شيخه: ماحبج خالوووه ما يتي بيتنا..
هند: سا محيني حبيبتي..
شيخه ببراءه: خالوه صقور يفاتن عليه كل يوم يوم ألعب مع الولاد..
هند تطالع سلامه: أيــه يودي و لد خوج عن بنتنا..
سلامه: و يوم هي تقعد تلعب ويا الأولاد و كشتها خاري بتنضرب .. شوفي البنت لها بيتها..
عايشه: يبوج هب مخلنها في حالها لاهي و لا بنت ولد عمي العنود كل يوم و يظربهن مساكين..
هند تضحك: حشى مقصاب مقصاب هب ولــد..
عايشه: مخوف الفريـــج بكبره..
هند: هذا إلا ياهل بلعنه كف يرقده شهر..
سلام: خوفاتيه يرقدج إنتي شهر في المستشفيات و نبات نحن نراودج..
أما عند الرياييل ذياب كان عندهم و سوالف ويا الشيبه و الشباب يسولفون عليـه و عقب يوم خلصو عشى .. ظهر منصور و أحمد عسب بسيرون يسلمون على ربعهم و مناك يتمشون شوي في دبي قبل لا يردون الهيـر و الفوعه..
.........................................
عقب ما حاسب عبيد روح هو مهره و كان جوهم رومانسي بالقو و هذا الشي قربهم أكــثر و أكـثر.. مهره و عبيد قاعدين على سيف البحر صوب برج العرب و لليتات برج العرب تضرب صوبهم و شكل البحـر فن..
عبيد: هاه وين تبين تروحين أحينه..
مهره: خلني قاعده هنيه من زمان ماييت البـحر..
عبيد: فديتج خذي وقتج فا عليــج..
مهره و الهدوء يعم المكان: عبيد شكثـر تحبني؟..
عبيد: سؤال مال أولا بس ما عليه همممم شكثر أحبــج؟.. " وهو يطالع البـحر " صدقيني لو أقول أحبج كثر ما في البحر ماي و إلا كثر حبات رمال الصحره بعدي ما بوفي فحقج بالحــب.. حبي لــج ما ينوص ينوصف بسكوت..
مهره انعجبت برد عبيد يمكن هو لو سألها جانت بتقول له كثر قطره من ماي البــحر و لا شي بس يطلع جوابه السكوت هذا شي أعجبها بعبيد كله يتكلــم بالمنطق..
عبيد: أنا أسال احينه وين سرحانه؟..
مهره: هلا شو قلت..
عبيد: أقولج شكثر إنتي تحبيني؟..
مهره: انت قلتها يا الغالي بجذب عليك.. بس أقولك في عيوني كل الكلام إلي انت تبا تسمعه..
عبيد: مهره دخيييييييييييل والديــج قولـــــــي أحبـــك الله يخليــج..
مهره: عبيد أمووووووووت فيك فديت رووووحك.. عبيد غمض عيونه وهو يستوعب رمسه مهره " بتخبل فيني هذه البنت خلاص "
عبيد يفتح عينه: مهرووه بموووت من الحر قومي خلنا نسرح مكان ثاني..
مهره تضحك: إن شاء الله.. قامت مهره هي وعبيد سايرين صوب سيارتهن بس عبيد سمع حد يزقره من بعيد..

: عبييييييييييييييييييد عبووووووووووووود.. عبيد التفت لصوت و ابتسم..
عبيد يطالع مهره: هاج سويج السيارة سيري بييج.. خذت مهره سويج السيارة و سارت وصلو منصور و أحمد صوب عبيد و توايهو الشبيبه..
أحمد: هاه شحالك بو الشباب..
عبيد مبتسم لهم: الحمد الله..
منصور: حليـــلك والله متولهيـــن عليــك عاده..
عبيد: و أنا أكثــر عنكم و الله.. منصور كل شوي يلتفت لسيارة " أكيــد هذه هي في السيارة "
أحمد يحرك حواجبه: هاه اشقاعد تسوي هنيه جو رومانسي هاه..
منصور: أيــــه مالك خص بالريال عنبوووك..
أحمد: زين انت بلاك انسولف وياه.. و غياضن فيك شو قاعد تسوي هنيه قول لنا..
عبيد: ياي و يا الأهــل فيها شي يعني..
أحمد: لا ما فيها شي مرخوص أمره..
عبيد: عيل إنتو هنيه..
أحمد: هيه والله يايبين أغراض حق قوم عمور و قعدنا شويه هنيه و غايته احينه عاده بروح..
عبيد عقد حوايبه: فا ما قلتو و لا نسويلك عيشه سنعه..
منصور: فا عليك المره اليايه إن شاء الله..
عبيد: خلاص و تم قولو متى ناوين تون و عقبها انظم لكم شي معتبر..
أحمد: تسلم حبيبي خششششششششششمك " و يدقه خشم "
منصور: عيل ما نطول عليك نحن بنسرح..
أحمد: ودنا والله بس تعرف الشيبه حشرنا..
عبيد: سلمو سلمو على الشيبه و قولوله المره اليايه إن يا دبي أبد ما يظهر منها إلا وهو ماكــل من بيتنا شي..
أحمد: أمره لا تفــكر على طول بيبه لــك..
منصور: يا الله بسك سوااالف..
أحمد: ودنا نسووولف بس حد من العرب هب مخلينا على راحتنا.. ما عليه حبيبي نلاقيق في وقت ثاني.. و سترخصو منه و وهو شل كندورته شوي و ظهر شوي من وزاره من تحت و سار صوب السيارة وركب..
مهره تطالعه: منوه هذيــل؟..
عبيد بغيــر: مالج شغل تتخبرين عن الرياييل..
مهره: إنزيــــن آسفه أخر مره.. وسكتت..
عبيد: هاه وين تبينا نروح..
مهره: مادري كيفك..
عبيد: مهروووه لا تزعليــن بس ما بيـج تتخبرين عن الرياييل أغــار..
مهره ابتسمت: زين أنا هب زعلانه كيفك يعيبني فيك هذا الشي.. زين و لا تزعل ودني الستي..
عبيد: خيييييييير بس يا الله ما طلبتي الغلا الستي الستي..

و سارو الستي سنتر و نزلو أريــج و عيبت مهره أشياء بس ما رظت إنها تشتريها إلين ما تي ويا شمه عسب يختارون..
مهره وهم يتمشون: بعدين يوم بيب شموه..
عبيد ميود فأيدها: عنبوها هذه تحبينها أكثــر عني عنلاتها..
مهره تضحك: حرااام عليــك..
عبيد وهو هب منتبه: لا هب حرام "و ارتطم بأجنبيه و طاحت له في حظنه و لا إراديا يودها عبيد من خصرها لا اطيح على الأرض" ..
عبيد: سلمتي.. و مهره تطالعه بعصبيه وهي متغشيه..
الأجنبيه: OoOoOoOoOoOps sorry
عبيد: No don’t
الأجنبيه: I'm veary sorry Dear.. .. عبيد ابتسم حقها و مشى عنها و روحو صوب الباركنات.. وهي كانت لابسه تنوره قصيره لونها أبيــض و جوتي بوت أبيض و بدي بو حمالي بعد أبيــض و بطنها ظاهر.. هذا إلي انقهرت منه مهره و عبيد هب داري بالنار إلي تشب في يوف مهره.. و ركبو السيارة و قعدت مهره ساكته..
عبيد يسدح بعمره ع السيت و اطالعها وهو نافخ بصدره: آآآآآآآآآآآآه بلاج ما ترمسيــن..
مهره بدون نفس و تنزل الغشوه: ماشي عادي..
عبيد ابتسم لها وقرب ويهه من ويهها: غيرااان حبيبي لا تزعلين غلطه..
مهره انفجرت: لا والله غلطه و انت ما شفتها جيف تطالعك عنلاتها من عوووفه ما حبك أكــررررهك..
عبيد ابتسم: مهره لا تزعلين موقف و خلص يعني أنا ماليه شغل بالسالفه تكرهيــني ليــش حرام..
مهر: عادي عندك عادي لا والله " و ظهرت خصله من شعرها و رجعتها بعصبيه "..
عبيد: أووووووووه أم العيال زعلانه..
مهره: عبيييييييييييد لا تقعد تتمضخر انا أكـلـمك جد تونيه يوم تخبرتك بس منوه هذولا الشباب جيف فتنت عليه و احينه و حده طايحه فـ حظنك و ما تباني اسوي شي أفترض صار عكس جيه شو بتسو انت؟!؟..
عبيد فتح عينه: تخسيييييييييييي تفهمييييييييييييييييييييييين.. و شغل السيارة بعصبيه و حركها بكل سرعة و قعد يسوق وهو محرج و صج مفول ما يتخيل يصير لها هذا الموقف شو بكون موقفه؟ شو بسوي هو؟ غمض عينه ما يبا يتخيل.. و مهره كانت الثانية في عالمها تفكر و قطع عليها حبل أفكارها صوت المأشر إلي فسيارة يوم إنه يأشر بالسرعة انتبهت له و اطالعت عبيد إلي كانت عينه حمره من العصبيه و دموعه في عينه خافت مهره و شافته يوم يغمضها وخافت وهو يسوق سريع و اطالعت ع جدام و ما انتبه عبيد و إلا مهره تصارخ..
مهره و هي تيود عبيد من جتفه: عبيييييييييييييييد حاسب مطباااااااااااااااااااااااااااااااه ..
::
في بيت بو خالد..
سلطان كان قاعد ع المنامه و يسمع رناته و شو منزل من الأغاني بتلفونه و فيديو كلبات؟.. وشوي دخلت سيارة أكورد أسود هو يعرفها و نزلت منها بنت صغيـره و الثانية لابسه شيله و عباه و قعدن يمشن وهم ما حسوبه و هو يطالعهم و أونه يطالع تلفونه و عقبها دخــلن البنات و ظهرت السيارة.. سلطان استغرب منو هالبنتين إلي دشــن.. و قام من مكان حاس إنه عنده فضول و أونه بيدخل ما يعرف.. و حدر الصالة و سمع حشره شمه مسويتنها..
شمه: عااااااااااشووووه فدييييتج زين إنتي ما قلتي اليوم بتين..
عوشه: هيه هيه سوي عمرج ما تعرفي قايله لج العصر إنيه بي عن الخقه..
شمه: مالـــــت .. تعرفيـــن تف عليـــج..
عوشه أونها تفج حلجها: آآآآآآآآآآآآآآآآه انا تسوين ليه هذه الحركه ياحماره..
خلود: شمووووه وين سارووو؟؟
شمه: تطالع خلود: سرحي بيتهم و إلا أقووولج احينه بدق حق حصوه بقولها تي و تيب ساروه وياها..
وشوي دخــل سلطان أونه ما يعرف يستهبــل: أوووووه " و رجع "
شمه: تعاااال هذه إلا عوووووووووشه.. " عوشه تطالعها بنظرات "
سلطان ابتسم و سار صوبهم: الســــــــلام عليـــكم ورحمه الله و بركاته.. " وردن البنات السلام "
عوشه مستحيه: شحالك عبيد عساك طيب..
سلطان ابتسم و اطالع شمه و غمز حقها: الحمد الله طيب طاب حالـــج.. إنتي شخبارج و علوومج..
عوشه: الحمد الله عيل وين مهره؟؟
سلطان: مادري يمكن فوق " و يطالع فوق "..
خوله يات من باب الصالة إلي دخل منه سلطان: سلطان انت هنيه أميه تقولك تعال جان تبا عشا..
عوشه اطالعته بنظراااات مسكيييينه استحت احترق ويهها.. وشمه وراها تضحك بس بخفيف..
سلطان: إن شاء الله.. ما سوا لها سالفه و ظهر عنهن..
عوشه: يا السبااااله ليش ما قلتي إنه سلطان فشلااااااااااااااااااااااااااااااااااااه.. و هو سبال بعد أسأله عن مهره يقولي فووووق بعد اونه ما يدري.. عنلاااااتكم سبلاااااااااااااااااان..
شمه: ههههههههههههههههههههههاي محد قالـــج متشيخطه إنتي.. قومي قومي خلنا نسرح..
عوشه: سيري لاه و الله ما سرحت و خوج السباله هناك يوم بيسير بروح هناك..
وشي يدخـل أبو خالد: السلام عليكن بنيات شحالكن.. " و ابتسم يوم شاف بنت خوه "
عوشه وهي تحب راس عمها: شحالك عمي ربك إلا بخير..
بو خالد: الحمد الله بخير و عافيه..
عوشه: توكم يايين من المزرعه هب مزرعه هذه..
بو خالد: إنتي شعرفج بالمزارع خلج بخربطانج.. " و عوشه تضحك ".. شموه وينها أمج..
شمه: أقرب الوالد العشا أميه هناكي..
بو خالد: زين عيل أنا بسرح الغرفه و عقبها بي بتعشى.. و سار عنهن بو خالد و سارت عوشه و شمه فوق بحكم إنه عوشه ما تبا تقعد ويا سلطان من بعد القفطه.. و عقبها ياتهن خوله و قالت لهن أين يتعشن و أقنعت عوشه بإنها تي لأنه سلطان تعشى وسار غرفته.. و سارن البنات يتعشـن و عقبها قعدن في الصالة..
بو خالد يلاعب سارة الدلوعه: أم خالد عبيد وينه عيل..
أم خالد: سرح هو و مهره يتعشون برا و يتشون..
شمه: هناهم والله يوم قلت لهم يودونيييييه باغم عليه عبيد عنلاته من صبي..
حصة: بو رزيز تبا ترز عمرها بين ريال و حرمته مالج شغل..
شمه: و الله يوم بقولج إنتي و ريلج ذيج الساعة تعالي رمسي عنبوها من دنيا..
حصة: بو رزيــــــــــــز " تبا تقهرها "..
شمه: عوشوه يودي ختج لا أترفس فيها..
أم خالد تطالع شمه بنظره: عييييييييييب احترمي حرمه خوووج ودي بالستر.. و إنه نازل عليهم سلطان وهو لابس كندوره بيــضه و كـــاب أبيـــض و الحبيب متحلق و ظاهر فـــن..
أم خالد: هاه حبيبي بتروح..
سلطان: هيه أمايه.. ما يد يحتريــني برع.. عوشه من شافته لفت بويهها صوب عمه أونه ترمس..
سلطان انتبه لها بس لبسها: تبين شي..
أم خالد: لا حبيبي بس هاه لا تتأخر و يوم بتي سكر الدروازه..
سلطان: إن شاء الله في أوامر ثانيه..
أم خالد: سير الله يرضى عليــك و أحصل لك حرمه سنعه أيوزها لــك..
سلطان رفع عينه فوق و ابتسم: ما با أمايه أحينه بتفتحين الموضوع إلي كل يوم ينفتح..
أم خالد تطالع خوله: بنحصل لك حرمه سنعه " و تناكف بخوله " و على طول توافق ما تحير حيها..
خوله أفتر ت صوب حصة و قعدن يرمسن و حصة تضحك على عمتها يوم أنها تنقم خوله بالرمسه..
سلطان ما فهم: خلاص أمايه الموضوع سكريه إلين عقب و بروحي بفتحه.. بس أحينه أنا بسير فداع الله .. و و بالغلط طاحت عينه على عوشه إلي قعدت تطالع وهو يرمس حست به يدلع شوي ويا أمه و يوم اطالعها رفعت حايب و اطالعت صوب حصة.. ظهر سلطان و سار ويا مايد يتمشون و عقبها بيلتقون ويا الشباب..
::
::
أحمد يسوق و أبوه قاعد حذاله أما منصور فكان قاعد ورا بس فـ نص السيت و يرمس وياهم..
أحمد: هيه و الله الوالد ما كنت أتوقع هي جيه بس ياها نصبها شو اسوي..
بو أحمد بنقمه: لو انت طايع شوريه جان احينه ما خذنها و ساتر عليها..
منصور: خلاص عمي الفات راح و نحن عيال اليوم و خلنا نعيش حياتنا و أحمد الله ما كتب له هند إن شاء الله بحصل إلي تناسبه و احسن عن هند..
بو أحمد: و الله بنت خويه ما في منها و ما كنت أباها تظهر برع العايله بس يا الله الله يهنيها..
أحمد تنهد: آآآآآآآآآآآآآآآآآآآآآه " ليتني سمعت كلامك يا بوي بس احينه ما ينفع الله يهنيج يا هند "..
منصور يطالع جهه اليسار من الشارع: أحمد وقــف حــــادث..
أحمد: وينه " و اطالع " هيه و الله حادث..
منصور يفتن عليه: زين انت وقف.. " أحمد وقف السيارة و نزل منصور منها و سار صوب الحادث " و قعد يطالع هب عارف شي يتلفت يمين ويسار علام شسالفه؟؟.. وشوي شاف الشباب يظهرون الريال من السياره وويه كله دم و سار لهم يساعدهم بس في وسطه هذا الدم فتح عينه الريال و اطالع منصور و منصور اطالعه مستغرب منه بلاه يطالعه و منصور متقطع قلبه و قال واحد من الشباب إنه بوديه المستشفى و سار اييب سيارته صوبه و انتبه منصور إنه الريال يمسك بطرف كندورته و يشدها صوبه..
منصور وهو خايف و ينزل له : هلا خوي ما فيك إلا العافيـه..
: منصوووور الله ...... يخليــــــك..
منصور فتح عنيــه " يعرفنيــه"
: منصوور................ مه....... مهره..
منصور يود أيده لنه كان يمد أيده صوب منصور: هاه بغيت شي..
عبيد وويه ما يبين من كثر الدم و حرج على منصور و بصوت عالي: منصووووور مهره معايه شوفها ويــن..
منصور ميز صوته بس من الصدمه هب مستوعبنه: ويـــنها..
عبيد يفتح و يمغمض عينه ببطئ: الله يخليـــك يا منصوور دور على مهره شوفها ويــن..
هنيه منصور ميز الصوت من بعد ما حاول إنه يفكر: عبييييييييييد بلاااااك " و يطالع شكله وهو صج احينه انفجع ما كان يتوقع إنه حد يعرفه في يوم من الأيام يستويبه حادث شرات هذا " بلاااااك خبرني و مهره وينها عـــنــــــك.. أما عبيد سار في عالــــــــــــــــــم و قعد منصور يهزه و يهزه ة انمزرن عينه دموع و تذكر عبيد و آخر كلمه قالها و يا راعي السيارة يقول له إنه بياخذ عبيد لأنه الأسعاف بتتأخر و شاله و دخله السيارة و قام منصور يدور على مهره و سار الجهه الثاني صوب السيارة و شافها عند الحرمات و وقف هو عندها و كانت مغشايه و يطالع يمين و يساره و جنه إلي طايحه و غشيانه تصير لــه و وقف إلين ما يات الأسعاف و حرج منصور وايد عليهم خاف إنه يشيل مهره وياه المستشفى ما يدري ليـش و ركبوها الأسعاف و سار هو صوب أحمد و أبوه..
أحمد يطالعه وهو كله دم فالخ الحبيب: بلاااااااااااااك لييييش جيييه؟؟ " الحبيب متروع "
منصور فصخ عقاله و عطاه حق أحمد و تعصم ع السريع: عبيد مسوي حادث ويا حرمته..
أحمد فتح باب السياره: شووووووه تونا شفنااااه جيف سوا حاااادث..
منصور: مادري مااااادري..
بو أحمد: بلاكم تباغموووون خبروني..
أحمد يطالع بوه: أبويه انت رد البيت و نحن بنخبرك عقب..
أحمد: و الله ما تحرك إلا إلين ما تخبروني..
منصور: عمي واحد من الربع مسوي حادث هو و حرمته..
بو خالد: لا لا و أنا راعي السمحه وينه هو احينه..
منصور: و داه واحد من الشباب المستشفى..
بو خالد: قومو يا الله هبابنا نسرح صوبه..
أحمد يرضف سفرته: لا الوالد انت خلك هنيه و أنا و منصور بنسرح صوبه..
بو أحمد: و القوووم الريال محتاينا و..
أحمد يقطع عليه رمسته: الوالد أمايه اذتني كل شوي متصله انت روح و أنا بطمنك عليه لا تخاف..