ديوان الشاعره النادره

النادره في صفاتي

صديقيتي مانيب انا الف وادور
كلي وضوح بين فكري وذاتي

وأصل الوفاء فيني ترى حيل مبذور
اوفي لغيري مانتظرت لجزاتي

ما العب على الحبلين في طيش وغرور
وطبع الخيانه ماتعرفه سماتي !

ومابحث عن الاضواء في شعر منشور
أنا احمدالله شامخه لي غناتي

اكتب من الابيات واغوص في بحور
واعد شعري ماسح لعبراتي

ولاحارت دموع وغدا القلب مكسور
الجاء لربي وابتهل في صلاتي

وماهين راسي في تفاهات وامور
فيني شموخ وتاج راسي عباتي!

وماعزني جاه ولاعيش في قصور
عزيت نفسي لين تأتي وفاتي !

كانك جهلتي .. جهلك اليوم معذور
انا تراي النادره في صفاتي !!