سطى بها الحب

<>{ سطى بها الحب }<>
ضاق الصدر من شيء كالمستحيل
و مثلي يمسح دمعه بطرف كمه

شافتني وقالت عن الثلاث لا تميل
خوذ لك نفس طويل و قوي الهمه

آه لما قالت خوذ لك نفس طويل
قلت النفس بعيد كيف أنا اشمه

ادواي ما هوب في الهند ولا النيل
مريض الحب مايداويه كبير العمه

ادواي بين العصر و العشاء دخيل
لو شافها عابد ضيع ولاعرف الْيِمَّه

ما للهوى طبيب يعرف دواء العليل
وراعي العلم في الهوى ضيع علمه

حلا حالي يتمنى اكون له الحليل
ياليت خالي خاله او إن عمي عمه

ياملأ احس الصدر من دونه عليل
ودواء الصدر من يضمه من يلمه

على جلسة وناسه و فرشة شليل
حب صادق ومخلص يحس بعلمه

الا يا قلبي احذر لا لا تضيع الدليل
الدين أساس الحياة وكل وسلمه

ياليت للظروف الصعبة حل وبديل
أراها دايم تضيع على الحليم حلمه

ما لوم الرجال اللي دمعها يسيل
لمن سـطى بها الحب أسـباب كلمه

ودها تفعـل وفعلها ماهـوب قليل
أنفس تشـتاق لفعل عنتر ويَّا فلمه

أدري يا زين ودك تكون لي حليل
لمن تذكرت البعد قلبي زاد كلمه

قل لا جزاء الله ظروف مالها بديل
غصب تضيع على الحـليم حلمه
الشاعر/ حمد بن فهد المخالدة السبيعي