ضيقة عصير

مرحبا يا ضيقة عصير والليل الطويل
اقلطي في صدري اللي من الضيق امتلا

جيتك ماهي غريبه وصدك مستحيل
كن إلك عندي محبه وتقديير وغلا

يا وجودي والله ان مابقى فالحال حيل
والليالي كنها اخذتن جروحي حلا

منجم راسي وتايه وانا عقلي دليل
والسعادة كل لحضه تسمعني جلا

المحبه لا اصبحت فالشجاع امسى ذليل
والهوى بلوه يجنن شعور المبتلا
يا نحيل الخصر انا اللي غدا حالي نحيل
من بعد حبك تقول ان صايبني بلا

هاجر مخدتي لا مبيت ولا مقيل
والبلا من بعد بدلت لبيه ب هلا

العتب صكه وخله مثل باب البخيل
ودك إن الصدر ما يدخله غير إنزلا

والله ان مالك بعيني شبيه ولا مثيل
كل وصف فيك ما فيه مثله فالملا

والله ان مالك بقلبي خشير ولا عديل
مير وش ذنبي تعرضني فجوج الخلا

لا ذكرتك قلت من علمه درب الرحيل
واذكر انك عندك إل عاشقك عشق إولا

ليت عاد طيوفك تمرني ليل وليل
المصيبه كل لحضه وتاليها اولا
لو تصير الدايره يا غرامي مستطيل
والله إل يبلا حبيبك وحبك ما بلا

واصل جروحك مادام انك بوصلك بخيل
من جرووحك جعلني ما اعدم ولا اخلا