عندي يقين

الله يسامح صدتكك والمقادير
اوجعتني في دق صدك وجله
اجفلت عني مثل ما يجفل الطير
متغيرن طبعك كذا دون ادله
اشحن تفاكيرن واصدر تفاكير
وزود التشحن فيه ضيمن وعله
ماني على خطو الضعوف المعاثير
يغينني الله من رجاوي المذله
جاوني مساييرن وراحوا مسايير
ومن ضمنهم مسيارك الله لا يدله
عندي من الحكمه صفوف وطوابير
من لا يودك في اغلب الشي خله .
وعندي تجارب من حياة المناعير
اللاش جنب عن. مكانه وظله


وعندي يقين ان الليالي تدابير
وان الجبل ماهو مغير محله
وانا جبل شامخ يضد الاعاصير
لا ازل في غيري ولا ارضى بزله
.
لا عاد تسمع في مقفى الاكابير
يا بايع العشره لك الرخص كله
معاد ودي استبيح التعابير
خلاص من تلميع صورة مجله
امن القناعه والصبر والتصاوير
صارت حياتي عوج قوس الاهله
طبيعة الصنيان تقطع مشاوير
يكبر عن اللي حقد صدره يغله.