اتلذذ في جروحه

يوم صـد اليـوم جيتـوا تشمتـون
تحسبون انه جفـاء حبـي ونسـاه

اتركوني فـي جنونـي وش تبـون
وش يدخلكم في قلبي وفـي هـواه

لو طعني لو جرحني هـو يمـون
واتلذذ فـي جروحـه مـن غـلاه

والله ان الحب معمي لـي العيـون
في بحر حبه وصلت اخـر مـداه

لجل عينـه كـل هالعالـم يهـون
وازعل العالم لجل اكسـب رضـاه

مايهم لو فـي رضاهـا تزعلـون
كل همي كيف بـس ابقـى معـاه

اعشقه ايه اعشقـه حـد الجنـون
لا ...واعشق ارض في رجله وطاه

انا من دونه بعينـي وش اكـون ؟؟
جسم حي وميـت اللـي بمحتـواه

اي زعل لكن اعرف انـه حنـون
والدليل (( لا ماحرمني من لقاه ))

صـح اذا لاقايتهـا يعـم السكـون
لكن اعرف مـن سكونـه مبتغـاه

ايـه يعشقنـي ولا فيهـا ظـنـون
مثل ماربـي عطانـي قـد عطـاه

وهيه ياللي في صـدوده تشمتـون
مانسـاء الغالـي حبيبـه مانسـاه

ارحلوا وش عاد باقـي تنطـرون
مايأثـر ماحكيتـوا فــي غــلاه



نايف الشمري