 |
 |
 |
 |
|
 |
||||||||
 |
 |
| …»●[الرويات والقصص المنقوله]●«… { .. حكاية تخطها أناملنا وتشويق مستمر .. } |
|
|
أدوات الموضوع | انواع عرض الموضوع |
|
|
|
|
|
|
|
|
|
||||||||
|
|
|
| …»●[الرويات والقصص المنقوله]●«… { .. حكاية تخطها أناملنا وتشويق مستمر .. } |
|
|
أدوات الموضوع | انواع عرض الموضوع |
|
#1
08-12-2018
|
||||||||||||||||||||||||||||||||
|
||||||||||||||||||||||||||||||||
ما تخيلتك حبيبي الجزء الخامس عشر
وفي المطار بوسلطان يودع اولدها ويوصيه على نفسه
سلطان : يبه سلم لي على سارة بوسلطان : أن شاء الله و أنت اهتم في نفسك و أول ما توصل اتصل فينا النداء الأخير لرحلته سلطان ضم أبوه بكل قوته ودعها وحس أن و لده ما هو براجع البلاد مره ثانيه # # # # # طلال عينه مره على عمر كيف يضحك وعينه على شهد بغضب .. وشهد تبلع ريقها من نظرة طلال شهد بخوف : أنا بروح مع عمر طلال يستهزء: والله صحيح عمر شف شلون طلال يكلم شهد وعرف انه واصل حده منها ويمكن في أي لحظه يفتك فيها من الغضب عمر يبتسم : لا لازم تروحين معه ما هي حلوه في حقه شهد وهي تطالع عمر بغضب: طيب طلال : أنت اسبقنا وحنا وراك عمر : على بيت اخوي بوماجد استناكم.. باي من طلع عمر... شهد وقف قلبها لانه طلال قرب منها ومسك كتفها وضغط بكل قوه لدرجة اصابعه علمت عليها وهي لابسه أكمام قصيره وهو يرص على أسنانه من الغضب : وش قلتي لعمر؟ شهد بثقة: ماني بزر علشان أقول شئ يخصنا طلال بحده : اذ تكلمتي عن حياتي معك بترجع على رأسك فاهمة شهد بنرفزه : فك أيدي و تأخرنا على أبوي طلال بنظره حاده : صوتك ما يعلى علي و احترميني لا أطين عيشتك سمعتي شهد تألم : سمعت خلص فك أيدي طلال فكها وطلع وهي وراه # # # # # # # سعود يلعب أسيل بعد مارجع من الصلاة سعود : شهد مع زوجها بيجون هنا على العشاء هدى تبتسم : ايه فرح : والله انه قمر وهي على الكوشة سعود : بس لمحت شئ في شهد؟! هدى بستغراب : مثل وشو؟ سعود : متجاهلته وما تبتسم له ومن اطراف عينها تناظره فرح : وأنا شفتها عادي وهي تحمر وتخضر من نظرات طلال هدى :يمكن مستحيه من طلال سعود: اظن لما الحين ما هي متقبله طلال هدى بنفسها : كأنك حاسس ياخوي # # # # # # # # # مازن يراجع المادة ألي عليه في الاختبار يوم السبت طلال دخل المجلس مع عمر وشهد دخلت الصالة وشافت مازن يراجع شهد تصرخ : لالالالا مازن يمسك كتاب ومن غير مراقب مازن: هههههه أخوك مجبر ماهو ببطل وقف ويبارك لها وجاء ت أم ماجد وأم طلال على صوت شهد ومن شافوها على طول غطرفوا كلللللللويش كلللللللويش وباروكوا لها مازن يبتسم : شهودي اللوك الجديد حقك يجنن وللون هذا أحلا من الأول شهد :هههههه شكرا أخي العزيز بخاطري أقص شعري لكن أمي ما رضت و بدخلت أبوها و عمانها وطلال وماجد طلال : كان قصيت رقبتك شهد :بسم الله جني أنت وسلمت على أبوها وعمها طلال يتريق : من زمان شهد جلست بين مازن و أبوها طلال رفع حاجب : ليه ما جلستي جنبي شهد تبتسم : طفشت منك من أمس امقابلتك وما خلصت كلامها إلا بعلبة المنديل على رأسها من طلال الكل:ههههههههههههه و بترمي عليه العلبة أبوها مسك يدها بوماجد يبتسم : الحرمه العاقلة ما ترفع يدها على زوجها !! طلال فرح بكلام عمه وهو يحرك حواجبه طلال :هههههه صح عمي صح ( من ألي سوته فيني ماهي حرمه لبوه) مازن:هههههههه كل هذا حماس شهد معصبة ما تبي تردد أبوها : أن شاء الله بوطلال بحده : طلال طلال : سم يبه بوطلال : شفت شهد طلال يطالع شهد ويرد يكلام أبوها : أيه وشفيها؟ بوطلال : تحطها في عينك وان سمعت زعلاته ياويلك مني شهد تبتسم وتحرك حواجبها له : ههههههه ايه صح عمي صح طلال منقهر : أن شاء يبه ماجد :هههههههه انتو متى بتكبرون عمر :هههههه الله يعينك ياخوي على الإزعاج طلال وشهد مع بعض : وأنت وش يخصك مازن :ههههههههي اقلبوا عليك شهد تبتسم : مازن بعد صلاة العصر تعال ارجع معك شوي مازن ما صدق ضمها ونزل فيها تبوس وشهد تضحك :ههههههههي مزون يا دب فكني الكل يضحك من حركة مازن بوماجد : أنت متى بتعقل مازن :ههههههي أختي يا ناس احبها طلال وقف بغيرة : مزون فك زوجتي وقام من جنبها شهد متمسكه في مازن : لا اقعد مكانك طلال و بإصرار : قم ولا ما يحصل لك طيب ماجد :هههههه قام لا يفترسك مازن وهو يقوم من جنبها : علشان عريس جديد بس بوطلال : لازم تتحسد قال لك قم قم مازن : يعني ما حلت إلى الحين ماجد يبتسم: زوجته وهو حر فيها طلال بغيره وهمس :مزون يبوسك تضحكين وأنت سويتي حرب علي شهد انحرجت وجهه صار قوس قزح من كلام طلال وما قدرت ترد عليها مازن بلقافة : وش قلت لها حتى صارت طماطم طلال يبتسم : بلا لقافه هناك يللا أم ماجد : الغداء جاهز تفضلوا # # # # # # # # # # # نوال تبكي : يمه طلال خلاص راح من يدي أم نوال : في ألف احسن منه يتمنوكي نوال : لا أنا أبى طلال أم نوال : هو تزوج خلص ايش راح تسوين نوال تمسح دموعها : مستحيل اخلي شهود تستانس مع طلال أم نوال : نوال اعقلي ما فينا على المشاكل نوال بعناد : لا لا طلال لي أنا لي # # # # # # # # # # مروان : اتصلت على طلال وباركت له بدر : ما يرد على جواله مروان : يمكن بعدهم نامين بدر : يمكن اتصل بعدين # # # # # # # # # شهد جلست بين أبوها وعمر طلال : هي أنتي وين هناك تعالي جنبي شهد بعناد: لا بجلس مكاني طلال بأسلوب يستفز : هذا أول الحين مكانك جنبي شهد بغضب : أعناك لك هذا مكاني وهم يطالعونهم عمر يبتسم : خلاص تعال مكاني طلال معاند : لا هي تيجي جنبي شهد جلست لا عبرتها : وأنا ماهو متحركه من مكاني أم طلال : طلال خلاص كله مكان واحد بوماجد ما أعجبه عناد بنته : شهد قومي جنب زوجك شهد بترد يبه.. أبوها بحده : قومي قامت وهي معصبة :طيب يا طلول .. وجلست جنبه ومازن جنبها وتكلم معه ومطنشه طلال وهو يكلمها وما ترد عليه شهد كانت تأكل بسرعة والكل يطالعها بوطلال يبتسم : شهد شوي شوي الأكل ما بيطير شهد بخجل : اسفه .. ولدك البخيل ما جاب لي عشاء أو فطور ولا حتى موية .. وطلال غص بأكله الكل:هههههههههه بوماجد :هههههه صدق طلال الكلام طلال يشرب الماي و بنظرات غضب : هي ما قالت لي أم طلال باستغراب : حسبي الله على ابليسك من ولد أم ماجد :هههههه من حلا العروس نسى الأكل شهد تبتسم وبخبث : أنا عروس أقول لك جيب عشاء استحي طلال رافع حاجب وبهمس: جاءت على العشاء استحي ما كأنك مسويه مصايب فيني شهد بملامح بريئة و بدلع: أنا حرام عليك طلال يطالعها بنظرات حب وقلبها يدق بسرعة : شهود أتعدلي معي والله لا أتهور عليك و أخليك تستحين عدل شهد وجهها احمر : سخيف # # # # # # # # # # وانتقلوا بعد الغداء الصالة بوطلال : عمر وش رأيك في نوال شهد بحده :ليه تسال عمر عنها بوماجد بحده : أنتي لا تدخلين عمر رد على كلام أخوك عمر بتأفف: أنا ما عرفها علشان أرد شهد على أعصابها تبي تعرف نهاية الكلام بوطلال : حنا بنخطبها لك شهد بغضب : لا عمر ما يأخذها انتو ليه تحبون التعاسة له بوطلال: شهد ثمني كلامك هذا أخونا شهد بغضب اكثر : و تعرفون انها ما تناسبه بوطلال بحده : بنت أدب و أخلاق ليه ما تناسبه شهد بنرفزه: كمل ياعمي و غرور و تكبر إذ هي كذا ليه ما أخذتها لطلال أو بدر وزوجتك تعرف غرورها وتكبرها .. ومن خلصت كلامها جاها كف من أبوها بوماجد : الظاهر ما عرفت أربيك إذا صاحب الشان ما تكلم أنتي ليه تتكلمين شهد تلمس خدها: ليه علشان قلت الحق وأنكم متسلطين عليه ما توقعوا ألي سواه بوماجد في شهد عمر بيأس : ألي تبون سوه شهد بحده : لا يا عمر ليه تخليهم يتحكمون فيك ما هو كافي حرموك حلمك مها بوماجد مسك يدها : من متى تعرفين الموضوع شهد وهي تبعد يد أبوها عنها : أنا المرسال بينهم بوطلال و بوماجد : وش؟ الكل يطالع فيهم من هي مها شهد وبحده : عمر محتاج وحده تحبه تحن عليه ما هي وحده مغروره انتو حرمتوه مها لا تتعسونه بنوال و تنصحون فيها ماهوب تفرضونها عليه طلال بحده : عمر تكلم لا تظل ساكت كذا عمر بحزن: و اذ تكلمت يسمعون لي بوطلال و بوماجد حسوا انهم تدخلوا كثير في حياته بوطلال وبحده : عمر اسمع قدامك شهرين تخطب وتملك وأذا خلص الشهرين ما تحرك بتتزوج نوال غصب عنك وعن ألي ما يرضى وهو يناظر شهد عمر متوتر: بس أنا ما اعرف أحد بوماجد : الحريم يساعدونك شهد من الفرحه ما انتبهت أن عمر غير مكانه و طلال وقف مكان عمر نطت على طلال وهي مغمضه عينها و تطيح معه على الكنب بتبوسه فيه وطلال سكت بوماجد يصرخ عليها : وجع يا شهود استحي وقومي شهد :هههههه عمي وببوسه فيها شئ؟ ماجد و بتريقه : إذا كان عمك شهد طالعت الوجه وطلال يبتسم و يحرك حواجبه شهد صرخت وقامت عنه وقفت ورى عمر وهي تضرب فيه والوجه احمر : ليه تتحرك من مكانك عمر: ههههههه أي .. و أنتي عمياء ما تفرقين بيننا وضحكوا على شكل شهد # # # # # # # # # # سارة تآكل ايسكريم وتفكر في سلطان كيف يا سلطان قدرت تبعد عنى علشان شهد وأنا ما فكرت فيني وكيف أعيش بدونك اتصل في شهد وهي تبكي # # # # # # # # # # بعد ما راجعت شهد مع مازن طلعت بعد المغرب مع طلال إلى بيت خالها وهم في السيارة طلال بحزم : قولي من هي مها شهد تطالع الشارع : ماهوبمهم تعرف طلال عصب عليها مسك يدها : لما أقول أمر تنفذينه شهد : أي .. إذ صاحبه ما قال لك تب... قاطعها طلال : وأنا أبي اعرف تكلمي شهد : وتوعدني ما تقول لعمر انك تعرف طلال : طيب تكلمي شهد:هي بنت...............الخ ورن جواله.... سارة تتصل بك شهد :هلا سارة ليه تبكين خوفتني عليك تكلمي سارة تبكي : سلطان سافر وخلاني شهد ونست وجود طلال: وش سلطان سافر ليه طلال يسمع وش تقول سارة : من بعد ما رفضته و تملكتي وهو متغير شهد : أنا احب سلطان مثل اخوي شلون أتزوجه طلال يسمع شهد وبغضب سحب الجوال من ايدها وقفله شهد بغضب :ليه تسحبه من يدي طلال : أنت ما تستحي تتكلمين عن رجال قدامي شهد : وأنا ما تكلمت عن غريب طلال : لا سلطان ما هو غريب عنك شهد: سلطان اقرب لي من نفسي طلال وقف السيارة على جنب وسحبها من يدها وبغضب: عيدي ألي قالته شهد بخوف وهي تتألم من طلال : أعيد وشو؟ طلال بحقد: كلامك عن الزفت سلطان شهد : ما اسمح لك تغلط عليه طلال فقد اعصابه وضربها كف ومن قوة الكف نزل دم من انفها شهد وبغضب وهي تمسح الدم: أنت حقير طلقني مابي أعيش معك طلال بغضب: ما هو بكيفك و طلاق ماني امطلق غصب عنك بتعيشين معي.. وحرك السيارة شهد وهي تصرخ عليه : وقف السيارة و تخسى اعيش مع نذل مثلك طلال بسخرية : اجل بتعيشين عند سلطان شهد بقهر : سلطان عمك يانذل طلال مارد عليه ورجع الفندق وهو في قمة غضبه وشهد تبكي وتمسح الدم طلال بصوت عالي : يللا نزالي وصلنا شهد بصرخ وتبكي : ماهو بنازله معك رجعني عند أمي طلال بحده : لا تصرخين حنا في الشارع .. ونزل ورقع الباب بقوة وراح جهة شهد ونزلها بقوة ودخلها الفندق وادخلوا جناحهم ودفها على الكنب وجلس جنبها وبغضب مسكها من كتفها : ومن هو عمي ونذل شهد تبكي : فكني ما أبى أرد عليك طلال فكها : عارفه انك غلطانه شهد بغضب: غلطتي أني رضيت أخذ واحد مثلك وأذ رفعت يدك علي راح يكون آخر يوم لي في بيتك ودخلت الغرفة و أقفلت الباب طلال من القهر جلس مكانه ما عرف ليه عصب # # # # # # # ## الحدث بعد شهرين أو اكثر طلال وشهد عايشين كأنهم أخوان وطلال اجبر شهد تترك عملها وتتفرق له ومازال بينهم حرق الاعصاب بدر خلص الجامعة و قريب يرجع ماجد تخرج ويشتغل مع أبوه و عمناه في الشركة مازن نجح و رفض يدرس مع مروان في بريطانيا ودخل هندسة سعود و فرح في الشهر السابع ومع بناته مرتاح هدى ما راح تسوي العملية لانه قلبها ما يتحمل العملية والسبب كبر سنها وتأخرها في عملها والنسبة صارت 3% عمر خطب فرح وملك عليها بعد ما طلعت شهد عيونه ويبي يعرف من هي والحين يأثثون الفللا والزواج ما تحدد شهد قالت له عن مها ..وفرح انبسطت من صراحته معها وسلطان استقر في فرنسا و يكلم سارة كل أسبوع يطمن عليه ويسال عن شهد و ما ترد تسكت وهذا السكوت يعذب سلطان ونوال و امها دايما في بيت بوطلال و الشايب ناوي نية قشره على بدر وماجد .... 
 
|
| مواقع النشر (المفضلة) |
| الكلمات الدلالية (Tags) |
| لا, الخامس, الجسم, تخيلتك, حبيبي, عشر |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| الديوان المكتوب للشاعر" ناصر الفراعنه" | عـــودالليل | …»●[دواويــن الشعــراء والشاعرات المقرؤهـ المسموعهــ]●«… | 39 | 07-13-2011 09:31 PM |
| الديوان المكتوب للشاعر / محمد بن فطيس المري "المقروءهـ" المكتوبه | نادر الوجود | …»●[دواويــن الشعــراء والشاعرات المقرؤهـ المسموعهــ]●«… | 23 | 07-03-2011 11:22 PM |
| ااسماء الله الحسنى | ضحكة خجوله | …»●[ أرواح أيمـــانيـــه ]●«… | 8 | 01-22-2009 08:13 PM |
| موسوعه قصايد ليل المعلوماتيه ...؟ | البرق النجدي | …»●[لكل داء دواء ولبــدنكـ عليكـ حق]●«… | 12 | 01-12-2009 08:18 PM |
| ديوان الشاعر / محمد بن جار الله السهلي "المقروءهـ" المكتوبه | نادر الوجود | …»●[دواويــن الشعــراء والشاعرات المقرؤهـ المسموعهــ]●«… | 0 | 12-18-2008 01:40 AM |
 |
العرض الشجري