نصف أرضَ الله حنا حاكميها ..!للمبدع ماجد عبدالرحمن ..

ذي قصيدة لصديق الخواطر ماجد عبدالرحمن


صحيح فرحت بفوز الهلال

وعلى طول بعد الفوز أرسلت له مبروكـ الفوز

رد برد مبروك الفوز

أعجبتني الروح العالية


خليها على الله وذا اللعب فوز وخسارة ,,


لكن أثر فيني كثير من أخواني من جماهير الزعيمـ

لكن أعجبني رد خيو ماجد !!!


بأبياته وربي بدع فيبها


وهجد مشاعر الكثير من جماهير الزعيمـ ...!!






لكمـ النــــــص وابداعه يقول انه على عجل ,,,


نحنُ لا ننكرُ الهزيمة َ إذا هُزمنا ..

لكنّ غيرنا يُنكرُ فوزنا إنْ فزنا ..

.. [ عجبي ] ..!






مـا أكابـر - لا - خسرنـا هالبطولـة
والنمـور ادَّت جميـع اللـي عليـهـا
:
:
وان خسرنا ..؟ هلالنا من هو يطوله ..؟
عـزة الخمسيـن ؛ وحـده يرتديـهـا
:
:
ذا زعيـم القـرن قومـوا صفقـوا لـه
تحتويـه كْـؤوس ؛ وهـوّه يحتويهـا
:
:
قلتهـا ؛ وارجـع أكـرّر هالمقـولـة :
قانعين وْغيرنـا قـد حـاس فيهـا ..!
:
:
كنه اللـي لا خسـر : يرمـي حمولـة
زايـدة للـي مـن اعـوام ٍ ظِميـهـا
:
:
وقّفـوا سامـي ؛ ورادوي اقعـدوا لـه
والقـرارات الغريبـة وش يليـهـا ..؟
:
:
لو نبـي التتويـج ؛ والخالـق نطولـه
غصـب ناخذهـا امـام منظّميهـا ..!
:
:
إي خسرنا ..! " والتشمّت " هَزّ طولـه
والشماتة نعـرف اللـي مهتويهـا ..!
:
:
اتهمتوا المـوج : مـا عنـده رجولـة
والبـطـولات الكثـيـرة مشتـريـهـا
:
:
اللـعـب والله نعلـمـكـم أصـولــه
والزعـامـة وحـدنـا متزعّمـيـهـا
:
:
نصـف أرضَ الله مالـت مـن ميولـه
نصـف أرض الله حنـا حاكميـهـا ..!
:
:
والذهب من غيرنا يكتـب فصولـه ..؟
مسلسـلات الفـوز حـنـا ممثليـهـا
:
:
ولـو يكـون الحـظ جالـب للبطولـة
يشهـد الله هالبطولـة مـا نبيهـا ..!









كانت على عُجالةٍ
فـ اعذروني كثيراً ..!


.. ماجد عبد الرحمن ..