إلى هنا و كفاية

بسم الله الرحمن الرحيم يسعدلي مسائكم يارب قبل سنة طرح موضوع في إذاعة الصباح أف ام عنوانه لماذا البنت تحط مكياج وتنزل للأسواق اوالمولات طبعا انا كنت ذاهب للدوام وصدمني الموضوع بكل معاني الكلمة المذيع يقول المفروض ماتحط مكياج كامل وتنزل السوق المذيعه تقول المفروض ماتضع مكياج اصلا وبعض المتصلين اللي يقول هذي حرية شخصية ولي يقول المفروض ماتحط مكياج طبعا أنا ماقدرت اتحمل هذاالكلام واتصلت على هذي الإذاعةلين طلعت على الهواء بديت كلامي صباح الخير على الجميع حبيت اشارك معاكم في موضوعكم بخصوص المكياج قالي المذيع تفضل: أنتم تناقشون وضع البنت للمكياج ونزولها للسوق فين راح حجاب البنت؟ يعني خلاص ماعاد فيه دين ولاإسلام ولاحجاب ولاستر ووصلنا لهذي المرحلة أن البنت تخلع حجابهاوتنزل متزينه للسوق. أنا نفسي آسأل الآب والأم مايقولون لبناتهم هذا الشي حرام ومايجوز وين أهلهم وين أخوانهم عنهم ليش أحنا وصلنا لهذي المرحلة من الأنحطاط الأخلاقي طبعآ في عادة المذيع والمذيعة يناقشون المتصل اويعلقون على رده ماحصلت منهم اي تعليق او رد غير شكرآ على اتصالك. أنا طرحت الموضوع وكتبت هذاالكلام كله عشان أبغى أعرف شي واحد ليش بعض البنات يلعبون ويغيرون فكرة الحجاب سواء كان بكشف الوجهه او شراء عباءةمطرزه او مخصره اوعباءةملونه طالما انتم من داخلكم مقتنعين بالحجاب ليش تشوهونه بهذي الأشياء؟! لكل أب او أم او أخ لهذي الدرجة ماتت الغيره في قلوبكم تشوف أختك او ابنتك او زوجتك بهذي العبايات ولاتنصحها وتجبرها على تغييرها ربنا وضع لكل شخص منا عقل يفكر فيه لاتجعلون قناعات الآخرين تخرب جمالكم في الحجاب تحت مسمى الكشخه والموضه وهذي عباءه للمناسبات وهذي لدوام وهذي لسوق. ياناس ياعالم الحجاب والستر واحد في كل مكان. آسف على الأطالة وربما كلماتي تخاطب العقول أكثر