#عود الليل
هليت يا شوق كلك ذوق تلقى في الحشى بستان
ربيع من .. المشاعر فيه .. لك .. تقدير و اجلالي
ترى درب الهوى لاهل الهوى حاجه تسير ادمان
وهروين الهوى .. فيني مسوي .. طيش و هبالي
#اطلال
هلابك الف ي محمد ولك في الاخوه شان
انا روحي .. مع قلبن سكني .. وغير احوالي
تشربك في قليبي حب واصبح للهوى مسكان
وأنا مالي .. على فرقاه .. و لا فرقاه في بالي
#عودالليل
لكن لا تتبع المقفي ترى من يتبعه خسران
ولا تذكر رسوم الحب الاول . للهوى التالي
ولا ترمي .. حبال الود للعالم بلا ميزان
تظن الناس في حفظ الموده كلها امثالي
#اطلال
ابمشي حب واجي له واضمه والغلا نشوان
حبيبي هو .. بعد روحي مناة القلب وامالي
فداه القلب ي محمد من دياره إلى جيزان
هويته فوق طاقاتي .. فداه روحي واموالي
#عودالليل
انا عندي شعور و حس ما ربي عطاه انسان
كنوز الحس فيني عوضت في نقص الاموالي
ووجداني كرم يا اهل المحبه و الكريم امعان
نحرت القلب من شانك و لك في العين فنجالي
#اطلال
اكيد مابه قصور منك وفالك رزة النيشان
اخوي انعم واكرم بك سخي الكف همالي
هويت اللي معي واوفيت بلا بخسن ولانقصان
يكفيني عن العالم .. حبيبي وفي الهوى غالي
#عود الليل
وانا يا كم عرضت الشوق لك و العرض بالمجان
و قلبي لك .. على بابه كتبت .. العرض لا زالي
#اطلال
كريم ولك بياض الوجه وما قصرت ي عويدان
اخوي وبيننا .. طيب.. وتضرب فيك الامثالي