بيرق التوحيد

إلى كل من ينتظر جديد سلطان الشوق هذه قصيده متواضعه في سمو الوطن الحبيب

أتمنى أن تجد الرضاء منكم وآسف على غيابي فالفتره الماضيه




[poem=font="simplified arabic,6,green,bold,normal" bkcolor="transparent" bkimage="" border="double,4," type=2 line=1 align=center use=ex num="0,black"]
خضار الغصن يالون الخضار وبيرق التوحيد=خضار القلب يانبض الحياه وبيرق القمه
تحت سحبك رفعت الراس فوق وشفت تحتي بيد=دريت إني سعودي والسعودي همته همه
دريت إن الفخر ليل الرياض وصبحها والعيد=حكايات البطل عبدالعزيز ومصمكن ضمه
هنا فزّت له أرقاب الرجال وطاله التمجيد=هنا صفت له أبيات القصيد ودلت اليمه
خذاها باليمين وعزوة العوجاء وطبع الجيد=خذاها فارسن طال النجوم وفّرق الغمه
جمع كل القبايل بعد ماكانت شتات وحيد=توالفهم تكاتف للصفوف وحلمن يهمه
توالى عقبه ملوك السعود ويكبر التأييد=ويشق الفجر ليلن طاغين بالظلم ويلمه
ويسود الدين له في كل صوب وديرتن ترديد=سمعت الله وأكبر رددوها كل هالأمه
وسمعت إن الأمن عين السهاد وحكمة التشديد=كتايبنا جنودن حذفوا الخامات والعمه
يموت الشر وأضعاف النفوس وفكرهم والكيد=ويموت اللي رفض يفهم بأن الدار ذي أمه
ياداري ماعليك من الرهاب وزمرة التهديد=فداك اللي حفظ دين السلام ومرخصن دمه
أمانه ياأمان النفس وش غير الأمان يفيد=أمانه ياضمير النفس وش غير الوطن قمه[/poem]

بقلمــــــي