أحسن الله عزاااي منتديات قصايد ليل

ياليالي إشتياقي

أحسن الله عزاي..

في وليف-ن تخلا ..أحسبه حب عمري..




العوض ياخفوقي

دامه أرخص هواي..

كان هذا مراده خل قبره بصدري..




طيفه اللي بعيوني

كالقمر في سماي ..

يمسحه حر دمعي كل ما زار فكري ..




خله اليوم يرحل

دام همه شقاي..

والغلا اللي عطيته يرخصه مثل قدري..




حيل هنت بعيونه

باع ودي ورجاي..

كل مالمت قفى أو تمادى بهجري..





العتب وش يفيد

بقلب ماهو معاي..

كل همه عناد وصد يا طووول صبري..




أحسن الله عزا قلبي

بخلي وعزاي ..

هانت دموعي لجله من محاجرها تجري..




أحلف إني عطيته

روحي وأصدق غلاي..

ولاتمنيت غيره حب هو حب عمري..




مات حبي بعروقه

والعزا في حشاي ..

عقبه الروح تابس بين حسرات صدري ..




وبين شوقي ودمعي

عاذره عن هواي..

بأعتكف في حداد الصمت وأرضى بأمري..




يرحمك يا وداد

مات عقبك هناي..

بأترحم وأسامح كل ماهاج شعري..





العنا اللي لقيته

عقب هجره خطاي

بأعتذر قبل أوادع كان يرضيه عذري.




ياالغلا بحفظ ربي

هذا آخر دعاي..

السعاده دروبك والشقى حظ عمري..








من أرشيف / الغريب