رحــلـة شــقـا

الكبت النفسي للإنسان غالباً تكون الدموع متنفس قهري له .

وكل عسر يقابله يسرين من الله عز وجل

رحـلـة شـقـا

ضاقت علي الأرض يا صاحبي لين=صارت دموعي في عيوني لي أنفاس
ماأدري ورب البيت والله يا حسين=لاني مع الغايب ولاني مع الناس
أمسيت كني منسجن (بين قوسين)=غريب غربة مالها حد وقياس
ياما ضحكت وقلت بكره تبي تزين=وياما وياما كذَّب البحر غطاس
وحيد إلا من طعوني من سنين=غريب إلا من شعوري والاحساس
وحيد أمشي بس ما أدري على وين=من غيهب المجهول الـليل الأدماس
والحزن يحاصرني من العين للعين=والدمع يحداني على جمرة الياس
أمسى الفضا فوقي رماح وسكاكين=والحزن غابه والصبر أصبح الفاس
أحطب غصن وينّبت الحزن غصنين=لين اصبحت أغصان حزني لي لباس
وأصبحت أحس الشوك وسط الشرايين=وأسمع ونين القلب وأقول لا باس
يا علها ياقلب بعد القسا تلين=(وتِخْضِر فِياضاً عقب ماهيب يباس )
وأن جا حصادي مثل من يزرع التين=في حوض ملحٍ ماربح فيه غرَّاس
يا قلب ما يغلب ترى العسر يسرين=اصبر وأنا اوعدك ما احني له الراس
رحلة شقا من عام 7 سبعة و9 تسعين=رسمتها بعد الصبر فوق قرطاس