06-02-2016
|
|
|
إحساس طفله
إحساس طفله
يا بنت وجه الخير بيّن ومعروف
... لو ماتكلم شافت الناس خيره
و الوجه الاقشر ماهو بحاجة اوصوف
... يبان حتى للعيون الضريره
من عاش يتبع خطوة المال ملهوف
... رزقٍ كتبه الله .. مافيه غيره
الخوف لو ينفع .. نفع صاحب الخوف
... اللي على حقه يدينه قصيره
الضعف ماغيّر قدر ناسٍ ضعوف
... عاشت صغيره ويوم ماتت صغيره
كلمة احبك بس من اربع حروف
... وتحكي احاسيس ومشاعر كثيره
الحب أكبر من سهر ليل وطيوف
... ما تفهمه حتى القلوب الكسيره
تدرين أصدق حب يطلع من الجوف
... حب الفقير اللي عشق له فقيره
احلامهم تكبر من ملامس كفوف
... وتكبر من اشواق العشير لعشيره
كنه معاها لو على ضلع مكشوف
... داخل قصر يجمع أمير و أميره
احساسهم صادق بلا كذب و زيوف
... كلن يقول اللي يريّح ضميره
احساس طفله عندها العيد نفنوف
... تظن من تلبسه صارت كبيره
وانا لحالي مجابه صفوف وصفوف
... واليا خسرت اقول فدوه وخيره
أطيح ووقف وابعد الشوف واطوف
... آخذ قليل الزاد و ارحل لديره
اترك كثير الزاد واكسب ماعروف
... ترك الكثير يجملك في مصيره
يمكن يجيه انسان هالك من صدوف
... يلقا من اللي تاركه ما يجــيره
شايف من الدنيا وعايف بشر عوف
... اجناب والا من رجال العشيره
مرت علي اظروف واظروف واظروف
... ما ريحت حتى العيون السهيره
وللحين راسي راس وكتوفي كتوف
... ماغيّرت مني ليالن عسيره
مدام فيني حيل وعيوني تشوف
... والله معيّشني بحاله ستيره
والله لستقبل على بابي ضيوف
... لو ما املك الا دلتين وحصيره
؛
انـــتِــقائي للعَـذب : الشاعر / ثــامـر الشبيـب
|
|
|
المواضيع المتشابهه
العرض الشجري