سـيـــد الــجــرح

يا سيد الجرح علمنـي وش الطـاري
خليتنـي للسنيـن الجـرد تطرقنـي

مابين كف الضياع وخطوة السـاري
ولعة راس الفتيـل وقـام يحرقنـي

يكفيك ليل الغـرام وقلبـي الشـاري
ويكفي غيابك مـن الا يـام سارقنـي

يا اول مسا فات عمري واخر اقداري
على رصيـف انتظـارك لا تعلقنـي

مااطيق بعدك ولا ني للجفا ضـاري
خذني معك روح غربنـي وشرقنـي

حلمٍ يجي بالمنام ويفضـح اسـراري
ما كنـه الا نذيـر المـوت خانقنـي

حتى لو الطيف يسالني عن اخبـاري
لا مد حبل الوصال ولا هو اطلقنـي

حطمت فيني طموح الوقت واصراري
سبقت الا وهام والا وهـام تسبقنـي

حاولت اساير نزيف الجـرح واداري
حسبي على الجرح نطقتـه ونطقنـي

مليت اصبر سكوتي واسال اعـذاري
واقول باكر رمـاد الجـرح يعتقنـي

عزفت لحن الحزن كله على اوتاري
والمشكله لا نسيتـك جيـت تلحقنـي

ما عاد يمدي صباح الخير يااشعـاري
الموج عالي واخاف اليم يغـر قنـي

الله وكيلـك تعبـت وتـاه مشـواري
ياترحم الحـال والا انـك تفارقنـي

,,,,,,,,,,,,,,,,,,,,,,,,,,,,,,,,,,,,,,,,

الــشـــاعــــر/سعد المطلق