برد الجفا ما يرحم ضلوع مغليـك

[align=center][tabletext="width:90%;background-color:coral;border:5px inset darkred;"][cell="filter:;"][align=center]

[align=center][tabletext="width:70%;background-color:darkred;border:7px double firebrick;"][cell="filter:;"][align=center]برد الجفا ما يرحم ضلوع مغليـك
يلعب بحسبة شوقي اللي فضحتـه


حتى لو إن البعد غيّـب طواريـك
عيّا يتخلـى عنـك قلـبٍ جرحتـه


حبك بقلبي مثل عـرش المماليـك
وحبي بقلبك ما أنمسح لو مسحتـه


تسترسل الدمعات من فوق خديـك
فديت دمع الشـوق لامـن لمحتـه


تبغيني أجي قول لي كيف ما أجيك؟
وأنت الوحيد اللي بعمري ربحتـه


الوصف يستعصي في هيبة معاليك
ولا أظن يكفيني العمر لو شرحتـه


يا من غلاك مذوّبٍ مهجتـي فيـك
إسمك على جدران صدري نحتـه


أسهى وأحس إنك تنـادي وألبيـك
يا ويل حالي جبت عيـدي وبحتـه


أنا دخيل عيونـك السـود يكفيـك
ذبحت قلبي من غـلاك وفضحتـه


نذرٍ على رقبتي نذر إنـي أبغيـك
هذا الصحيح بخاطـري واستبحتـه


ما باقي إلا أخطفك وأنهـزم فيـك
ومن جاء على أثرنا من أهلك ذبحته
[/align][/cell][/tabletext][/align]

[/align][/cell][/tabletext][/align]