لــ الرحيل...وأشياء أخرى!!

[ مخرج ]


ماعادت شفاه الحكي .. تغري شفاي....
ـــ لبست ثوب الصمت .. واحترت فيني !

كل ماطفابي ليل .. اشعلت مسراي....
ـــ حتّى تعرّت لـ المسافات .. عيني !

ولا عدت انا يالصاحب اياي اياي....
ـــ احس نصفي ..منتحي .. مايبيني

مدري يجي هـ العيد .. والبسْك جوّاي !....
ـــ "والا يجيب غيابك .. العيد فيني ؟!"






واجي مكسور .. لاويني الجفاف .... وخفت لاانساه
ــــ غمسته في تجاويفي ..ولا ابتلت ! ... عدا احداقي !

تجيب المبتعد ..وتصب ارضه .....ليييين ينبت ماه
ــــ واحس بداخلي طفل ٍ ..يهيم ... ويشتم الساقي

عبث..خاف وتغنّى لـ الرحيل...وسال بين غناه
ــــ واخاف يجيبه الدرب الطويل... وتقصر أوراقي !

انا لاجيت انقش من كفوف الذاكرة ... فرقاه
ــــ تبرّا الدرب .. من كل الخطاوي ... واشتهى ساقي

تعبت اسقي سماي من السؤال ...ولاظهر معناه
ــــ كذا ياخذ مواعيدي ...ولارتّبت اشواقي !

يجي وافرش سكوتي ..ليين يزرع لـ الحزين شفاه ؟!
ـــــ يجي اثقل من احلام الفقير ... وهقوة الهاقي ؟

خفوق ٍ كلما بيّن مثل ضي القـُرى .. جوّاه
ـــــ عشقت اتوسل اسوار الغياب ...وغاب عشاقي

واقوم ابني على شط الاماني ..مشيته وخطاه
ـــــ اذا امتدت سواحل ..مبعديه .. وخلت الباقي !

لاجل اضحك على عقل المشاعر ..واحتري يمناه
ـــــ تصافح كل ضلع ٍ من ضلوعي .. مل خفاقي !

وآتم اللي توطّاه الزمان .. وخفت لا انساه
ـــــ غمست القلب في قلب الرحيل .. وجفت اعماقي


,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,
الشاعر/ جمال الشمري