رواية اذا قصدك تهين اسمي عشان تشمت العذال حشى لاانت ولاغيرك ولاعشره من اشكالك

الـــجــــزء الــــحــــادي عــــشــــر


ام شهد:لاهاذي مو دموع فرح
شهد:اجل دموع شنووو؟؟
ام شهد:دموع حزن
شهد:لاتحزنين اني بفارقك كل يوم بجي عندك
ام شهد:لالا بو الوليد دق على ابوك وقاله اعذرنا مافي نصيب بينا وبينكم
شهد وقفت:شنوووووووووووووووووووووووووووووو
ام شهد:الله بيرزقك باللي احسن منهم
شهد مو مستوعبه تبكي:يمه انتي متاكده من اللي تقولين
ام شهد:اي على اخر لحظه قالو لنا بس مايندرى شنو السبب
انهارت شهد بكي وامها تهدي فيها
المغرب بيت بو الوليد
في غرفة الوليد
واقف قدام المرايه يتكشخ بالشماغ ويتعطر وجات امه تبخره
مرام:كلللللللوووش ها جاهز يامعرس
الوليدمبتسم:اي جاهز
جات صمود:يالله يمه ابوي يقول
الوليد:خلاص رحو وانا بجيكم بسيارتي
صمود:يقول لالالا كلنا في سياره وحده
تحت عند بوالوليد
اتصل بوالوليد على اخوانه واخته وقالهم يروحون بيت اخوهم جاسم اول
وانزلو الكل واركبو في سيارة بوالوليد الهمر كلهم
بوالوليد:بنروح بيت اخوي جاسم الله يرحمه
ام الوليد:ودنا احنا بيت العروس وانت روح بيت اخوك وبعدين تعال لنا
بوالوليد ساكت والكل سكت
وصلو بيت بومحمد والكل مو عارف شنو السالفه
بوالوليد:يالله دخلو بيت عروس الوليد
الكل:؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
بوالوليد:بدون ماحد يتكلم دخلو
بوالوليد اخذ الوليد على جنب
بوالوليد:انا ياوليدي ما احب اغصب عيالي على شي مايبونه بس انا شفت بنت عمك تناسبك اكثر
الوليد:وشهد؟؟؟؟؟؟؟؟؟؟
بوالوليد:الله يرزقها انا اشوف ان نصيبك هنا ولانه واحد متحديني يبي ياخذ بنت اخوي بالغصب وانت تدري ما احب احد يتحداني وانا قلت لك ما احب اغصب عيالي علي شي ويالله ندخل الحين بيجي الملاك
الوليد في نفسه:غصبتني يا يبه غصبتني يايبه بطريقه غير مباشره
ودخل ورسم على وجهه ابتسامه مصطنعه
الكل مستغرب
حمد:اليوم العصر معاك وماقلت لي
الوليد:حبيت اسويها لك مفاجأه
عند الحريم
ام راشد:شسالفه ليش اخوي جايبنا هنا
ام الوليد وواضح عليها انها منقهره:يقول هذ بيت العروس
ام راشد بفرح:صججججججججججج
مرام:اي ياعمتي بس وين زوجة اخوي
ام راشد:داخل بالغرفه
دانه وصمود منقهرين ومقترفين من البيت
ام محمد:سامحينا يا ام الوليد البيت مو قد المقام
ام الوليد ماعطتها وجه
ام راشد:عرفتي مين زوج بنتك
ام محمد:مييييين
ام راشد:قلت لك اخوي مايسويها المعرس الوليد
ام محمد فرحت: صججج
ام راشد:اي فرحي خلو هالحزن عنكم والله لو مو اخوي توه متوفي كان يببت
الجده:عادي الحي ابقى من الميت كللللللللللووووش
ام محمد تطالع في امها يعني مالها داعي
دخلت مرام غرفة البنات
سهى وسلوى مستغربين والبنات مايعرفونها
مرام:السلام عليكم
الكل:وعليكم السلام
مرام:وينها زوجة اخوي
سهى:اخوك زوج ريتاج؟؟؟؟؟؟
مرام:اي
سلوى:يعني بتملكون على فارس وبعدين بترحون تملكون على الوليد
مرام:لالا ريتاج بتتزوج الوليد
استغربو
سلوى وسهى:شسالفه
مرام:مثلي مثلكم توني الحين ادري
ريتاج ابتسمت وتطمنت لانه سامعه بالوليد كل خير
منار:ودي اطبل وارقص بس الاحترام لبوي الله يرحمه
مرام:هههه في العرس ان شاء الله تصدقون من زمان ودي اتعرف عليكم وسبحان الله بتصير وحده منكم زوجة اخوي عاد وينها
سهى:هذا اهي يعني الحين انتي مرت حماي ههههههه
ريتاج بخجل:ههههه
مرام:ماشاء الله تبارك الله سبحان اللي خلقك يابخت اخوي فيك
ريتاج خجلت اكثر:من ذوقك
عند الرجال خلص الشيخ وقال يبي يسال العروس
سال الشيخ العروس
وقالت موافقه
الجده:ماعلي منكم الف الصلاة والسلام عليك ياحبيب الله محمد كللللللللللللللوووووش
ام محمد:بس يمه
الكل:هههههههههههههههه
ام الوليد وصمود ودانه موعاجبهم الوضع
الكل يبارك لريتاج خواتها يحضنون فيها وام محمد تصيح من الفرح ام الوليد وصمود ودانه ما باركو لها
ام محمد:مبروك يا ام الوليد
ام الوليد بدون نفس:الله يبارك فيك
راحت ريتاج تسلم على ام الوليد وتحب راسها
سلمت عليها ام الوليد بدون نفس
ام راشد:يالله متى بيدخل الوليد يشوف عروسته
ام الوليد:مادري اتصلو عليهم
اتصلت على بوالوليد
بوالوليد:يالله بتدخل
الوليد:لالا يبه ما ابي ادخل لانه ابوها توه متوفي مانبي نسوي حفله خلاص اشوفها في الزواج افضل لمن ترتاح نفسيتها
بوالوليد:عين العقل
وبوالوليد قال حق ام راشد وام راشد قالت لهم
ام الوليد:صمود دقي على احد من اخوانك يودينا البيت
ام راشد:وين يام الوليد
ام الوليد بدون ماتطالع في احد طلعت مع بناتها
مرام:يمه بجلس معاهم اشوي
ام الوليد:اقول امشي وانتي ساكته اللي فيني كافيني
والكل مشى من الرجال بس باقي العمام
بوخالد:عين العقل اللي سويته ياخوي ومهم صار بيظل هذا اخونا الله يرحمه وهذا عياله عيالنا
بوالوليد:هذا اختيار الوليد انا شرت عليه ووافق
بوسعود:والنعم
بوخالد:قم يامحمد ناد لنا العروس نبارك لها
جات ريتاج مستحيه ومنزله راسها
وحبت راس عمامها
بوالوليد:مبروك يابنتي ومنه المال ومنك العيال
وبوخالد وبوسعود يباركون لها
ام راشد:مبروك ياخوي عز الله اخترتو للوليد احسن اختيار
بوالوليد:الله يبارك فيك الحمد الله كل واحد ما ياخذ الا نصيبه
الكل مشى
ولا احد فكر يسال عن شهد
عند البنات
ريتاج:مادري شلون احس مومصدقه اني تزوجت
منار:مالت عليك يالدبه ايه ضمنتي نفسك تزوجتي وخليتنا ولا بعد مو اي واحد الوليد اللي نسمع فيه ولاشفناه
ريتاج:تدرون بصراحه كبر في عيني يوم قال مايبي يدخل يراعي شعوري
البنات:اي والله
منال:انزين على الاقل يعطونا صورته عشان نشوف ملك جمال السعوديه
الكل:ههههههههههههه
ريتاج: الوليد تاج راسكم
البنات:اوووووووووووووووه
منار:انزين خلاص مافيه امل تتنازلين به لي
البنات:هههههههههههههههه
ريتاج:ليكون لعبه وانا مادري
في غرفة ام محمد منسدحه وتبكي تذكرت بومحمد امنية حياته يشوف بناته متزوجين
الوليد في البحر ليش يابيه سويت كذا وشهد
الوليد:انا لازم اتصل عليها
اتصل على شهد
شهد:بعد لك عين تتصل صج انك حقيييييييير لعبت بمشاعري انت واهلك كذبتو علي الله ينتقم منكم الله ينتقم منكم ولا عاد تتصل على هالرقم فاهم
وسكرت في وجه
الوليد نزل راسه:يبببببببببببببببببببببببببببببببببببببببببببب بببببببه حكمت علي بالاعدام بهالقرار
في بيت بوالوليد
ام الوليد بعصبيه:شنو اللي صار يا بوالوليد
بوالوليد فتح عيونه:هييييييييي عرفي من تكلمين بعدتطولين صوتك علي وعلى العموم انا ماحب اغصب عيالي انا شرت عليه ووافق بس انتهى الموضوع وكل واحد ماياخذ الا نصيبه
وطلع غرفته
ام الوليد:عاد مالقى الا بنت شرووووووف
مرام:وشفيها ريتاج ما شاء الله عليها جمالها رباني
دانه:بس هييييلق
صمود:لو يبي من العائله كان اخذ لجين افضل
مرام:كل واحد ما ياخذ الا نصيبه
راحت صمود غرفتها ودقت على لجين وقالت لها
لجين:شنووووووووووو هييييييييين ان ماخليته يطلقها ما اكون انا لجين بنت عبدالرحمن بس عاد بمساعدتك
صمود:انا معاك يوم عرفتها انقهرت اكثر وشفتها ماحبيتها
لجين:جميله؟؟؟
صمود:هااا مادري ماركزت عليها
لجين:والوليد مستانس
صمود:ماتوقع لانه مادخل يشوفها
لجين:والحين وينه
صمود:مادري مارجع البيت
لجين:ليكووووووون رايح لها
صمود:لاماتوقع
بعدها بيومين الكل عرف بالموضوع
الوليد بدون نفس:يمه هاذي شريت الشبكه والدبل خل وحده من بناتك توديهم ومعاهم المهر
ام الوليد بدون نفس:وانت ليش ماتوديهم
الوليد:لا انا ابي اشوفها ليلة الزواج
ام الوليد:رح كلم مرام تروح
راح الوليد وطق غرفة مرام
مرام:هلا والله بمعرسنا
الوليد ببتسامه مصطنعه:هلا بيك
مرام:ها كلمت عروستك
الوليد:لا ابي اسوي حركه ما راح اكلمها ولا اشوفها الا بالزواج
مرام:واااااااااو المفروض كذا وناسه احس حلو
الوليد:عشان كذا ابيك تودين لهم الشبكه والدبله والمهر
مرام:ماشريت هديه
الوليد:بعد هديه؟؟
مرام:اي لازم
الوليد:شنو اشتري
مرام:اشتر لها جوال ولابتوب
الوليد:اوكي
مرام:يالله اخذني السوق نروح نشتري جوال ولابتوب وبعدين نودي الاغراض حق رتوج بتصل على سهى تروح معاي
الوليد:اوكي
مرام:الوووو هلا مرت اخوي
سهى:هلا بيك
مرام:ابيك تروحين معاي بيت عمي جاسم نودي الشبكه
سهى:اوكي شووووفي
مرام:هلا
سهى:اهم قايلن لي يبون صوره للوليد
مرام:اوكي جهزي بنمرك
سهى:اوكي بااااي
مرام:عروستك طالبه طلب تتوقع شنو
الوليد!!:شنو تبي
مرام:تبي صورتك
الوليد مستغرب:هاااا صورتي
مرام:اي اشفيك مستغرب
الوليد:لا ولا شي
مرام:اجل روح جهز احلى صوره وجبها
راح الوليد وجاب صوره واهو لابس الثوب والشماغ
راحو السوق واخذو جوال و لابتوب وبعدين وصلهم بيت بومحمد
مرام وسهى:السلام عليكم
الكل:وعليكم السلام
عطت مرام ريتاج الشبكه والدبله والجوال ولابتوب وعطتها عقد ذهب:وهذا من عندي هديه بمناسبة زواجك
ريتاج:مشكووره ياقلبي
مرام:شدعوه ولو انتي زوجة اخوي
سهى:تصدقين الوليد غالي على العائله كلهم
مرام:وبتصير غلاتك من غلاته
ريتاج انحرجت
مرام:اي صج نسيت شي
وطلعت لها الصوره
اخذتها ريتاج
وجات منار واسحبتها من عندها
منال:الله يخقق
منار: يابختك يارتوج
الكل:هههههههههههههههههه
ريتاج:اشوف ماشفته عدل
اريج:عطوها تشوف حبيب القلب
ريتاج انحرجت
وبعدها جابو الكيك والعصير
مرام:الكيك روووعه من اي مخبز شارينه
البنات:هههههههههههه
مرام:شفيكم
مشاعل:هذا ريتاج مسويته
مرام:ريتاج؟؟؟؟؟؟؟؟
البنات:اي
مرام:تعرفين تطبخين
ريتاج:كلنا نعرف نطبخ
مرام:كلكم؟؟؟؟؟
سهى:اي لاتستغربين بتقولين نفس ماقلت اصغر منا ويطبخون واحنا حتى البيض مانعرف نسويه
مرام:اي والله الله يخليكم
جات ام محمد
ام محمد:ها شخبارك يامرام وانتي ياسهى
سهى ومرام:بخير خالتي
ام محمد:ها محتاجين شي
سهى:لا الله يسلمك
بعدها بساعه
مشو البنات
بعد مانزلو سهى
مرام:صج يابختك فيها جميله ولا بعد طباخه تعرف تطبخ
الوليد:صج
مرام:اي والله وامها ذهبه معاملتها معانا ومع بناتها حلووووه حيييل
الوليد:عدل
في بيت بوسعود
في غرفة سلافه
سلافه:حسبي الله عليهم ياليتنا ماعرفناهم جاو وجابو معاهم المصايب جعلها ماتتوفق معاه بس انا اعلمها ان ماخليته يطلقها ما اكون انا سلافه
جاء تميم
تميم:شفيك تقول امي ان هاليومين ما تاكلين ولا تشربين شفيك يا اختي
سلافه:لا بس كل نفسي مسدوده
تميم:مني والطريق نفسك مسدوده
سلافه:اي ومن الجامعه متضايقه
تميم:لاتشلين هم ياخيتي والجامعه باقي لك سنه وتفتكين
سلافه:الله كريم
تميم:يالله الحين قومي بدلي ملابسك عازمك على عشى
سلافه:لا ماله داعي
تميم:الا له داعي ويالله قومي بسرعه
سلافه:ان شاء الله
وبدلت ملابسها ولبست بدله مرهـ عاديه لان مالها خلق وحطت كبس ع شعرها باهمآآل وطلعت مع تميم يتمشون ويتعشون
وانتهى الجزء
تتوقعون بيتم زواج الوليد وريتاج؟؟؟؟
تتوقعاتكم