خذني بحضنك وضمني بشويش قوه

خذني بحضنك وضمني بشويش قوه بعثر اجوائي وشب الشوق في كل الحنايآإ سو فيني يا نديمي كل شيٍ ما تسوه جيتك وكلّي ذنوب ولمّتك تغفر خطايآإ لمّني أكثر فديتك مو كذا بالعمق جوه اه يا لبّى حنانك لا انتثر بين الزوايآإ والله اني فيك ذايب والغلا مشبوب ضوه والمشاعر دون غيرك جاتك جيوش وسرايآإ خلّنا نحضن بعضنا وانتشيطن وانتلوه خل يديني فوق خصرك وانت يدينك ورايآإ خلّنا ننسى المكان بكل تفاصيله وجوه خلّني ما اشوف غيرك في البشر وانته معايآإ خلّني لا جيت ابوسك تنطق شفاتك تروه ما بعد غمضت عيني لجل ازيدك من حلايآإ خلّني لا ذقت خوخك أطعمه ما تقول أووه أوّتك تنهيد يشعل داخلي كلّ الخفايآإ خلّني ادم وجبتك من ضلوع القلب حوه وخل تفاحة هوانا تنتهي فينا عرايآإ خلّني وابل سحابك وانت يا المضنون نوه خلّني جنة سماك وخّلك فجنة سمايآإ خلّني سلطان شعرك وانت في شعري فتوه خلّني شاعر جنونك واستقي منك السقايآإ يا سمو الحب تدري لبى قلبك يا سموه عمري ما اتمنيت غيرك واقسمك رب البرايآإ يا سمو العشق حلّق لين ما توصل علوه حب سامي حب طاهر حب تحلمه الصبايآإ حب فيه الشك زايل والزعل غادي عدوه لا فراق ولا خصام ولا جروح ولا شظايآإ حب فيه الورد يضحك شفت كيف الورد توه يبتسم يمزح ينكّت والسبب طيب النوايآإ حب مثل الطفل يكبر ويتبختر في نموه عيد ميلاده لقانا وفرحة اللقيا هدايآإ شي رقّه شي طيبه شي فتنه شي مروه والله اشياءك كثيره كثر ما بدمّي خلايآإ فيك نخوّه وفيك ذمّه فيك حب وفيك خوه فيك من كل الصفات وفيك من كل المزايآإ خل حسادك يقولوا زاد حبي في غلوه حقّك وحقّك وحقّك دام متربع حشايآإ ودامني لا جيت حضنك لمّني بشويش قوه ليش ما اهديك المشاعر وانزلك وسط الحنايآإ خل حسادك يقولوا زاد حبي في غلوه حقّك وحقّك وحقّك دام متربع حشايآإ