على بياض القلب وقعت لك شيك

[align=center][tabletext="width:80%;background-color:silver;"][cell="filter:;"][align=center]
[align=center][tabletext="width:70%;background-color:black;"][cell="filter:;"][align=center]

على بياض القلب وقعت لك شيك

خذ شيك حبي واودعه في حسابك



جيت اتسلى في غيابك بطاريك
بادنيك واضمك واكفر عذابك


مدري اعاتب في غيابك خطاويك
والا خطا.. واسكت وابرر غيابك


ياليتني في كل مشوار اخاويك
اتنفسك ( واروى ) بسكرة شرابك


انا (ارتجلت) الحب والقلب شاريك
اجل وش اللي بين الاضلاع جابك


اكيد احبك مابها شك وابيك
ابيك بابني بك واهدم العنا بك


وشوله اكابر وانا هايم ٍ فيك
باقولها حتى لو تصك بابك


حبيتك بيومين حبك لاهاليك
مرتاح لو اشبع ضما من سرابك


على بياض القلب وقعت لك شيك
خذ شيك حبي واودعه في حسابك


وانا ادري ان الحب ماهو بمغنيك
ان كان مارب العباد اعتنى بك


لكنه احساس ٍ يشدك ويدنيك
لانسان ودك تدخله في ثيابك


اما يوردك العنا والتهاليك
والا على درب السعاده مشى بك


فكر .. وانا باقي على حطة يديك
لكن بعد يومين عطني جوابك


واذا تبي رايي لعله يقديك
ترا الذهب يحتاج ليدين سابك

[/align][/cell][/tabletext][/align]
[/align][/cell][/tabletext][/align]