كنا هنا

يابحر هد الموج انا فيـه ولهـان =
يابحر وينه صاحبي غاب عاميـن =
كنا هنا نتبادل اشجـان واشجـان =
واليوم وينه صار واصبحت انا وين =
كنا هنا نضحك ونتعاتـب احيـان =
كنا هنا دايم على الزيـن والشيـن =
كنا نشوف الهجر ماهـو بحسبـان =
واليوم حال الهجر مابيننـا البيـن =
كنا هنا نقضـي الليالـي بسلـوان =
كنا نقول السـر يعلـم بـه اثنيـن=
كنـا نحـب وحبنـا دوم بيـبـان =
كنا نحـب وغيـر كـل المحبيـن =
كنت ابتعد واشتاق دمعـي بهـلان =
واجيه واللقى دمعته فـوق خديـن =
كنت اعتقد انه على البعد عجـزان =
واليوم غاب اسنين واسنين واسنين=
صارت حياتي كلها احزان واحزان =
محدن يلوم اللي بكى لجل غاليـن =
اضحك وانا قلبي من الهـم مليـان =
وامشي واهوجس بين كل الخلاقين =
لو لبسوني مـن فراقـه بالاكفـان =
هذي وصاتـي يابحـر للمحبيـن =
قل للحبيب اللي غدا وسط الازمان=
يحضر صلاتي يمكن القلب بيليـن =
قله عن اشعاري وعن دمع الاعيان=
قله عن ايامي وانـا بيـن ناريـن =
وافديه مالي والاهل كـل زهـران =
وافديه ربعـي والليالـي البعيديـن =