ياحزينه ليت من قلبك يحبه تاخذينه !

السكوت .. و{حزنها} .. مع صدر مولج بالغبينه أصدق التعبير { دمعه} ان بها شح الكلام دمعة(ن) .. مهما اسجنتها ..وعاندتها{ مستبينه } دمعة(ن) تحكي لنا قصة { نهايات الغرام } ياحزينه .. من{ورى البرقع } عيونك ياحزينه تمطر دموع(ن) وكنها تمطر { بصدري سهام } ياحزينه .. ذا{ نصيبك } .. يلعن الحب وسنينه وذا { نصيبي } ياحزينه .. أفقدك بين الزحام ياحزينه والاماني .. مع محبتنا { سجينه } خلف { قضبان الزمان } اللي الاماني به تضام ! ياحزينه .. و{ البصيص} .. اللي بنينا به مدينه ! { انطفى} .. ومن المدينه مابقى غير الحطام ! كنا نحلم / لاغفت عينك{ الحفك السكينه } وان غزاك السهد ابا اغني { حبيبي يالله نام } وكنا نحلم / يوم{ فستان الفرح} .. ابتلبسينه ! يوم فينا الحب مابه من { يلومه او نلام } وكنا نحلم / يوم نوصف ..{ بيتنا } اللي ساكنينه ! كنا نحلم / به {نعيش } ومانبي غير { السلام } كنا نحلم / واحنا في درب المحبه{ عابرينه } كنا نحلم / كنا نحلم / كنا نحلم / في هيام مادرينا ان{ القطار } وفاتنا ويا السفينه ! ! وانصدمنا بالزمن واحلامنا { صارت هدام } ياحزينه .. وان تغير بك { زمانك مع حنينه } ماتغيير في { خفوق اللي يحبك } لا حرام ! عاشقك / باقي على عهده مثل { ماتخبرينه } ماتغير لو تغيير { حلمه } اللي بالمنام عاشقك / باقي على عهده مثل {ماتعرفينه } ماتغيير لو اصاب القلب من بعدك { سقام } عاشقك / باقي على عهده مثل {ماتذكرينه} باقيه انتي في سما قلبه مثل { بدر التمام } ياحزينه ليت من قلبك يحبه { تاخذينه } تاخذينه / لو زمانك شال { بيدينه حسام } ياحزينه .. من {ورى البرقع } عيونك ياحزينه تمطر دموع(ن) وكنها تمطر { بصدري سهام } ياحزينه .. ذا { نصيبك } .. يلعن الحب وسنينه ! وذا { نصيبي } ياحزينه .. أفقدك بين الزحام !