شفني رماد أحلام وحشة مشاوير

[align=center][tabletext="width:60%;background-color:burlywood;"][cell="filter:;"][align=center][align=center][tabletext="width:50%;background-color:black;"][cell="filter:;"][align=center]


شفني رماد أحلام وحشة مشاوير
و أطرق على شباك ليلي غيابك


و أكسر قناديلي كذا دون تقصير
ياما أنكسر حظي على أعتاب بابك


أهديت نبضك من جنوني تعابير
تتلحف بشعري و تلحق سرابك


و أهديت عودك في جفافه عصافير
تسترخي بحضنه و تحضن عذابك


عودتني و الصبح في دربي يسير
أسرح و أصافح في زحامي ضبابك


و علقتني بجناح حلمك و لا أطير
و علمتني أسري سكيك أغترابك


مرت سنة أسقي شموعي معاذير
و أنا انتظر هالوقت يجمع سحابك


ماتت شواطي دنيتي و النوافير
و مات الكلام بشفتي لا حكى بك


هذي المرايا تذبح الحلم و تغير
و ذيك الشوارع خالية من صحابك


و هذا الحزن من غيبتك لي طوابير
و هذا المسا مكسور ما قد ضوى بك


شف صدري اللي ضيقته الأزارير
ما فكها حلمٍ على الليل جابك


وشوف أول أحلامي مسافات و أسير
و شفني عطر يحلم يعانق ثيابك



و شفني مواويل الوجع رحلة الطير
و شفني شجر مات بخناجر ترابك


و شفني ظما مطرود من رحمة البير
كلما سألني غاب فيني جوابك


هذي سنة و الحال ما عاد به خير
شفها شموعي تنطفي من غيابك


راقت لي
[/align][/cell][/tabletext][/align][/align][/cell][/tabletext][/align]