04-12-2015
|
|
لو حل ذكرك ... الشاعر محمد الحريري
السلام عليكم ورحمة الله وبركاته
مرحبا آل قصايد ليل
قصيدة ( لو حل ذكرك ) لشاعر ليل المواجع محمد الحريري
لا واللذي سواك .. ماني بمصدوم
يا صاحبي كان الجفا / فيك عاده
انا الجفا .. في ملتي طبع مذموم
أمناي أمهد لك .. طريق السعاده
لو التغلي شي لي منك مقسوم
ارحم ضعيفا صورتك // في فؤاده
لو حل ذكرك ما يجي .. عينه النوم
و المشكله // ما قمت ليلي عباده
ماني على طرد الهوى فيك ملزوم
حتى ولو قلبي فسادك فساده !
وان كان هجرك فيه من جانبي لوم
اكشف ستار اللوم والوضع ساده
انا بشر لا شك ماني بمعصوم
يمكن خطا عفوي ومنك اعتماده
ما تدري اني من وفا الدهر محروم
والليل همي .. لآ غـــــشاني سَــواده
ماشفت خدي من لظى الدمع مختوم
و الشيب في الشارب بدا في حصاده
أنا شربتك في الهوى // كآس مسموم
و من الغلا طعمك ...حلاته زياده
كل الود
ديمه
|
|