بوادر نحيب

اشــرعــت لـلـصـمــت بـيــبــان الــكـــلام الـرحــيــبة

أبـــــيـــــه يـــنـــهــــي شـــــعـــــورٍ مـــــاقـــــدرت ابـــتــــديــــه

تــعــبّــت أجــــــدّل ظــنــونـــي والــمــســـا مـايــجــيــب

إلا أغــــانــــي حــــصــــاد وخـــيـــبـــة الـــحـــلـــم فــــيـــــه

والـشــاعــر الــلـــي تــوجـــس بـالـمـتـاهـات ريــــــب

ان خـــانـــه الــشــمــع يــشــعـــل لــلأمــانـــي يـــديــــه

يـرحــل مـــع الـتـيـه ..يـتـأمـل بـصـمــتٍ مُـهـيــب

يـتــوه..يــلــقــى بــتــيـــهـــه الــــــــــف درب يـــهـــديــــه!

يـمــرّ.. مـثــل الـشـجـن فــــي أُغـنـيــات الـغـريــب

لا قـــاســــم الــلــيـــل حـــزنــــه والــظــنـــون تــحـــديـــه

وتــطـــل مـــــن ذكــريــاتــه ضــحــكــة أُم وتــغــيــب

يـــحــــاول يـضّــمــهــا وتــضــيـــع بــــيــــن الــوجـــيـــه

هُـنـا..تـسـاقــط مــــــن الـعـتــمــة بـــــــوادر نــحــيـــب

هُــنــا..تــأكـــد بـــــــــأن الـــصـــبـــر مــــاهـــــو نـــــزيـــــه

هُـنـا..امـتـطــى أول دروب الــشــفــق لـلـمـغـيــب

هُـــنـــا انــحــنــى لــلــورق..كــن الــــــورق يـحـتــويــه

هُــنـــا..تـــوغـــل فـذاتـــــه..كــــــل دربٍ صـــعــــيــــب

حـــتـــمـــاً يـــــــــؤدي لـــســـخـــفٍ بــــــــــاردٍ يــحــتـــريـــه!

هُنا..تحسـس ضلـوعـه ..مُرعـبـه مثل:عـيـب

بــشـــفـــاه كــــهـــــلٍ تــــمـــــرّغ عــــزّتـــــه مـــــــــن بـــنـــيـــه

وهـنـاك ..فـــي سـخـريـة ردد:سـهــامٍ تـصـيـب!

طـيـب..يـطـيــش الــســهــم؟ولا زمـــانـــك نــبــيـــه؟

يرحـم زمـان يجي!ونصيـر (ذكــرى حبـيـب)!

ويـصـيـر(الإنـســان) حـــلـــمٍ مـاوصـلــنــا إلـــيــــه!

أغــلــقــت بــــــاب الـــكــــلام الـمـسـتــبــاح الــرهــيـــب

صديقي الصمت خيّم..ضجّ صمتي:أبيك!