خلاص اخترت فرقتنا

السلام عليكم ورحمة الله وبركاته
ابيات واتمنى ان تنال اعجابكم جميعا
تحياتي للجميع

احبك فوق مااتصور...احبك فوق ماقد صار=
احبك لو يكون البعد...حايل بينك وبيني=
مدام اخترت فرقتنا...وشبيت الهوى بالنار=
دخيلك داوي الملتاع.... دخيلك لا تخليني=
انا مااقول لك غلطان ....ولاكن هذي الاقدار=
انا بقول احبك موت...الين القبر يطويني=
دخيلك لاتزيد الهم...وتقبل مني الاعذار=
دخيلك لاتزيد الجرح...احبك يانظر عيني=
زرعت الحب في قلبي...وسقيته بالوفا انهار=
وش اللي صار ياخلي ... عسى جرحك يسليني=
انا مدري عن اقداري...وحظي دايمن منهار=
اشوف اجروح فرقتنا...تضحكني وتبكيني=
انا من يوم لاقيتك...وقلبي شايف المشوار=
احس ارتاح في قربك...واحس انك تسليني=
ودارت بي معاك ايام...احبك واعشقك واغار=
ولاكني خفيت الحب...اخاف اقول وترميني=
ومع الايام صارحتك...لقيتك وافي وصبار=
لقيتك منتضر هاليوم...وبالاحساس تعنيني=
وفديتك كل مافيني...وعشنا نخفي الاسرار=
لو انك تطلب اعيوني....وش اغلا منك ياعيني=
وجات اليوم هالفرقى...وصار الحزن مثل الدار=
انام بوسط دمعاتي...وانادي من يناديني=
صحيح اهواك واتعذب...واذوق بفرقتك امرار=
ومدامك عايش ومرتاح...انا يالله بيعيني=
اوصي نفسك بنفسك...وابعد عن هوا الاشرار=
ودخيلك بعد كل اشهور ...على الجوال تطريني=
وطمن قلبي ابوصلك...ترى الوصل ماهو عار=
عسى الله يسعد ايامك...وعسى ياربي ايعيني=

كلمات
ابو هاجر