 |
 |
 |
 |
|
 |
||||||||
 |
 |
| [ابكتب من قصيدي الوزن وغيرهـ من شعر منثور] { .. هنا يطرح كل ما يتعلق بالشعر من قصائد مكتوبة او منقولة مع الاشارة الى اسم كاتب القصيدة .. } |
|
|
أدوات الموضوع | انواع عرض الموضوع |
|
|
|
|
|
|
|
|
|
||||||||
|
|
|
| [ابكتب من قصيدي الوزن وغيرهـ من شعر منثور] { .. هنا يطرح كل ما يتعلق بالشعر من قصائد مكتوبة او منقولة مع الاشارة الى اسم كاتب القصيدة .. } |
|
|
أدوات الموضوع | انواع عرض الموضوع |
|
#1
11-09-2014
|
||||||||||||||||||||||||||||||
|
||||||||||||||||||||||||||||||
قالت بدو...
وقالت بدو
وصدت وقالتها بقرف بنت الاكابر والترف متكبره ..متعاليه يعني بدوي يقعد طرف!! قالت بدو والمعنى دون المستوى ما حنا وياها سوى احنا بنظرها من نكون؟ ريشة يطيرها الهوى مفهومها حنا عدد رقم ولا أكثر بعد يعني مجرد تكمله ولا فهي أصل البلد قالت بدو تعني صفر على الشمال هذا على احسن احتمال تصدر حكم, ما تلتفت تحكم ولا تترك مجال قالت بدو متصورتني بستحي واترك مكاني وانتحي وتفاجئت,تغيرت,تلعثمت ما تدري اني بفتخر ولي الفخر!! حنا بدو حنا عمى عين العدو حنا البداوة وضعنا وأهل الوفا هم ربعنا حنا نتفاخر باصلنا يا بنت هذا طبعنا ماهي بداوة تلفزيون ولا مسلسل أردني بس بدوي بالميكرفون ولا هد سيفه ينثني ولا بدو بيت السدو حنا بدو حنا بداوتنا الأصل بالقمة حنا مو أقل حنا بداوتنا تراث من جيل لي جيل انتقل حنا معاني ساميه نروي السيوف الضاميه نرد المنايا ما نهاب لو هي سعاير حاميه حنا بدو حنا البداوة عيدنا ما ناكل الا صيدنا ما نعيش عالة مجتمع نموت ما نمد ايدنا حنا البدو حنا البداوة بدمنا مانسمي أحد عمنا حتى ولو منهو يكون لو هو زعل ما همنا حنا بدو حنا البداوة عمرنا ماحد بيصبر صبرنا لانها مصنع للرجال نمشي وتمشي بأمرنا حنا البدو حنا البداوه اصلنا حنا البداوة فصلنا حنا بدو متماسكين وهذي نتيجة وصلنا يابنت يللي تضحكين قلتي: ابدوي تستهزئين ؟ غرك لبتسك الأجنبي والمشكله ما تعرفين ان البدو أصل العرب تبغين هالكلمه طرب صارت نشب يا آنسه يا عانسه يا ضايعه ومستانسه يا تارسه وجهك صبغ يا تارسه عينك شدو حنا البدو ولو كان قلتيها بقرف لنا الشرف انا بدو حنا بدو حنا بداوتنا شيم دين وقيم معنى كبير ماظن مثلك يعرفه لو تدعين المعرفه شي عسير ماظن مثلك ياصله صعبه ولا هي حاصله كلمة بدو !! تعني التمسك بالجذور ماهو التخلف والجهل ولا بعد حب الظهور ولا التنكر للأهل كلمة بدو تعني الشمم فعل وكرم مبدأ حضارت الأمم حنا القمم نار على راس العلم يشهد لنا سيف وقلم وان كان ما عندك خبر لنا الفخر لو عشنا ببيوت شعر.. عيشة ألم عيشة فقر عيشه تعلمنا الصبر ما نقترض لاجل السفر ونحسب أيام السفر ما نفترض ونعيش واقعنا بحذر وبالضيق نرخص بالعمر نشرب من الماي الهماج ونكحل نواظرنا بعجاج وغسيلنا حفنة رمل هي الدوا واهي العلاج عيشة رضا ما هي نكد !! مافيها تعقيد أبد ساعات ما نلقى ذرا يكفي انتلحف بالنجوم وفراشنا رمل الثرى وسراجنا نور القمر لا من ظهر وننام من عقب العشا ونصحى قبل وقت الفجر نؤمن بقضانا والقدر ما هو كسل ولا نعيش بلا أمل نملك طموح علم وأمل ونرعى الابل ونرعى الغنم ونعزف من الونه نغم ونتابع أخبار المطر وندور الروض الخضر ونسري ورا برق سرى ولا نتراجع للورى ونبحث عن المرعى العشيب ومن شعيب اليا شعيب ما نستقر عنواننا كل الديار تجوالنا ليل ونهار نعيش عيشه هاديه وهذي حياة الباديه سنه ربيع, سنه دهر ورغم الفقر نخاف من قولة أفا ونتعب على قولة نعم من فضل ربي ما نخون نرعى الذمم ونركض ونتعب ما نمل ما حنا مثلك لا شغل ولا عمل ما غير بس أكل ونوم ومن الشحم ضاقت عباتك والهدوم يا أسمن انواع الحريم يا عايشه على الرجيم يا آنسه يا عانسه يا ضايعه ومستانسه يا تارسه وجهك صبغ يا تارسه عينك شدو حنا البدو ولو كان قلتيها بقرف لنا الشرف انا بدو يللي تقولين ابدوي أنا بدوي ولي الفخر اني بدوي عزمي قوي ما اخون ما أبوق الخوي يبدأ نهاري بالصلاة واصارع امواج الحياة ما ضاقت الدنيا أبد ولاني من اصحاب الحسد أرفع ايديني للسما واطلب من الله واستخير ما اقول يمكن ربما ولا يصير...أو ما يصير محافظ على الخمس الفروض واضح ولا احب الغموض ولا أتلون والتوي لاني بدوي متسك باصالتي ولا أغير لهجتي أنا بدوي في فزعتي وفي قومتي وبقعدتي وفي مشيتي وفجلستي وفي كلمتي وبنخوتي وحتى عقالي ولبستي ولو قلتي عني فوضوي ما ضرني بالحيل يابنت ابدوي ويسرني أعرف.....من انتي ؟ ومن أنا ؟ والفرق واضح بيننا تدرين وادري من أكون ؟ ويكفينا نعرف بعضنا انتي مثل عمر الزهور مالك عمر مالك سنين شهرين ويجيك الجفاف وتذبلين وتصبح الوانك باهته وانا جذوري ثابته ماخذ من الصحرا الهدو وان كان هذا يسعدك حطي على راسك يدك هالمره لا قلتي بدو يا انسه يا عانسه يا ضايعه ومستانسه يا تارسه وجهك صبغ يا تارسه عينك شدو حنا البدو ولو كان قلتيها بقرف لنا الشرف انا بدو للشاعر طلال السعيد 
 
|
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| بين حب و بين قلب .. و بين ضلعين المغيـب ... | دلوعة الليل | [ابكتب من قصيدي الوزن وغيرهـ من شعر منثور] | 11 | 04-23-2009 11:04 PM |
| موسوعه قصايد ليل المعلوماتيه ...؟ | البرق النجدي | …»●[لكل داء دواء ولبــدنكـ عليكـ حق]●«… | 12 | 01-12-2009 08:18 PM |
| الديوان المكتوب للشاعر / بندر بن سرور "المقروءهـ" المكتوبه | نادر الوجود | …»●[دواويــن الشعــراء والشاعرات المقرؤهـ المسموعهــ]●«… | 0 | 12-18-2008 01:33 AM |
| هكذا كان محمد صلى الله عليه وسلم | النصر العالمي | …»●[ خ ـــيـر الخـلــق ]●«… | 2 | 12-05-2008 12:15 AM |
 |
العرض الشجري