مهما استوى (الحياة حلوة

الجزء الحادي عشر.............
ركب محمد موتره وتم يلفلف ما يعرف وين يسير , ما يعرف ليش ومتى حبها بعد ثلاث ساعات دوارة رد الفندق شاف غرفة اخته العنود مفتوحة دخل لقاها راقدة وهي مب متلحفة لحفها ودخل غرفته وهو يصيح من الخاطر مستعد يضحي بدنيته عشانها بس لو تحس فيه.

اليوم الثاني...........الجامعة الامريكية
خليفة: حمود خير شوفيك
محمد: الله يلعن الساعة ال حبيتها
خليفة: منو هاي
محمد: منو غيرها معذبتي ي .......وسكت
خليفة: ما تبي اتقول اسمها
محمد: لاني احبها اخاف عليها حتى من نفسي
خليفة: محمد انساها هاي وحدة ما تستاهلك
محمد ببنسامة استهزاء: يمكن انا ال ما استاهلها تعرف يا خليفة تعلمت من تجاربي في الحياة انه مهما استوى(الحياة حلوة) واوعدك حتى لو قلبي حبها فكرامتي ضد حبي ادوس حبي لكن ما ادوس كرامتي
خليفة: كلامك حلووانا متاكد انك تقدر تنساها لو بغيت تنساها
محمد: بتحس بمعاناتي يوم بتجرب الحب ........والم الحب الحقيقي
تمو يسولفون بعدين كل واحد سار اكلاسه
الفليل وحدة من اكبر الفلل في دبي ...........غرفة اليازية
ودوم: يزوي غناتي بسج صياح قطعتي قلبي
يزوي: مب محتاية شفقتج
ودوم بزعل: افا وانا ختج ما هقيتها منج يا بنت امي وبوي
يزوي:هههههههههههههههههههههههه
ودوم: يزوي بلاج
يزوي:ههههههههههههههههههههههه
ودوم: حبيبتي شو استوابج
فجاة انفجرت يزوي صياح: ودوم احبه وما اروم اعيش بليه
يزوي كانت تصيح في حضن ودوم ال كانت تخفف حزنها بحنان
ودوم: بس خلاص كل شيء له حل
يزوي بفرح طفولي: يعني عادي اتيوز محمد
ودوم بحنان: اي عادي خليه اي يخطبج من ابوي وامايا وان شاء الله ما يصير ال الخير
يزوي: ان شاء الله
اتعرف ماذا تعني كلمة امل ان لهامعاني كثيرة, لاحياة دون امل , ولا امل دون حياة قد تتحقق احلامنا يوما من يدري .
صباح اشراقة يوم يديد ملياْ بالحياة والغموض
كان محمد يتريق مع اعز ربعه في الامارات ال هو خليفة ...........وفجاة يت العنود وهي لابسة مريول المدرسة , ومثقلة الكحل وحاطة قلوز , ومسوية عقصة ومخلتنها على صوب وشكلها حيل كيوت
محمد ببتسامة: الله الله شو ها الجمال غطيتي على بنات المدرسة
العنود:تسلم انا دومي حلوة
خليفة: وانا اشهد
محمد طالع خليفة بنص عين: اي يا ويهك اشحقى تغازل اختي
خليفة: يا ريال اختك مثل اختي ولا انت لك راي ثاني
محمد: لا افا عليك والسموحة منك
خليفة: مسموح بالحل
محمد وعينه على العنود: العنود حبيبتي يلسي تريقي بعدين بوصلج المدرسة
العنود: لا عليكم بالعافية انا مستعيلة على المدرسة
محمد: عيل بوصلج
العنود: ماله داعي بسير مشي
محمد: مب تعب عليج
العنود: لا تعب ولا شيء انا متعودة اسير المدرسة مشي يالله فمان الله
محمد وخليفة: في امان الكريم
العنود وهي تمشي شافت رنج سبورت تلحقها, صاحب السيارة رفع الجامة وكان نهيان لابس كندورة بدون لا يتعصم وشكله خبال العنود ما هنمت وسوت طاف حق نهيان وهي تمشي بدلع وتلعب بشعرها الناعم
نهيان: احيد القمر يضهر باليل وانا اشوفه اليوم في النهار
العنود طاف
نهيان:ليش ما ترمسين وين راح لسانج ولا القطوة كلته يا حلوة
اكبر طاف
نهيان: فديت ال مسوتلي طاف اونها تتغلى
العنود ولا جنها تسمع شيء هني صدق عصب نهيان وقف موتره ويا جداها وهو يمسكها بعصبية نزلت قصتها الطويلة وعطتها منضر اثيري اتخبل نهيان على شكلها وحس بحرارة جسمه معاها يصير انسان ثاني انسان ضعيف غير عن نهيان المغرور والقوي نضراته تحرقها وتشعل الخوف في قلبها
العنود: لو سمحت ايدي
نهيان ببتسامة: اخيرا رمستي كان خاطري اردلج الصفعة بس مثل ما تعرفين منقود نضرب الحريم
العنود: لا والله معلومة يديدة اتصدق اول مرة اسمعها
نهيان: تطنزين
العنود: لااستهبل
نهيان بدى يفور على سخافتها, وخاطره يذبحها بس ما تهون عليه قعد يتحسس خدها الناعم بايده بغى يبوسها على خدها بس هي دزته وركضت تشرد عنه
نهيان:اااااااه هاي البنت عذاب فديتها والله
وركب موتره يلحق على ربعه
في الجامعة الامريكية....................
محمد: هههههههههههههههههههههههههههههه
خليفة: ههههههه كل ها عشان الموقف ال استوالك
محمد: لا والحبيبة صدقت اني معرس
خليفة: ولله انك شيء يا ريال
محمد: اعجبك
وفجاة رن مبايل محمد
خليفة: منو
محمد: ما عرف رقم غريب
خليفة: انزين رد عليه
محمد: اوكي
محمد: الو
......:.........
محمد: مطسلين تسمعون صوتي الو
........:الو
محمد جنه عرف الصوت: اليازية
يزوي:هي اليازية محمد جيف حالك
محمد بدون نفس: بخير وانتي
يزوي: بخير يوم سمعت صوتك
محمد: يزوي بقى شيء ما قلته وخاطرج تقولينه
يزوي: هي
محمد بقهر: وشنو هو
يزوي وهي تصيح: احبك محمد
محمد بستغراب: اشو تحبيني
يزوي:هي احبك وما اروم اعيش بدونك تعال اخطبني وصدقني ما برفضك محمد
محمد: يزوي انتي تبجين
يزوي: دموع الفرح حبيبي لاني سمعت صوتك احبك لله يخليك لتهدني
محمد: يزوي حياتي لتبجين دموعج غالية علي اذا انتي تحبيني مرة انا احبج مليون مرة احبج احبج يزوي وما اتصور حياتي دونج
يزوي: بعد عمري والله
محمد: حياتي انتي
تصالحوا محمد واليازية وقرروا انه مهما استوى ما بيفترقون لانهم مكتوبين حق بعض محمد الكويتي , ويزوي الاماراتية
مكان اخر احد شقق الدعارة
نهيان وهو حده سكران و يغني: احبك لو بعيد الدار عنك
جذاك يحن قلبي لرجوعي
قالو عني الليالي ابعدنك
خالد: نهيان شو صارلك ما كنت جي
نهيان وهو سكران: ليش انا بلاني ما فيني شيء جني البخت عدل عدل عدل
خالد: نهيان انت اتحب
نهيان بعبط: لا وانت الصاج اكره انا ما احب تعرف ليش لاني نهيان ال مستحيل تهزه حرمة
خالد: نهيان ودر غرورك اشوي وتكلم معاي نهيان حبيبي انا اربيعك اذا ما خفت عليك منو ال بيخاف عليك
نهيان بحزن: العنود
خالد: منو العنود
نهيان: غناتي احبها والله احبها بس هي حمارة ما تفهم
خالد: انزين شو المشكلة خلها تفهم
نهيان:وكيف تبيني افهمها
خالد: الحب الحب يا نهيان وما يحتاي اعلمك انت دكتور ولا نسيت سارة
نهيان: غصبا عني جرحتها عمري ما هتميت ولا حبيت سارة مع انها تموت على تراب ريلي شعوري اتجاه العنود شعور غير شعور لذيذ يعطيني دافع اني اعيش
خالد: الله على الحب يا بو دافع
نهيان: تعرف انك مريض ونصيحة من اخوك تعالج عند الدكتور النفساني
خالد: مع اني شاك في الموضوع بس ما علي نعديها ............وابتسم
اليوم الثاني...........مدرسة العنود
العنود سرحانة اتفكر في تغير حال اخوها محمد قطع سرحانها صوت اربيعتها فطوم
فطوم: ال ماخذ قلبج يتهنا فيه
العنود بهدوء: عليه بالعافية لان محد ماخذ قلبي غير اخوي محمد
فطوم: خطيبي
العنود:هههههههههه فديتج والله انج شيء
فطوم: احم احم اعجبج
العنود: اقول فطوم
فطوم: هلا
العنود: عمرج حسيتي بتغير حال اخوانج
فطوم بستغراب من سؤال العنود: هي وايد على حسب النفسية ليش السؤال عسى خير
العنود: والله ما عرف شو اقولج فطوم
فطوم بحنان: قولي حياتي اذا ما قلتي حق فطوم اختج حبيبتج لمنو بتقولين
العنود: محمد اخوي
فطوم: بلاه اخوج
العنود: حاله ابد مو عاجبني
فطوم: كيف
العنود: تغير وايد صار هادي قليل الكلام وما يقعد في الشقة وايد وقته كله حق الجامعة وخليفة ارفيجه
فطوم: وانت بشو حاسة
العنود: احس ان اخوي عاشق
فطوم: عاشق
العنود: اي عاشق بس منو ما عرف
فطوم: وشو ال خلاج تتاكدين من ها الاستنتاج
العنود: تصرفاته كلها ادل على ان اخوي مغرم ويا خوفي ايكون حابله وحدة اماراتية
فطوم: انزين شو المشكلة اذا هي اماراتية
العنود: مثل ما تعرفين فطامي نحن كويتين وما اعتقد ان في وحدة ترضى تتغرب وتسير ديرة مب بديرتها
فطوم: اذا كانت تحبه بترضى
العنود: قلتيها اذا ويا خوفي اتكون تلعب بمشاعر اخوي
فطوم: اخوج مب ياهل عشان تي وحدة تلعب عليه
العنود: الحب الحب يا فطوم
فطوم : تتكلمين عن الحب جنج ال مجربتنه
العنود غمضت عيونها وما تدري ليش يا نهيان على بالها بس مسرع ما طردت ها الاحساس لان العنود حالفة ما تاخذ ال ولد ديرتها بس صدق نهيان يفجر فيها مشاعر ما تعرف كيف تفسرها هل هي خوف ولا شوق ولا اعجاب ولاشيء ثاني ما عرفت شو يكون.

نهاية الجزء الحادي عشر