قصيدة ماطحت من جنه

اذا على بالك .. بـ يهزمني اهمالك
موت الغرق ابرك ، ولا اضما على جالك
ماطحت من جنه .. اذا طحت من عينك
قدري اهو قدري بفرقاك ، ووصالك
الجرح بالجرح وجفاك بجفا ونسيان
انا لنفسي وانت بتظلّ لامثالك
تعرفني ان زانت .. ولا ابيك تعرفني
انا الذي تعرفْه اذا شانت احوالك
من قلبك ومن عينك اتشيلني ؟ يمكن
لكن ترى اللا ممكن انشال من بالك
ما اكرهك .. كرهي لـ من هو يهم أمره
ولا انت ما اشوفك .. عشان اكره افعالك
تبي نرد لبعضنا ؟ حيل متاخر
صَل ركعتين اني انا كنت بقبالك
لا تعتذر مالك عذر ، والجروح اشهود
انا الذي راح اعتذر لي عن اشكالك