طق يامطر/ طق يا مطر

[ALIGN=CENTER][TABLE1="width:80%;background-color:black;border:8px inset gray;"][CELL="filter:;"][ALIGN=center]

فارقت كل الناس من أجل عينك . . .

حتى مع قلبي ~ عشانك تفارقت !

والحين ويني عن حياتك ووينك ؟

فارقتني وماهمّك إني تضايقت .

{ ودّعتني } يا جعل ربّي يعينك |

ومع المشاكل في فراقك تعانقت . .

ما رِجَع ؟ سألوا عليه يمكن إنه فيه شي .

______________ غيبته عنّي { غريبه } روحوا جيبوا لي الخبر :

والله ماهي عادته أيّام ما يسأل علي !

______________ حجة الغايب معاه . . بس . . مافيني صبر .

لا تخبّون الحقيقه |

وماحصل ؟
- قولوه لي .
ولا تقولوا لي : نسى أو لهى ،
ماهو عذر !

أكذِب إن قلت الليالي في غيابه : هي / هي

______________ ويَصْدِق إن قال المفارق راح يسبّب لي : قهر

قلبي حيل إشتاق له وحبي له ماهو [ شوي ] :

______________ مثل صحرا أنتظر . . طق يامطر | طق يامطر .

في وداعه ، كنت أمسك راحتي براحة إيدي

______________ لين شفته بعيد عنّي .. كنّي ماسك لي : جمر !

ظلمه هالدنيا بدونه مابها نورٍ و { ضي } .

______________ ليش سافر عن عيوني ؟ يعني وشفيه السفر !

من غيابه . .

راح عمري !
{ حي } لكن ~ ماني حي .
يا تجيبونه ،
يا إمّا :
روحوا جيبوا لي عُمُر .

الشعر : أفضل وسيله توصِف إللي صار بي . .

______________ وإلا أنا ماكنت أصلًا فاضي وحول الشعر !

لا تسولف لي عن { جْروح الليالي } . .

وإنتْ قلبي .. ياما داواك ، وخدعته !

إيه أنا صابر .. لأنك : حيل غالي ،

ولو أحد ثاني مكانك ؟ - كان بعته .

للمبدع احمد الصآنع

[/ALIGN][/CELL][/TABLE1][/ALIGN]

صح لساانك رحووله و لساان شااعرهاا
يعطيك العاافيه يااقلبي ع القصيدهـ الراائعه ..
ننتظر جديدك يااعسل ..
ودي لـ روحك الجميلهـ ..

تسلمين يا قلبي
لج مني كل ود
واحلى ورد

طق طق يا مطر

قلبي حيل إشتاق له وحبي له ماهو [ شوي ] :

مثل صحرا أنتظر . . طق يامطر | طق يامطر .

راقت لي يارحيل تلك الحروف اللتي راقت لك
لكنها لامست وجعا بداخلي فتنهدت قائله طق طق يا مطر
تقبلي مروري