ديوان الشاعر / عبد الله بن ذويبان .. l

/






[ ياديم ْ ]













ضحكتك حلوة .. و انا خالك يا ديم
... أضحكي لي .. كل ما شـح الكـلام





و علميني كـل مـا هـب النسيـم
... كيف أغافل زحمة جروحي و أنـام





و كيف أخلي كل طعنـات الصميـم
... من ورى باب الحشا .. برد و سلام





الله يواريك .. عـن كيـد الحريـم
... و عن عيون الشر .. و عيال الحرام




أشعلـي بعيونـك السـود العتـيـم
... ما ورى هذي و لا هذي .. ظـلام





أن هديتي .. صرتي قطعة أيسكريم
... و أن لعبتي سـال ملحـك للختـام





وجهك أجمل وجه .. و الله العظيـم
... ما هو أيّة وجـه عابـر و السـلام




داعبي بأطـراف كفـك كـل غيـم
... و أجمعي من حولك أسراب الحمـام





يا أطهر من الحزن في قلب اليتيـم
... و اجمل من الطيب فعيـون الكـرام





كل ما جيتك و انـا حالـي سقيـم
... رحت من عندك و انا : بخير و تمام





و ضحكتك حاجه خياليـه يـا ديـم
... كل ما عانقتهـا .. ضـاع الكـلام












’

[ طفلتين السهر ]









وين راح النـوم ؟ والا ويـن ولا
... والعيون الساهـره .. مثـل اليتامـا


طفلتين الـراس .. عيّـن لا تسـلا
.... ما جذبهن شي غير أحضـان مامـا



آآه يا صـدر ٍ مـن أحزانـه تمـلا
.... ما بقى به شبـر واحـد مـا تدامـا



صاحبي فالجـرح مبـدع و يتجـلا
... يوم يجعل صفقـة ضلوعـي توامـا



هاز رمحـه فـي معاليقـي و خـلا
... جوف صدري ينتثر لـه و يترامـا



قلت : أبيك تشيل رمحك .. قال : كلا
... قلت : اجل خله على الروح يتزامـا



هاك قلب ٍ في قفص صدري .. تـدلا
... يشـرب طعونـك ويكبـر و يتنامـا


يا رفيقي .. صاحبك رحـب و هـلا
... بالجروح اللي مـن كفوفـك تهامـا


راح عمره فـدوة الجـرح المحـلا
... مثل ما قد راح لك .. يامـا و يامـا


يحتزم و يموت لجل ارضـاك.. والا
.... يدحم و يزحـم لعينـك.. ويتحامـا



مـا تخـلا عنـك .. لكنـك تخـلا
.... هو يشوفك و انت عن شوفه تعامـا



كم رفع راسه و شـاف أنـك تعـلا
... فوق روس أهل الفعايـل والنشامـا



يكفي انك كل مـا صليـت.. صلـى
... و يكفي أنك كل ما تسمو .. تسامـا



يوم راح النوم .. قل لي ويـن ولا ؟
... و العيون الساهره .. مثـل اليتامـا








’

[ هذي عادتك ْ ]





دايم و أنا أخطي و أنت تغفر لـي و هـذي عادتـك
... تغفر .. ولو ما تلمس بصوتـي نـدم و الا أعتـذار



يا طيب قلبـك كـل مـا يسجـد علـى سجادتـك
... و يا حلو عفوك كل ما سامحـت و أخطائـي كبـار



تكفـى دخيلـك حطنـي بينـك و بيـن قـلادتـك
... و أرجوك لا تضحك .. تراني صدق منها صرت أغار



مدري من أحسد شوفتك .. الأهـل و الا وسادتـك
... هذي تضمك بالمسـا .. و ذولا يشوفونـك نهـار



مـا فادنـي صبـري و لكـن فلسفاتـك فـادتـك
. ... أنا أشهد أنك صرت تحكمنـي مثـل حكـم التتـار



يا ليـت الأشيـا يـوم قادتنـي لحبـك .. قادتـك
... حتى تذوق الشوق .. و الحيره .. و طعم الأنتظـار



يا عمـري الباقـي .. سعـادة عاشقـك سعادتـك
... في ذمتي .. تبطي و لك فالقلـب مقـدار و وقـار



أسف .. أذا كاني غلطت و جيـت عكـس أرادتـك
.... و أسف اذا كاني خذلتك دون قصد .. و بأختصـار:



صدقني أنـك كـل مـا مريـت روحـي .. نادتـك
.... ما كنها تعرف سوى أسمك .. من كبار و من صغار




و الله ما أجمل من عتب صوتك .. سـوى أشادتـك
... لا قمت تمدحنـي .. و تعطينـي أمـل بالأنتصـار



أنت الحنان اللي نـزل بالكـون .. سـاع ولادتـك
.... و انا اليتيم اللـي بدونـك .. دون ربـع و دون دار




من عادة الدنيا تجـود .. و يـوم جـادت جادتـك
... جيت و نزعت الخوف من قلبي .. و قاطعت الحوار



متى على الله يقترب شوفـك .. و تسكـب سادتـك
.... و أضم كفينك .. و ترفـع عـن محيـاك الخمـار




هـاك الغـلا .. و الدمـع خلـه جائـزة نقادتـك
..... و أصبر على اللي كل مـا يفقـدك ذاق الأنكسـار



والفـت قلبـي و استحليتـه .. و روحـي هادتـك
.... و أيقنت أنك صرت أهم أنسان .. و أعلنـت القـرار




قـم لا عدمتـك لا يهمونـك .. تـرى حسـادتـك
.... في كل بيت يمـر فـي وصفـك يحسـون بمـرار



و أنت الفريد .. بصحبتك .. و بطيبتك .. و عبادتـك
.... و بكل شيء .. و غيبتـك معنـى حقيقـي للدمـار



أموت فيك .. و في غلاك .. و في دلعك .. و عادتك
.... و أرجع و أقول أني غلطت و جيت أبهديـك أعتـذار

[ ياحبيب الورد ]






قال : هاك الورد كله .. قلت : هاته
... و أنت هاك اللي لغيرك .. ما عطيته





يا حبيب الورد .. لا تأخذ صفاته
... مابقى للورد وصف ٍ .. ما خذيته





جيتني .. و القلب يكتب في وصاته
... و أنتثر قلبي على الطرس .. و قريته





ليه تزعل منه ؟ .. يا أدنى دانياته
... و أنت منه .. و كل ما يضما سقيته






أمس لف الحزن قلبي في عباته
... و أبتديت أرسم معاه حدود بيته





ما شكيته .. يوم تخنقني جهاته
... بس يوم انه خنق قلبي .. شكيته




لا تلوم القلب .. يا ماه و نباته
... قل فمان الجرح .. و الا قل فديته





خل وقتك بين جرحه و أمنياته
... و أن بكيته .. لا تقول انك بكيته






هات جفنك للسهر في مقبلاته
... و أفهق انعاسك ..و لا تطري مبيته




ما بقى للفكر من شرّد بناته
.... غير شعر ٍ كل ما يُكتب .. محيته






بين همي و أخر الوقت و شتاته
... جيت كنك مطلع النور .. و سريته





و قلت يالله لا تخليني شماته
.... لا يصير الصدق ذنبي .. لا جنيته





يا شقيق الطيب .. بأسماه و سماته
... كل حرف لطاري أيامك .. دعيته




و القصيد بٌيَدٌك .. محياه و مماته
... قلي أكتب و أن بغيت أنسى .. نسيته





يوم جبت الورد كله .. قلت : هاته
... لا تخليني و كني ما خذيته !!










’

[ أسلوب راقي ]







الضيق..و الصكات..و الهم و الغم
... و صبري على طول الجفا و اشتياقي



أحسها تسري براسي و لا أهتم
.... تقول واقيني عن الشر واقي



لكني أستوحش من الليل..و أزم
... همي و أغني في رفيع المراقي



عليك ياللي كل ما قلت لي : سم
... صحيت لك .. و اطلقت للريح ساقي




طلبتني كليٌ .. و انا قلت لك : تم
.... خذني .. بكامل رغبتي و أنسياقي



خذني .. تراي أفداك و الكُم للكُم
... محد بيحس بضيعتي و انسراقي



عز الله أني لا تبعثرتك .. ألتم
... مثل المطر .. لا جمعته السواقي



أشوف فيك الهم .. و تقول لي: نم؟!
... وشلون أنام ..و دمعتينك مذاقي!!



لو ما جذبني طيب .. يجذبني الدم
... ما دام باقي للحميا .. بواقي



أثور لا ضاقت .. من الجم للجم
.... و أمرمط أكبر راس .. بأسلوب راقي



و أخص من يستاهلونه .. و لا أعم
.... و أعلن على حزب اليسار أنشقاقي



و أن عوٌدت للمدح و القدح و الذم
... لله .. أوجه ملتي و أعتناقي



تشهد لي الأجناب .. قبل البني عم
... و تواضعي دايم يجي في سياقي



أبيع و أشري .. و أكسب الكيف و الكم
... و أجنب الشرهات عن عظم ساقي


و أكبر دليل ان الخيانه لها يم
... ممكن تجد فالقادسيه .. أتفاقي!!



أشباه .. لا جاء الحق .. لا كف لا فم
..... تعشق سياسات النظام العراقي



هياكل أخر وقت .. تمشي بلا دم
... في روسها .. مافيه غير الطواقي!!












’

/




[ مكان أحبابي ]









يا رب أنا فيني ألم و دموع
.... و جيوش من كثر الوجع و جموع




أضمها بضلوع صدري .. حتى
... تصير من خلف الضلوع .. ضلوع



و أبكي و اداري عبرتي و أخفيها
.... و أنا لو أخفيت الوجع .. مسموع



يا رب انا هذا .. و هذا طبعي
... صادق .. و اعاشر كل شكل و نوع



يا رب سامحني على غلطاتي
.... و عن كل ما قلته و هو ممنوع



و أغفر خطأ فعلي .. و زلة عقلي
... و أسترني بذكر .. و جميل طبوع



هذا و انا العبد .. الضعيف .. الفاني
... لو كنت ما اعاني عطش .. او جوع




زاد المرض همي .. و نقّص حيلي
.... و اصبح هو الناتج .. و انا المجموع




ميت .. و مؤمن بالقدر .. و ارضا به
.... اليوم .. بكره .. و الا بعد أسبوع !!



يا رب أبي موت العزيز .. المؤمن
.... مابي ممات العاصي .. المصروع



أنطق شهادة .. لا اله الا الله
... و أبعث عليها .. و أصبعي مرفوع



يا رب .. انا راضي و ماني جازع
.... ما عاد باقي للجذور .. فروع



أعطيت و ارخصت النفيس الغالي
.... حتى غديت الدافع .. المدفوع



جعلت في صدري مكان أحبابي
... ظل .. و سحاب .. و مجلس ٍ مزروع




من طيبتي .. ولعت أصابع كفي
... في ظلمة الليل العتيم .. شموع



أفتح ضلوعي .. و أستمع شكواهم
.... و أجعل عروقي للحديث .. خشوع



و اليوم احس اني .. وحيد الغربه
... غصن .. و من أغصان الأمل مقطوع



ما عاد باقي لي على هالدنيا
.... غير انت يا ربي .. و انا المجزوع



و أصحاب قلبي .. و الدعاء .. و أخواني
.... و امي .. و أبوي .. و طبعي المتبوع



يا رب عنهم لا تزول الراحه
.... ما دام لك فالارض .. قوم ركوع



و أشملهم بفضلك .. و زايد خيرك
.... و أجعل لهم من رحمتك .. ينبوع




و انا اذا كان الممات أرحم لي
.... بدعيك بأسمك .. و الدعاء مشروع



يا رب تأخذني .. و لا تجزعهم
..... في ساعة ٍ فيها العبيد خشوع




و يا رب ترزقني رضاهم .. عني
.... لا سقتني للموت .. دون رجوع



ودي اذا حل القضاء من بعدي
.... ينسون شيء أسمه .. ألم و دموع








’

/





[ مدينة الفجر ]








تجمهروا في ضلوعي صبح .. و أحتلٌو
.... مدينة الفجر .. وسط الصدر .. و أغتالو



مشاعر الصدق .. و الحرمان .. و أنهلٌو
... من كل وادي على قلب العنا .. شالو




اسيوف غيبه .. و خنجر ضيقه .. و سلٌو
.... كل أسلحتهم بعد فرقاك .. و انهالو



شالو حنيني .. و طيبة قلبي .. و خلٌو !!
.... دمعات عيني ..شف الدمعات كم سالو؟



مليت .. لا يذبحوني !!.. ليه ما ملٌو
... أغتالو الصبح يا أبن الصبح .. و اختالو



ماهيب زله .. و اقول ان العرب زلٌو
.... مليون مره ..!!.. و انا انادي و لا بالو



من كثر ما ابكي ماعاد عيوني ابتٌلو
.... سريٌن كنت احتضنهم لكن .. انقالو



الأرض ضاقت .. و نجمات السماء قلٌو
.... و أيام صبري عن الصدمات ما حالو



تنافروا عن حدودي ضيق .. و انفلٌو
... كأنهم من خلايا الذاكراه .. زالو



من عقب ماهم على ارض المسأله حلٌو
... شالو جملهم على الطرقات و اشتالو



حزني .. و ليلي .. و تفكيري ..!!.. و لا صلٌو
... صلاة ميت .. عليه من الرمل هالو


لا تحسب انهم بقوا بي للاسف .. ولٌو
... صحيح ما اعرف اميز كل ما قالو



لكني اذكر .. و هم بالقلب ما جلٌو
... يبوني انسى غرامك بس .. ما احتالو



تكلموا مع بعضهم عقب ما اغتلٌو
.... و لا ارحموني .. و لا رافو .. و لا مالو



تعاون الربع في ذبحي .. و لا ذلٌو
... و من قبل لا يذبحوني .. هاك وش قالو:



احبابه اللي يبيهم داخله .. ظلٌو
... ما بين قلبه و ضلع الصدر .. لا زالو




من عقبها ما نيب اميز .. لكن احتلٌو
.... شوارع القلب .. قبل الصبح .. و اغتالو



شالو حنيني .. و طيبة قلبي .. و خلٌو
.... دمعات فرقاء .. قبل فرقاك ماسالو











’

/





[ قلوب البنات ]







قال من عدى براس المستحيل
.... يوم غنا في كبار المعجزات



سود الله وجه الأيام .. الجميل
.... الزمن يركض .. و عمري فات فات



تستحق المدح .. و الشكر الجزيل
... ياجميل الطبع .. يالعذب الفرات



معجزات الخلق .. تظهر كل جيل
... و انت منهم .. نسأل الله الثبات



الغرور .. أحيان .. يجعلك الثقيل
... كيف أفرٌق؟ .. و انت مجموعة صفات



أن رحلت .. الموت و أسمك من رحيل
.... و أن بقيت .. أحلى السنين المقبلات



يوم هب النود .. في قلب الأصيل
... ما دفنت الشعر .. بقلوب البنات



جيت .. أصبه في كفوفك .. سلسبيل
.... وأحفظ التاريخ .. و عيونك ثقات



جعل مالي غير طولك .. يا طويل
... كيف تصنع بالغرور .. الأمنيات؟



في سبيل القرب منٌك .. (لا سبيل)
... يصمت العصفور .. و يموت النبات



يا كريم الدمع .. ما يخدم بخيل
.... شف غصون القلب يمك .. دانيات



هزها .. و يطيح بيديك الحصيل
... فكر شاعر .. عاش في حلمه و مات




و أنت غالي عند نفسي .. و الدليل:
.... أني أسأل عنك في كل الجهات







’

/




[ أمطرت فـ الشوارع ]








أمطرت فالشوارع .. و أرجهن السحاب
..... و أمطر الدمع فيني .. لين دمعي ضفا




ما بقالي كلام .. و ما بقالي عتاب
.... ما بقا لك بقلبي غير كلمة .. ( أفا )




أمس فكري تشتت بين .. باب و جواب
.... يوم وجهي حزين .. و نور قلبي طفا



شق صدري غيابك .. يا كثير الغياب
.... و انت لا جيت صوبي .. جيت كلي حفا



كنت اظن الكرامه من كريم الجناب
.... مثل رد الوفا لا جا من .. اهل الوفا



و أثر مالك مقام .. و مالقلبك حساب
.... هبت الريح فيك .. و كل سافي سفا



جندوك ( الثعالب ) .. و أخضعوك ( الكلاب )
... و أكثر الظن بان .. و كل شي ٍ خفا




و أنت راضي .. و فاتح للزمان الف باب
.... باب ( هذا يروح ) .. و باب ( هذا لفا )
ل



ايقين لبعضكم .. يالقلوب الهباب
.... بين ( شذاب ساق ) .. و بين ( راعي قفا )



لا تظن السلامه و أبتعادي .. أكتئاب
.... دام عندي مبادي .. جعل عمري جفا



المشاعر .. تبٌدل مثل بعض الثياب
.... و الرفيق يتبٌدل دام ( راسه ) هفا


و الطريق ان مشيته .. باتجاه الذهاب
.... واضح الصدق فيه .. و مايهم أن نفا



يالله اني بوجهك من شديد العذاب
.... عن خطاهم ( عفينا ) يوم وجهك .. عفا



ليت لي فالمنابر .. دعوة ٍ تستجاب
... و أسألك عن عناي .. و عن ( مرضهم ) شفا



و الهقاوي تشيب و توٌ عمري شباب
.... يا جروحي تهادي .. جرح واحد كفا



جعل عمري طويل .. و فوق نجم و شهاب
.... و الله يديم قلبي في .. امان و دفا



جف حبر المحبه .. فالورق و الكتاب
... و أسود الليل .. حوٌل فالضلوع و ضفا



رمش عيني يموت .. و يعشق الانتصاب
.... فوق طرفي .. و حتى يوم طرفي غفا



مالقيت بعيوني .. غير دمع السحاب
... ينتثر في ضلوعي فوق كلمة .. ( أفا )









’

[ في أمان الله ]







لا توادعني .. دخيل الله .. لا تبكي عيوني
... و انت عارف .. (شنطتي) دمعي .. و ضيقاتي (متاعي)




سفرتي .. و مفارقك ..و البعد .. للضيقه حدوني
... حسبي الله .. و الوكيل الله .. على بعض المساعي




سيدي .. و الذاكره حيه .. و لكنهم نسوني
..... الله يثبت ركون القلب .. في لحظة وداعي



ايه انا مسافر .. و لكن شفني مسافر بدوني
... أنت نفسي .. و السفر موحش .. و لا له اي داعي!!




الله يديم الثلاث اللي بفقدك صبروني
.... حاجتي لك .. و ارتباطي فيك .. و الشوق الجماعي




كنهم في رحلتي هذي يبون .. يوزعوني
... بس عادي .. لا يهمك و انت في يدك اجتماعي



كل ما طرو سفر الايام عندي .. ضايقوني
... لا يطرون السفر .. و الدمع غيمي .. و انت قاعي



الله يحفظك .. و يحفظني لو ان الموت دوني
..... و الله يخفف هبوب الريح .. لا تجرح شراعي



في أمان الله .. و اسمع: كل ربعي وادعوني
... و انت وادعني و عطني .. ( تذكرة رحلة ضياعي)